Şovidə torpaq sürüşməsi
Şovidə torpaq sürüşməsi (gürc. შოვის ტრაგედია) — Gürcüstanda I dərəcəli inzibati – ərazi vahidlərindən olan Raça-Leçxumi və Aşağı Svaneti bölgəsində yerləşən Şovi kurort qəsəbəsində 2023-cü ilin 3 avqust tarixində, yerli vaxtla saat 16:00-da baş vemriş torpaq sürüşməsi. Kurort qəsəbəsində insanların çox olduğu vaxtda baş verən sürüşmə nəticəsində 33 nəfər həlak olub. Həlak olanlar arasında 18 yaşlı Samirə İsayeva adlı Gürcüstan azərbaycanlısı, Davit Beriaşvili, Giorgi Qoqinaşvili, Ukrayna vətəndaşı Alina Polikovskasiya və Rusiya vətəndaşı Kseniya Triçeva da var.[1]
| Şovidə torpaq sürüşməsi | |
|---|---|
 | |
| Tarix | 3 avqust, 2023 |
| Saat | 16:00 |
| Yeri |
 Gürcüstan |
| Tanınır | Torpaq sürüşməsi |
| Qurbanlar | |
| Ölənlərin sayı | 33 nəfərdən çox |
| İtkin düşmüşlər |
|
Hadisə
redaktəTorpaq sürüşməsinin Şovi qəsəbəsinin şimal hissəsində yerləşən Sunset Shovi otel kompleksinin ərazisinsdən başladığı bildirilir. 2023-cü ilin 3 avqust tarixində baş vermiş torpaq sürüşməsi nəticəsində ümumilikdə 12 vətəndaşın meyitinin şəxsiyyəti müəyyən edilib. Hazırda 17 nəfər itkin düşmüş hesab olunur. Şovidə xilasetmə əməliyyatında 400 xilasedici və 200 hərbçi iştirak edir. Sərhəd polisinin helikopterləri və xüsusi texnikası cəlb olunub. Avqustun 4-də Gürcüstanın regional inkişaf və infrastruktur naziri İrakli Karseladze bildirib ki, xilasedicilər sürüşmə zonasında olan 50-yə yaxın insanla əlaqə yarada bilməyiblər.
Şovi müalicəvi kurort ərazisi dəniz səviyyəsindən 1,5 min metr yüksəklikdə yerləşir. Baş vermiş torpaq sürüşməsi nəticədə körpülər dağılıb, Şovinin girişindəki yola ziyan dəyib.
Xilasedicilər fəlakət zonasından ən azı 210 nəfəri təxliyə ediblər. Gürcüstanda avqustun 7-si matəm günü elan edilib. Gürcüstan prezidenti Salome Zurabişvili torpaq sürüşməsi nəticəsində ölənlərin yaxınlarına zəng edərək başsağlığı verib. Gürcüstan prezidenti bütün xalqı, böyük fəlakətdən zərər görən insanlar ətrafında birləşməyə və çətin dövründə onlara dəstək olmağa çağırıb.
Reaksiyalar
redaktə
Gürcüstan Gürcüstan prezidenti Salome Zurabişvili torpaq sürüşməsi nəticəsində ölənlərin yaxınlarına zəng edərək başsağlığı verib. Gürcüstan prezidenti bütün xalqı, böyük fəlakətdən zərər görən insanlar ətrafında birləşməyə və çətin dövründə onlara dəstək olmağa çağırıb. Hökumətin iclasında Şovidə baş vermiş təbii fəlakət nəticəsində həlak olanların xatirəsi bir dəqiqəlik sükutla yad edilib.[2]
Azərbaycan Respublikasının Prezidenti İlham Əliyev Gürcüstanın Baş naziri İrakli Qaribaşviliyə başsağlığı məktubu ünvanlayıb.[3]
Hollandiya Xarici İşlər Nazirliyi baş verən sürüşmə nəticəsində həlak olanlara bağlı başsağlığı verib. Nazirliyinin 8 avqust tarixli bəyanatında sürüşmə nəticəsində zərər çəkənlərə ürəkdən başsalığı verilir və ümüd edilir ki, davam edən axtarış-xilasetmə əməliyyatı nəticəsində itkin düşənləri təhlükəsiz şəkildə tapmaq mümkün olacaq.[4]
İsrail Xarici İşlər Nazirliyi baş vermiş torpaq sürüşməsi ilə əlaqədar gürcü xalqı ilə həmrəy olduğumuzu bildirib və dərin hüznlə başsalığı verib.[5]
Macarıstan Prezidenti Katalin Novak baş verən sürüşmə nəticəsində həlak olanlara görə Salome Zurabişviliyə və gürcü xalqına başsağlığı verib.[6]
Serbiyanın Xarici İşlər Nazirliyi baş verən sürüşmə nəticəsində həlak olanlara görə Salome Zurabişviliyə və gürcü xalqına başsağlığı verib.[7]
Ukraynanın Xarici İşlər Nazirliyi baş verən sürüşmə nəticəsində həlak olanlara görə Salome Zurabişviliyə və gürcü xalqına başsağlığı verib.[8]
NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Xavier Kolomina Şovidə avqustun 3-də baş vermiş təbii fəlakətlə bağlı məyusluğunu ifadə edib və gürcü xalqına başsağlığı verib.[9]
İstinadlar
redaktə- ↑ "netgazeti.ge რა ვიცით სტიქიაზე შოვში". 2023-08-04 tarixində arxivləşdirilib. İstifadə tarixi: 2023-08-07.
- ↑ Sevinj Mustafaeva. "Hökumətin iclasında Şovidə baş vermiş təbii fəlakət nəticəsində həlak olanların xatirəsi bir dəqiqəlik sükutla yad edilib". 1tv.ge (Azərbaycanca). Birinci Kanal. 2023-08-07 tarixində arxivləşdirilib. İstifadə tarixi: 28 iyul 2023.
- ↑ "Gürcüstanın Baş naziri Zati-aliləri cənab İrakli Qaribaşviliyə". president.az (Azərbaycanca). Azərbaycan Prezidentinin Rəsmi internet səhifəsi. 2023-08-07 tarixində arxivləşdirilib. İstifadə tarixi: 28 iyul 2023.
- ↑ Sevinj Mustafaeva. "Hollandiya Xarici İşlər Nazirliyi - Şovidə torpaq sürüşməsi nəticəsində zərər çəkənlərə dərin hüznlə başsağlığı verir, itkin düşənlərin sağ-salamat tapılacağına ümid edirik". 1tv.ge (Azərbaycanca). Birinci Kanal. 2023-08-07 tarixində arxivləşdirilib. İstifadə tarixi: 28 iyul 2023.
- ↑ Sevinj Mustafaeva. "İsrail Xarici İşlər Nazirliyi - gürcü xalqı ilə həmrəy olduğumuzu bildirir və dərin hüznlə başsağlığı veririk". 1tv.ge (Azərbaycanca). Birinci Kanal. 2023-08-07 tarixində arxivləşdirilib. İstifadə tarixi: 28 iyul 2023.
- ↑ Sevinj Mustafaeva. "Macarıstan Prezidenti - Mənim fikirlərim və dualarım indi gürcü xalqının yanındadır, Macarıstan dəyən zərərin aradan qaldırılması üçün lazımi yardımı göstərməyə hazırdır". 1tv.ge (Azərbaycanca). Birinci Kanal. 2023-08-07 tarixində arxivləşdirilib. İstifadə tarixi: 28 iyul 2023.
- ↑ Sevinj Mustafaeva. "Serbiyanın Xarici İşlər Nazirliyi - İndi düşüncələrimiz Şovidə həlak olanların ailələri və yaxınlarının yanındadır". 1tv.ge (Azərbaycanca). Birinci Kanal. İstifadə tarixi: 28 iyul 2023.
- ↑ Sevinj Mustafaeva. "Ukrayna Xarici İşlər Nazirliyi - Ukrayna gürcü xalqının yanındadır və Gürcüstanın beynəlxalq səviyyədə tanınmış sərhədləri daxilində suverenliyi və ərazi bütövlüyünü dəstəklədiyini təsdiqləyir". 1tv.ge (Azərbaycanca). Birinci Kanal. 2023-08-07 tarixində arxivləşdirilib. İstifadə tarixi: 28 iyul 2023.
- ↑ Sevinj Mustafaeva. "Xavier Kolomina - Şovidə baş vermiş faciəli sürüşmə ilə bağlı məyusluq keçirirəm, NATO-dan gürcü tərəfdaşlara səmimi başsağlığını çatdırıram, düşüncələrimiz qurbanlar və onların yaxınlarının yanındadır". 1tv.ge (Azərbaycanca). Birinci Kanal. 8 avqust, 2023 tarixində arxivləşdirilib (#archive_missing_url). (#cite_web_url); (#accessdate_missing_url)