Əlibaba İbrahimov

İbrahimov Əlibaba Eynulla oğlu (1972, Zərkənd, Vardenis rayonu – Aterk, DQMV) — Qarabağ müharibəsi şəhidi.

Əlibaba İbrahimov
Əlibaba Eynulla oğlu İbrahimov
Şəxsi məlumatlar
Doğum tarixi	1972
Doğum yeri	Zərkənd, Vardenis rayonu, Ermənistan SSR, SSRİ
Vəfat yeri	Aterk, Mardakert rayonu, DQMV, Azərbaycan SSR, SSRİ
Vəfat səbəbi	şəhid
Milliyyəti	azərbaycanlı
Atası	Eynulla İbrahimov

Həsənriz (Aterk) uğrunda 40 Şəhid. Sərvan Ağayev, Yusif Qasımov

Həyatı

Əlibaba İbrahimov 1972-ci ildə Göyçənin Zərkənd kəndində dünyaya gəlib. 1988-ci il hadisələri zamanı ailəsi ilə birlikdə Kəlbəcər rayonunda məskunlaşıb. 1989-cu ildə Kəlbəcər rayonundakı 1№-li orta məktəbi bitirib. Moskva yaxınlığında hərbi xidmət keçib, hərbi xidmətini yarımçıq qoyaraq Azərbaycana qayıdıb və Qarabağ müharibəsində iştirak edib. 1992-ci ilin yanvarında Gəncə Milis batlyonunda 3 ay təlim keçəndən sonra bölmə komandiri təyin olunub. Onun bölməsinə Ağdərə rayonunun Aterk kəndinə kömək etmək tapşırılıb. Hərbi əmrə tabe olan Əlibaba İbrahimov Aterkə gedən bütün heyətlə mühasirəyə düşüb, vuruşaraq özü də, döyüşçü dostları da həlak olublar.

Əlibaba İbrahimov Bakı şəhərindəki Şəhidlər xiyabanında dəfn ediliblər.

Sıravi Əlibaba İbrahimov 19 noyabr 1992-ci il tarixdə respublikamızın suverenliyinin və ərazi bütövlüyünün qorunmasında, dinc əhalinin təhlükəsizliyinin təmin edilməsində göstərdiyi şəxsi igidlik və şücaətə görə “Azərbaycan Respublikasının Fəxri fərmanı” ilə (ölümündən sonra) təltif edilmişdir. İgid döyüşçünün məzarı Bakı şəhərindədir.