Şmidt dağlaləsi

bitki növü

Şmidt dağlaləsi (lat. Tulipa schmidtii) — bitkilər aləminin zanbaqçiçəklilər dəstəsinin zanbaqkimilər fəsiləsinin dağlaləsi cinsinə aid bitki növü.

Şmidt dağlaləsi
Elmi təsnifat
Beynəlxalq elmi adı

Arealı redaktə

Cənubi Qafqazın cənub-şərqindən İranın şimal-qərbinə qədər yayılmışdır.[1]

Botaniki xarakteristikası redaktə

Çoxillik ot bitkisidir. Soğanağı iri, yumurtavari, 2,5–5 sm diametrində, nazik dərivari, qonur və ya qəhvəyi-qonur qınla örtülmüşdür. Gövdə 25–50 sm hündürlükdədir. Yarpaqlar 6–10 ədəd göyümtül, aşağıdakılar enli, uzunsov, yuxarıdakılar neştərvari və ya dar- neştərvari, uzundur. Çiçəkləri iri, 7 sm-ə qədər uzunluğunda; yarpaqcıqları qırmızı, əsasında daxildən qara, sarı-haşiyələnmiş, rombvari ləkəlidir; xarici hissədəkilər enli, uzunsov və ya deltavari bir qədər daxildəkindən uzundur. Erkəkcik çiçəkyanlığından qısadır; tozcuğu sarı, qutucuq 4 sm -ə qədər uzunluqda, 2–2,5 sm enindədir.

Çoxalması redaktə

Toxumla və vegetativ yolla çoxalır.

Ehtiyatının dəyişilmə səbəbləri redaktə

Ot çalınması və mal-qara otarılması.

Becərilməsi redaktə

Azərbaycanın Botanika İnstitutunun Botanika bağında

Bioloji, ekoloji və fitosenoloji xüsusiyyətləri redaktə

Daşlı-çınqıllı, qayalı yamaclarda, əkinlərdə kolluqlar arasında yayılmışdır. Çiçəkləməsi aprel-may, meyvələməsi may ayına təsadüf edir. Mezokserofitdir. Çoxalması soğanaqla və ya toxumladır . Geofit bəzək bitkisidir.

Yayılması redaktə

Cənubi Zaqafqaziyaya məxsus, tükənməkdə olan endemik növdür. Xocavənd, Əsgəran (Topxana), Cəlilabad (Hovuzbulaq, Zəhmətabad, Ləkin kəndlərində yayılıb. Quru, otlu yamaclarda, kollyqlar arasında bitir. Tək tək rast gəlir. Kiçik Qafqazın cənubu (Cəbrayıl rayonu, Məcili kəndi), Lənkəranın dağlıq hissəsi (Cəlilabad Zəhmətabad kəndi), Naxçıvanın dağlıq rayonları (Ordubad rayonu — Nüs-Nüs kəndi ətrafındakı Diaxçay və fəhlə dərəsi adlanan sahələrdə).

Sayı və tendensiyası redaktə

Populyasiyanın bir neçə istiqamətdə yayılmasına baxmayaraq antropogen amillər azalma təhlükəsini yaradır.

Məhdudlaşdırıcı amillər redaktə

Soğanaqları və çiçəklərinin əhali tərəfindən intensiv toplanılması və zoogen amillər.

Mühafizə tədbirləri redaktə

Yasaqlıqların yaradılması zəruridir.

Qəbul edilmiş qorunma tədbirləri redaktə

Mühafizəsi üçün xüsusi tədbirlər hazırlanmamışdir.

İstinadlar redaktə

  1. Şmidt dağlaləsi:Plants of the World Online saytında takson barədə məlumat. (ing.)

Həmçinin bax redaktə