Ələddin Əliyev

Ələddin Əliyev (tam adı: Əliyеv Ələddin Məhəmməd oğlu; d. 6 dekabr 1974, Daşkənd kəndi, Vardenis rayonu, Ermənistan SSR, SSRİ) — Azərbaycan pauerlifteri, Avropa (1996) və Dünya (1998) çempionu, Azərbaycan Pauerliftinq Federasiyasının prezidenti.[1]

Ələddin Əliyеv
Əliyеv Ələddin Məhəmməd oğlu
Doğum tarixi (48 yaş)
Doğum yeri Daşkənd kəndi, Vardenis rayonu, Ermənistan SSR, SSRİ
Vətəndaşlığı  SSRİ
 Azərbaycan
Atası Məhəmməd Əliyev
Anası İpək Əliyeva
Milliyyəti azərbaycanlı
Fəaliyyəti Azərbaycan Pauerliftinq Federasiyasının prezidenti
Fəaliyyət illəri 1996 – h.h.

BioqrafiyaRedaktə

Ələddin Əliyev 6 dekabr 1974-cü ildə Göyçə mahalının Basarkeçər rayonunun Daşkənd kəndində anadan olmuşdur. 1982-ci ildə doğma kənddə orta məktəbə getmişdir. 1988-ci ildə ailəsi ilə birlikdə doğma vətəndən ayrılaraq əvvəlcə Bərdə rayonunun Yеni Daşkənd kəndində sonra isə Bakı şəhərində məskunlaşmışdır.[2]

1993-cü ildə "Həkəri" ordu idman klubunda xidmət etmişdir. O, xidmət zamanı pauerliftinq idman növü ilə məşğul olmuşdur.

1998-ci ildən Azərbaycan Pauerliftinq Federasiyasının prezidenti vəzifəsində çalışır. O, ikiqat dünya və Avropa çempionu, beynəlxalq dərəcəli idman ustası və hakimdir.

O, həmçinin 1998-ci ildə DİN Abşeron Rayon Polis Şöbəsində çalışmış, 1999-cu ildə Polis Akademiyasına daxil olmuş və akademiyanı 2004-cü ildə bitirmişdir. Bundan sonra o Çevik Polis Alayının baş inspektoru vəzifəsində də işləmişdir.

Ələddin Əliyev 5 sentyabr 2009-cu ildə Dünya Pauerliftinq Konqresinin prezidenti Mayk Sviney ilə görüşmüşdür.

2011-ci ilin noyabrında Latviyanın paytaxtı Riqada Beynəlxalq federasiya WPC-nin yaranmasının 30-cu ilində təşkil olunan yarış zamanı Azərbaycan Pauerliftinq Federasiyasının prezidenti Ələddin Əliyevi qurumun işindəki aktiv fəaliyyətinə görə xüsusi qızıl medalla təltif etmişdir.[3]

UğurlarıRedaktə

  • 1995-ci il. ABŞ-da 3-cü yer.
  • 1996-cı il. İtaliyada 1-ci yer tutaraq Avropa çempionu
  • 1996-cı il. Cənubi Afrikada keçirilən Dünya çempionatında 3-cü yer
  • 1997-ci il. Avstriyada keçirilən Avropa çempionatında 2-ci yer
  • 1998-ci il. Böyük Britaniyada və ABŞ-da Avropa və Dünya çempionu

FilmoqrafiyaRedaktə

İstinadlarRedaktə

  1. "Pauerliftinq üzrə Azərbaycan çempionatının qalibləri müəyyənləşib". "Yeni Azərbaycan" qəzeti (az.). yeniazerbaycan.com. 08-09-2009. 2016-03-05 tarixində arxivləşdirilib. İstifadə tarixi: 2015-06-01.
  2. "Bu gün Ələddin Əliyevin doğum günüdür" (az.). Gazette.az. 2018-08-02 tarixində arxivləşdirilib. İstifadə tarixi: 2018-08-02.
  3. Alxas Məmmədov. "Dünya və Avropa çempionatlarında sözünü demiş idmançı" (az.). BrendSport.az. 2018-02-03. 2018-08-02 tarixində arxivləşdirilib. İstifadə tarixi: 2018-08-02.

Xarici keçidlərRedaktə