Əsas menyunu aç

Şikar Şikarov (tam adı: Şikarov Şikar Şükür oğlu; d. 3.12.1953, Bakı, Azərbaycan SSR - ö. 6.13.1992, Ağdərə) — Azərbaycanın Milli Qəhrəmanı; Qarabağ müharibəsi şəhidi; Azərbaycan Respublikası Silahlı Qüvvələrinin Baş Qərargahı rəisinin birinci müavini (1992). [1]

Şikarov Şikar
Şikar Şikarov.jpg
Doğum tarixi 3 dekabr 1953(1953-12-03)
Doğum yeri Bakı
Vəfat tarixi 13 iyun 1992 (38 yaşında)
Vəfat yeri Ağdərə
Vəfat səbəbi şəhid
Təltifləri Azərbaycanın Milli Qəhrəmanı

HəyatıRedaktə

1953-cü il dekabr ayının 3-də Bakı şəhərində anadan olmuşdur. 1971-ci ildə Bakı şəhərindəki 46 saylı orta məktəbi bitirmişdir. Elə həmin il SSRİ Müdafiə Nazirliyinin Bakı Ali Ümumqoşun Komandirləri Məktəbinə daxil olmuşdur. 1975-ci ildə təhsilini başa vuraraq, təyinatla Primorsk diyarındakı hərbi hissələrin birində rota komandiri kimi fəaliyyətə başlamışdır.[2]

1986-cı ildə SSRİ Müdafiə Nazirliyinin Frunze adına Hərbi Akademiyasına daxil olmuş, 1989-cu ildə oranı bitirdikdən sonra podpolkovnik rütbəsində Ukraynanın Luqansk şəhərində yerləşən hərbi hissələrdən birinə qərargah rəisi təyin edilmişdir.[2]

AiləsiRedaktə

Ailəli idi. İki övladı var.[2]

Döyüşlərdə iştirakıRedaktə

1990-cı il 20 yanvar hadisələrindən sonra Azərbaycana qayıtmışdır. Əvvəl Mülki Müdafiə Baş Qərargahında əməliyyat şöbəsinin rəisi, 1992-ci ildə isə Azərbaycan Respublikası Silahlı Qüvvələrinin Baş Qərargahı rəisinin birinci müavini təyin edilmişdir. 1992-ci ildə Goranboy rayonunda əməliyyatlara bilavasitə rəhbərlik etmiş, uğurlu əməliyyatlar keçirmişdir.[3]

1992-ci il iyunun 13-də Ağdərə uğrunda gedən ağır döyüşlərin birində həlak olmuşdur.[3]

XatirəsiRedaktə

Azərbaycan Respublikası Prezidentinin 1992-ci il 23 iyun tarixli, 6 saylı fərmanı ilə polkovnik Şikarov Şikar Şükür oğluna ölümündən sonra "Azərbaycanın Milli Qəhrəmanı" fəxri adı verilmişdir.[4]

Bakı şəhərinin Şəhidlər xiyabanında dəfn edilmişdir. Qobustan rayonundakı Sündü kənd orta məktəbi onun adını daşıyır (əslən həmin kənddəndir).

Həmçinin baxRedaktə

MənbəRedaktə

İstinadlarRedaktə

  1. "National Heroes". Azerbaijans.com. İstifadə tarixi: 27 November 2018.
  2. 2,0 2,1 2,2 "ŞİKAROV ŞİKAR ŞÜKÜR OGLU". veten-ugrunda.az. 15 October 2015. İstifadə tarixi: 27 November 2018.
  3. 3,0 3,1 "Milli Qəhrəmanın xatirəsi xidmət etdiyi cəbhə bölgəsindəki hərbi hissədə yad edilib (FOTO)". trend.az. 14 June 2014. İstifadə tarixi: 27 November 2018.
  4. "Azərbaycan Respublikası Silahlı Qüvvələrinin hərbi qulluqçularına "Azərbaycanın Milli Qəhrəmanı" adı verilməsi haqqında Azərbaycan Respublikası Prezidenti Əbülfəz Elçibəyin 23 iyun 1992-ci il tarixli 6 nömrəli fərmanı" (azərb.). www.e-qanun.az. 1992-06-23. İstifadə tarixi: 2018-12-31.

Xarici keçidlərRedaktə