Əli Qayıb oğlu Nurzadə (d. 10 yanvar 1948(1948-01-10), Bico, Ağsu rayonu) — Azərbaycan teatr aktyoru, Azərbaycan Respublikasının xalq artisti (2019), Azərbaycan Dövlət Mədəniyyət və İncəsənət Universitetinin dosenti.

Əli Nur
Əli Nur.jpg
Doğum tarixi (72 yaş)
Doğum yeri Bico, Ağsu rayonu, Azərbaycan SSR, SSRİ
Digər adı Əli Nurzadə
Əlibala Nurəliyev
Vətəndaşlığı SSRİ SSRİ
Azərbaycan Azərbaycan
Fəaliyyəti Aktyor
Təhsili
Fəaliyyət illəri 1972-ci ildən
Teatr Azərbaycan Dövlət Akademik Milli Dram Teatrı
Mükafatları "Azərbaycan Respublikasının xalq artisti" fəxri adı — 2019 "Azərbaycan Respublikasının əməkdar artisti" fəxri adı — 2002

HəyatıRedaktə

Nurzadə Əli Qayıb oğlu 1948-ci il yanvar ayının 10-da Ağsu rayonunun Bico kəndində anadan olub. Orta məktəbin on birinci sinfini 1965-ci ildə doğma kəndində bitirib. Həmin il uğurla imtahan verərək Azərbaycan Dövlət Xalq Təsərrüfatı İnstitutunun sənayenin iqtisadiyyatı fakültəsinə daxil olub. Üçüncü kursa keçəndə köçürmə ilə 1968-ci ildə Mirzağa Əliyev adına Azərbaycan Dövlət İncəsənət İnstitutunun aktyorluq fakultəsinin birinci kursuna götürülüb. Sənət müəllimləri xalq artisti, rejissor və aktyor Rza Təhmasib, rejissor Əliheydər Ələkbərov və Əzizağa Quliyev olublar. 1972-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib.

həmin il sentyabr ayının 1-də təyinatla Hüseyn Ərəblinski adına Sumqayıt Dövlət Dram Teatrına göndərilib, 1973-cü ilin mayından 1974-cü ilin iyun ayına qədər hərbi xidmətdə qulluq edib və qayıtdıqdan sonra yenə teatrda aktyor işləməyə başlayıb. 30 dekabr 1982-ci ildən 10 fevral 1986-cı ilə qədər aktyorluqla bərabər, həm də teatrın direktoru vəzifəsini tutub. Aktyor Sumqayıt Dövlət Dram Teatrında aşağıdakı rolları oynayıb: Bəhram ("Solğun çiçəklər", C.Cabbarlı), Tərgəldi ("Adamın adamı", Anar), İbad ("Almaz", C.Cabbarlı), Rüstəm ("Vəfalı Səriyyə", C.Cabbarlı), Şıxlinski ("Bütün Şərq bilsin", N.Həsənzadə), Qaratay ("Afət", H.Cavid), Oqtay Eloğlu ("Oqtay Eloğlu", C.Cabbarlı) və s.

Əli Nurzadə Səyavuş Aslanla birlikdə 20 sentyabr 1986-cı ildə Azərbaycan Respublikası Mədəniyyət Nazirliyinin əmri ilə Sumqayıtdan Bakıya, Akademik Milli Dram Teatrına aktyor ştatına keçirilib və o vaxtdan bu truppanın üzvüdür.[1] Teatrın səhnəsində aşağıdakı rolları oynayıb: Şirzad ("Şeyx Xiyabani", İ.Əfəndiyev), Nizami Gəncəvi ("Atabəylər", N.Həsənzadə), Nəsimi ("Fəryad", B.Vahabzadə), M.F.Axundov ("Mənsiz dünya", N.Xəzri), Abdi əfəndi ("Qanlı Nigar", S.Şendil), Mirzə Məhəmməd ("Anamın kitabı", C.Məmmədquluzadə), Çapar ("Şah Edib", Sofokol), Kərim ("Lənkəran xanının vəziri", M.F.Axundov), Mustafa ("Ulduz, yaxud Ədirnə Fəthi", C.Cabbarlı), Şəfiyev ("Bu dünyanın adamları", Hidayət), Qara xaqan ("Özümüzü kəsən qılınc", B.Vahabzadə), Hacı Həsən ("Ölülər", Cəlil Məmmədquluzadə), Baloğlan ("Almaz", Cəfər Cabbarlı), Niyaz ("Yaşar", Cəfər Cabbarlı).

Əli Nurzadə "Mənsur və Sitarə" (Mənsur), "Xatirələrdən gəlmiş qonaq" (Mənsur), "Ürək yaman şeydir" (Əjdər), "Qaçaq Süleyman" (Qaçaq Süleyman) və s. teletamaşalarda oynayıb.

Əli Qayıb oğlu Nurzadə 24 dekabr 2002-ci ildə Azərbaycanın əməkdar artisti fəxri adına layiq görülmüşdür. 9 may 2018-ci ildə[2], 10 may 2019-cu ildə[3]7 may 2020-ci ildə[4] Prezident Mükafatına layiq görülmüşdür.

2020-ci ildə Əli Nurun oğlu Baş leytenant Rövşən Nurzadə vətənin azadlığı, suverenliyi və ərazi bütövlüyü uğrunda, Şuşanın işğaldan azad olunması uğrunda aparılan döyüşlərdə canından keçərcək qəhrəmancasına şəhid olub[5].

FilmoqrafiyaRedaktə

  1. Mənsur və Sitarə (film, 1977) - Mənsur
  2. İşarəni dənizdən gözləyin (film, 1986)
  3. Unudulan adam (film, 1987) - həbsxana rəisi
  4. Qaçaq Süleyman (film, 1994) - Qaçaq Süleyman
  5. Güllələnmiş heykəllər (film, 2002) - Nəvvab
  6. Yanmış körpülər (film, 2007) - restorandakı adam
  7. Cavad xan (film, 2009) - alban keşişi
  8. Ürək yaman şeydir... (film, 1992) - Əjdər
  9. Xatirələrdən gəlmiş qonaq - Mənsur

İstinadlarRedaktə

  1. Əməkdar artist, Akademik Milli Dram Teatrının aktyoru Əli Nurun AzNews.az-a müsahibəsi
  2. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-10.
  3. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10.
  4. President.Az (07.05.2020). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-05-07.
  5. CBC TV (16.11.2020). "Xalq artistinin oğlu şəhid olub" (azərb.). Youtube.com. İstifadə tarixi: 2020-11-16.

MənbəRedaktə