Əbu Müslim məscidi (Xınalıq)
Əbu Müslim məscidi və ya Əbu Müslüm məscidi — Azərbaycanın Quba rayonunun Xınalıq kəndində yerləşən məscid.[1][2]
| Əbu Müslim məscidi | |
|---|---|
 Məscidin fasadı | |
| Ölkə |
 Azərbaycan |
| Yerləşir | Xınalıqkəndi |
| Tikilmə tarixi | VIII əsr |
 Vikianbarda əlaqəli mediafayllar | |
Quba rayonunun Xınalıq kəndində yerləşən bu məscid, deyilənlərə görə, Abbasi xilafətinin banisi Abbasın sərkərdəsi Əbu Müslim əl-Xorasani tərəfindən təxminən VIII əsrdə tikdirilib. Ehtimal olunur ki, həmin sərkərdə o vaxtlar Azərbaycanın hakimi olmuşdur. Məscid keçmiş SSRİ dövründə anbar kimi istifadə edilsə də, hazırda yerli əhali tərəfindən əvvəlki kimi məscid halına gətirilmişdir. Bu məsciddə hazırda kənd camaatı cümə namazlarını qılır. Xınalıqdakı Əbu Müslüm məscidinin ağac sütunları oyma üsulu ilə müxtəlif formalı nəbati motivlər və göl təsvirləri ilə bəzədilmişdir.[3]
Məscidin girişində, sağ tərəfdə 2 metr yüksəklikdə yerləşən 2 müxtəlif daş üzərində "runa" yazıları həkk olunub. Yazıların təqribən 3-8-ci əsrlər arasında yazıldığını ehtimal etmək olar. Yazıların tam olaraq tərcümə olunmasa da, təxmini mənası Günəşin doğması və yeni tarixin başlanması mənasını daşıyır.[4]
340 m2 həcmi var və 340 nəfərlikdir.[2]
İstinadlar
redaktə- ↑ Tərxan Paşazadə, "Azərbaycanın milli etnik nümayəndələri – ceklilər", "Azərbaycan Müəllimlər İnstitutunun Xəbərləri", № 1, Bakı, "Müəllim", 2009 s.37
- ↑ 1 2 Tərxan Paşazadə. Əbu Müslim məscidi. "Cəmiyyət və Din" qəzeti. 8-14 avqust 2013, № 29 (215). səh. 9, 15 Arxivləşdirilib 2023-12-11 at the Wayback Machine. (az.)
- ↑ "Xınalıq" məqaləsi, Azərbaycan Sovet Ensiklopediyası, X cild, Bakı, 1987, səh. 89
- ↑ "Fuad Hüseynzadə. "Nuhdan qalan dilin daşıyıcıları", "Paritet" qəzeti, 26 noyabr 2010". 2011-08-23 tarixində orijinalından arxivləşdirilib. İstifadə tarixi: 2011-03-29.
Xarici keçidlər
redaktə
Vikianbarda Əbu Müslim məscidi (Xınalıq) ilə əlaqəli mediafayllar var.
