Əli Abasov

Əli Abasov (tam adı: Əli Seyidabbas oğlu Abasov; d.11 oktyabr 1950; Bakı, Azərbaycan) — Azərbaycan filosofu, fəlsəfə üzrə elmlər doktoru (1998), professor (2007).

Əli Abasov
Əli Seyidabas oğlu Abasov
Doğum tarixi	11 oktyabr 1950
Doğum yeri	Bakı
Milliyyəti	Azərbaycan
Elm sahəsi	Fəlsəfə
Elmi dərəcəsi	Fəlsəfə üzrə elmlər doktoru
Elmi adı	Professor
İş yerləri	AMEA Fəlsəfə və Sosiologiya İnstitutu
Təhsili	Azərbaycan Pedaqoji Universiteti
Mükafatları	AMEA Rəyasət Heyətinin Fəxri Qramotası, A.S. Qriboyedov adına medal

Həyatı

Əli Abasov 11 oktyabr 1950-ci ildə Azərbaycan Respublikasının Bakı şəhərində anadan olmuşdur. 1973-cü ildə Azərbaycan Dövlət Pedaqoji İnstitunu bitirmişdir. Materiyanın struktur səviyyələrinin məkan-zaman təşkili problemi mövzusunda doktorluq dissertasiyasını müdafiə etmişdir. 1978-ci ildə Azərbaycan Milli Elmlər Akademiyasında işə başlamışdır. Ümumilikdə 147 əsərin müəllifidir. Rusiya Federasiyası Yazıçılar Birliyinin üzvü, Rusiya Energetika və Ekologiya Akadeyasının həqiqi üzvü, "Dünya professorları sülh uğrunda" Beynəlxalq təşkilatının üzvüdür. Əli Abasov 2001-ci ildən AMEA-da şöbə müdiri vəzifəsində çalışır.

Əsas elmi nailiyyətləri

Məkan və zaman, məkan-zaman paradiqmalarını müxtəlif sistemlərin məkan-zaman təşkilatı baxımından əsaslandırıb. XX əsrin 80-ci illərində idrak qaydalarının radikal transformasiyası tendensiyalarını üzə çıxarıb, elmdə müşahidə olunan böhran və yeni şüurun formalaşma prosesini nəzərdən keçirib. İdrakda ən yeni istiqamətlər və elmlərin konvergensiyası məsələləri üzərində işləyib. Hazırda klassik, qeyri-klassik, postqeyri-klassik idrak konsepsiyalarının korrelyasiyası üzərində işləyir. Tədqiqatları əsasən idrak nəzəriyyəsi, sosial fəlsəfə, gender problemlərinə həsr olunmuşdur. Xaricdə 28 elmi əsəri çapdan çıxmışdır, həmçinin beynəlxalq bazalarda referatlaşdırılan və indeksləşdirilən jurnallarda 3 məqaləsi çap olunmuşdur.

Əsas elmi əsərlərin adları

• Современная мировая политика и нагорно-карабахская проблема. Qarabağ dünən, bu gün və sabah. B., 2011, X-cu toplusu, 264 səh., s.71-76.
• Региональная безопасность и урегулирование конфликтов на Южном Кавказе, // Qarabağ: dünən, bu gün və sabah, B., Bozqurd, 2013, с. 161-171 (həmmüəllif);
• Южный Кавказ: история в период застоя мирных переговоров, Qarabağ: dünən, bu gün və sabah, B., Bozqurd, 2013, с. 70-75;
• Гендерный стереотип как фактор формирования жизненной стратегии населения в транзитный период (соав. Елена Касумова), // Azərbaycanda qadın məsələsi (XX əsrin 90-cı illərindən bu günə qədər), B., Təknur, 2012, с.186-233;
• Новейшие направления познания: краткий обзор концепций, // Müasir fəlsəfənin aktual problemləri, B. 2013, Təknur, s. 16-50
• Азербайджан: государство, общество, религия, // Cəmiyyət və din: tarix və müasirlik, B. Təknur, 2013, s. 17-89
• Вместо введения,// Müasir fəlsəfənin aktual problemləri, B. 2013, Təknur, s. 15;
• Вместо введения, // Cəmiyyət və din: tarix və müasirlik, B. Təknur, 2013, s. 13-16;
• Azərbaycan Respublikası XX əsrin sonu – XXI əsrin başlanğıcında: ümumi səciyyə (həmmü. Svetlana Adıgözəlova), // Azərbaycanda qadın məsələsi (XX əsrin 90-cı illərindən bu günə qədər), B., Təknur, 2012, s. 5-58;
• Трудный выбор государств Южного Кавказа // Сборник материалов международной научно-практической конференции по теме: Проблема безопасности в странах Южного Кавказа. Грузия, Тбилиси. 2013, с. 70-75;
• Проблемы безопасности Южного Кавказа в контексте внутренней и внешней политики региона // Наука и культура, выпуск №20, Грузия, Тбилиси, 2013, с.21-35;
• Гендерные исследования в Азербайджане // Вестник гос. Университета Тбилиси, выпуск №10, 2013, с. 41-61;
• Эпоха глобализации ИКТ: социокультурные процессы // Сборник материалов международной научно-практической конференции по теме: ИКТ и глобализация, 2013, М. Канон +, 2013, с. 25-39

Mükafatlar

• AMEA Rəyasət Heyətinin Fəxri Qramotası
• A.S. Qriboyedov adına medal

Həmçinin bax

• Lalə Mövsümova
• Qurban Bayramov (filosof)

Xarici keçidlər

• Əli Abasov, Rəna Mirzəzadə. Genderə giriş