Əfsanə Hüseynova

Əfsanə Hüseynova — Azərbaycan cüdoçusu.

Əfsanə Hüseynova
Şəxsi məlumatlar
Tam adı	Hüseynova Əfsanə Bəxtiyar qızı
Vətəndaşlığı	Azərbaycan
Doğum tarixi	25 oktyabr 1995
Doğum yeri	Sumqayıt, Azərbaycan
Təhsili	Sumqayıt Dövlət Universiteti
İdman növü	Cüdo

25 oktyabr 1995-ildə Azərbaycanın Sumqayıt şəhərində anadan olub. 2009-cu ildən Sumqayıt şəhəri 2 №-li Uşaq-Gənclər İdman Məktəbində Sahib İsmayılovun rəhbərliyi altında idmanın cüdo növü üzrə məşqlərə başlamış, 2010-cu ildə Sumqayıtda və Bakıda keçirilmiş şəhər birinciliklərinin qalibi olub. 2010-cu ildə Bakı şəhərində keçirilən yeniyetmələrin beynəlxalq turnirində iştirak etmiş və III yerə layiq görülmüşdür. 2011-2012-ci ildə keçirilmiş Cüdo üzrə açıq Azərbaycan çempionatının ikiqat qalibi olmuşdur. Qadın cüdoçu əsasən 48 və 57 kiloqramda güləşib. 2011-ci ildə Rusiyanın Anapa şəhərində keçirilən beynəlxalq turnirdə Azərbaycanı təmsil etmiş və bütün rəqiblərini məğlub edərək yarışın qalibi olmuşdur. 2012-ci ildə Türkiyənin Antalya şəhərində keçirilən Avropa kubokunda iştirak edərək yığma ilə birlikdə yarışın IV yerinə layiq görülmüşdür, həmçinin Monteneqronun Bar şəhərində Avropa çempionatında və Maltanın Kottonera şəhərində cüdo üzrə keçirilmiş beynəlxalq turnirlərin iştirakçısı və qalibidir.

2012-ci ildə səhhətində yaranan problemlərlə əlaqəli olaraq idmanı buraxmalı oldu.

İstinadlar

• 2010-cu il UGİM yeniyetmələrinin beynəlxalq yaşılarda göstərdikləri naliyyətlər
• Yığmamız Avropa kubokunun 4-sü oldu
• Bu gün Çernoqoriyanın Bar şəhərində yeniyetmə cüdoçuların növbəti Avropa birinciliyi başlayır.
• Maltanın Kottonera şəhərində cüdo üzrə yeniyetmələr arasında yarış keçiriləcək. Arxivləşdirilib 2016-03-05 at the Wayback Machine
• AVROPA KUBOKUNDA 5 MEDAL
• Azərbaycan Cüdo Federasiyası Arxivləşdirilib 2013-12-24 at the Wayback Machine