Şopliftinq

Şopliftinq — iş saatları ərzində mağazada malların gizli şəkildə oğurlanması. Şoplifterlər adətən əşyaları çanta və ya paltoda gizlədərək mağazanı tərk edirlər. Şopliftinq silahlı soyğunçuluqdan fərqlidir.

Heç kimin baxmadığından əmin olaraq, əşyanı gizlicə cibinə yerləşdirən müştəri

Mağazalardan oğurluq edənlərin müxtəlif növləri var. Bəzi insanlar ehtiyacları olduğu üçün oğurluq edirlər, digərləri isə pul qazanmaq üçün bu işə əl atırlar. Oğurluqla məşğul olanlar bunu mütəşəkkil bir qrupun hissəsi kimi də edə bilərlər. İnsanların əksəriyyəti adətən şəxsi istifadə üçün məhsulları oğurlayırlar, yəni oğurluqdan qazanc əldə etmək niyyəti olmadan şəxsi istifadələri üçün əşyalar götürürlər. Digər tərəfdən, cinayətkar oğrular malları qara bazarda satıb qazanc əldə edə bilmək niyyəti ilə oğurlayırlar.

Mağazalar şopliftinqin qarşısını almaq üçün müxtəlif tədbirlərdən istifadə edir. Bu strategiyalara malların kilidlənməsi, əşyalara maqnit və ya sensorların tətbiq edilməsi, müşahidə kameralarının yerləşdirilməsi, təhlükəsizlik işçilərinin işə götürülməsi və girişdə çanta məhdudiyyətlərinin qoyulması daxildir.