Əli Hüseynli

Əli Məhəmməd oğlu Hüseynli (8 oktyabr 1968, Bakı) — Milli məclisin deputatı Milli Məclis sədrinin 1-ci muavini, Milli Məclisin Hüquq Siyasəti və Dövlət Quruculuğu Komitəsinin sədri

Əli Hüseynli
Avropa Şurası Parlament Assambleyasının əvəzedici üzvü[d]
22 yanvar 2001 – 26 yanvar 2004
Avropa Şurası Parlament Assambleyasının nümayəndəsi[d]
26 yanvar 2004 – 24 yanvar 2016
Şəxsi məlumatlar
Doğum tarixi	8 oktyabr 1968(1968-10-08) (54 yaş)
Doğum yeri	Bakı, Azərbaycan SSR, SSRİ
Partiya	Yeni Azərbaycan Partiyası
Təhsili	Bakı Dövlət Universiteti
Vikianbarda əlaqəli mediafayllar

Həyatı

Əli Hüseynli 1968-ci ildə Bakı şəhərində anadan olmuşdur. 1985-ci ildə Bakı şəhəri, Binəqədi rayonu 135 saylı orta məktəbi bitirmişdir.

1985–1986-cı illərdə Rusiyanın Kalinin vilayəti "Kalininselstroy" tikinti idarəsində fəhlə işləmişdir.

1987-ci ildə Kalinin Dövlət Universitetinin hüquq fakültəsinə daxil olmuşdur.

1988–1989-cu illərdə hərbi xidmətdə olmuşdur.

1993-cü ildə Bakı Dövlət Universitetinin hüquq fakültəsini bitirmişdir.

1991–1995-ci illərdə Azərbaycan Respublikası Ali Məhkəməsində, 1995–1996-cı illərdə Azərbaycan Respublikası Prezidentinin İcra Aparatında, 1996–2000-ci illərdə isə Azərbaycan Respublikasının Milli Məclisində müxtəlif vəzifələrdə çalışmışdır.

Hüquq elmləri nazmizədidir.

Hal-hazırda Azərbaycan Respublikası Milli Məclisi Sədrinin birinci müavini, Milli Məclisin Hüquq siyasəti və dövlət quruculuğu Komitəsinin sədridir.

Azərbaycan Respublikası Məhkəmə Hüquq Şurasının üzvü olub.

Azərbaycan Respublikasının Korrupsiyaya qarşı mübarizə üzrə Komissiyasının üzvüdür.

Ailəsi

Ailəlidir, 2 övladı var.

Beynəlxalq fəaliyyəti

Azərbaycan Respublikasının Avropa Şurası Parlament Assambleyasında nümayəndə heyəti rəhbərinin müavinidir

Korrupsiya ilə Mübarizə Parlamentarilərin Qlobal Təşkilatının Azərbaycan Bölməsinin sədridir