Vikipediya

Əbədi əjdahalar (film, 1988)

Əbədi əjdahalar (ing. Dragons Forever, kantonca: Fei lung mang jeung) — Ceki Çanın iştirakı ilə Honq Konqda çəkilən filmlərindən biridir.[1] Film 1988-ci ildə döyüş-komediya janrında Kanton dilində çəkilmişdir.[2] Filmdə məşhur kikboksçu Benni Urkides çəkilmişdir.[3]

Əbədi əjdahalar
ing. Dragons Forever
Janr Döyüş filmi
Rejissorlar Sammo Hun
Korey Yuan
Prodüserlər Reymond Çou
Leonard Ho
Barni Vu
İcraçı prodüser Reymond Çou[d]
Ssenari müəllifləri Qordon Çan
Leunq Yiu-minq
Szeto Çuek-hon
Baş rollarda Ceki Çan
Sammo Hun
Yuan Byao
Benni Urkides
Bəstəkarlar Ceyms Vonq
Çin Yunq Şinq
İstehsalçılar Golden Harvest
Paragon Films Ltd.
Distribütor Orange Sky Golden Harvest, Netflix
İlk baxış tarixi 11 fevral 1988
Müddət 94 dəqiqə
Gəlir $33,578,920 Honq Konq dolları
Ölkə Honkonq Honkonq
Dil Kanton dili
İl 1988
Rəng rəngli
IMDb ID0093015

Məzmun

redaktə
  Xəbərdarlıq: Yazının davamı əsərin məzmunu haqqında məlumat ehtiva edir.

Ceki Lunq kimyəvi şirkətini təmsil etmək üçün korporativ qanqster (Yuen Vah) tərəfindən işə götürülən cavan vəkildir. Ceki məhkəmədə narkomafiyanın tərəfini tutmağa məcbur olur. Narkomafiyaya məxsus olan zavod narkotik istehsal edir. Bundan isə heç kəsin xəbəri yoxdur. Narkotikanın hamısı gölə axıdılır və canlı aləmə ziyan vurur. Gölün sahibəsi isə Lao adında cavan qadın olur. Məhkəmə zamanı Laoun tərəfini əmisi qızı Miss Yip adında cavan vəkil qız tutur. Bu zaman Yip ilə Ceki arasında münasibət yaranır. Bu isə onu narkomafiya tərəfindən çıxış etməyə mane olur.

Ceki Lunq Laonu fikrindən daşındırmaq məqsədilə Vonq Fei-Hunq və Tunq Te-Biao adlı dostlarına xəbər verir. Ceki Lunqun əsas məqsədi Vonq Fei-Hunq ilə Lao arasında münasibət yaradaraq, onu kimyəvi zavoda qarşı iddia irəli sürməkdən daşındırmaqdır. Lakin Vonq Fei-Hunq ilə Lao arasında yaranan münasbət əsl məhəbbətə çevrilir. Buna baxmayaraq Lao və Miss Yip Tunq Te-Biao sayəsində onların fırıldaqlarından xəbər tutur. Vonq Fei-Hunq məhəbbəti uğrunda sona qədər mübarizə aparır və qalib gəlir. Lakin Ceki ilə Miss Yipp arasında münasibətlər hələ də pis olaraq qalır. Məhkəmə zamanı Hakim və məhkəmədə olan insanlar qarşısında Ceki Lunq Miss Yip bir-birlərini sevdiyini bildirirlər. Beləliklə, Ceki Lunq və Miss Yip əvvəlki kimi bir-birlərinə sevgi münasibəti bəsləyirlər. Bu isə narkomafiya işçilərinə qarşı zərbə vurur.

Lakin bu müddətdə Vonq Fei-Hunq dəlil tapmaq üçün narkomafiyanın idarə etdiyi zavoda gedir. Vonq Fei-Hunq onlarla qətiyyətlə mübarizə aparsa da, sonda məğlub olur. Narkotikin gölə buraxılması haqqında məlumatdan xəbər tutan Tunq Te-Biao bu barədə Ceki Lunqa, Lao və Miss Yipə çatdırır. Bu səbəbdən onlar zavoda getməyə məcbur olurlar. Lakin zavoda gələn zaman narkomafiyanın bütün işçiləri ilə qarşılaşırlar. Ceki Lunq və dostları mübarizə aparmağa məcbur olurlar. Sonda onlar Bossa və əməkdaşlarını məğlubiyyətə uğradaraq məqsədlərinə nail olurlar.

  Xəbərdarlığın sonu.

Rollarda

redaktə
Ad Kantonca Rol İngiliscə rol Qeydlər
Ceki Çan ing. Jackie Lung ing. Johnny Lung cavan vəkil
Sammo Hun ing. Wong Fei-Hung ing. Luke Wang Ceki Lunqun dostu
Yuan Byao ing. Tung Te-Biao ing. Timothy Ceki Lunqun dostu
Benni Urkides rolu yoxdur rolu yoxdur narkomafiya başçısının zavodunda işçi və onun sağ əli
Ceyms Tien ing. Boss Funn ing. Boss Funn Bosslardan biridir
Yuen Vah rolu yoxdur rolu yoxdur Boss: narkomafiya başçısı
Paulin Yenq ing. Wen Mei-Ling ing. Nancy Lee Ceki Lunqun sevgilisi
Dinni Yip ing. Wong Fei ing. Miss Yip Hunqun sevgilisi
Billi Çou rolu yoxdur rolu yoxdur Bossa işləyən döyüşçülərdən biri
Stanley Funq rolu yoxdur rolu yoxdur Honq Konq versiyasında psixoterapevt
Vu Funq rolu yoxdur rolu yoxdur müvəkkil

İstinadlar

redaktə
  1. ↑ Project A, Biography (DVD). Hong Kong Legends. 2002-06-24
  2. ↑ Bey Logan (2005-06-27). Dragons Forever, commentary track (DVD). Hong Kong Legends.
  3. ↑ Dragons Forever Arxivləşdirilib 2005-11-08 at the Wayback Machine Thespinningimage.co.uk saytında

Xarici keçidlər

redaktə
Mənbə — "https://az.wikipedia.org/w/index.php?title=Əbədi_əjdahalar_(film,_1988)&oldid=7199281"