Əlinəzərli
Əlinəzərli — Azərbaycan Respublikasının Beyləqan rayonunun inzibati ərazi vahidində kənd. Azərbaycan Respublikası Milli Məclisinin 22 may 2007-ci il tarixli, 345-IIIQ saylı Qərarı ilə Beyləqan rayonunun Əlinəzərli kənd inzibati ərazi dairəsi Əlinəzərli kənd inzibati ərazi vahidi hesab edilmişdir.[2]
| Əlinəzərli | |
|---|---|
| 39°47′08″ şm. e. 47°41′51″ ş. u. | |
| Ölkə | |
| Tarixi və coğrafiyası | |
| Mərkəzin hündürlüyü | 33 m |
| Saat qurşağı | |
| Rəqəmsal identifikatorlar | |
| Poçt indeksi | AZ1219[1] |
|
| |
Toponimikası redaktə
Etnotoponimdir. Oykonim əlinəzərli nəslinin adı ilə bağlı yaranmışdır. Toponim "Əli Nəzərin nəslindən olanlar, əlinəzərlilər" mənasını bildirir.[3]
Tarixi redaktə
Yerli məlumata görə, kəndin əsası XVIII əsrin ikinci yarısında qoyulmuşdur. Belə ki, kənd əhalisinin əsasını təşkil edən elat tayfaları Şimali Azərbaycanın qərb bölgəsindən köçməyə məcbur olmuş və indiki ərazidə məskunlaşmışlar. Yaşayış məntəqəsinin adı onun əsasını qoymuş şəxsin adı ilə bağlıdır. Tarixi yerlərdən Fətəlioğlu, küdrüsü göstərilə bilər. Meşə zolağı var. Nəsillər: Əlinəzərlilər, Danalılar, Papaqçallar, Aşurlar, Məmmədalılar. Kolxoz qurulmuş (1937) "Sosializm" (1937-1991) və "Alı Mustafayev" (1991-1997) adlandırılmış, islahatla bağlı ləğv edilmişdir (01.11.1997).
Tarixi abidələri redaktə
- Böyük Vətən müharibəsində həlak olmuş həmyerlilərin şərəfinə abidə
- Kərəm Əliyevin büstü
- Rizvan Nəsirovun büstü qoyulmuşdur.
Coğrafiyası və iqlimi redaktə
Kənd Bakıdan 277 km məsafədə, rayon mərkəzindən 10 km şərqdə, Daşburun dəmiryol stansiyasından 38 km, Beyləqan-İmişli şose yolundan 7 km aralı, Mil düzündə yerləşir. Şimaldan və şimal-şərqdən rayonun orta Əlinəzərli, şərqdən və cənub-şərqdən Dünyamalılar, cənubdan Mayak, cənub-qərbdən Şəfəq, qərbdən və şimal-qərbdən Birinci Aşıqlı kəndləri ilə həmsərhəddir.
Əhalisi redaktə
Kənddə 662 ailədə 1616 nəfər sakin yaşayır. 279 nəfər məcburi köçkün məskunlaşıb.
Kənddən Böyük Vətən müharibəsində 19 nəfər iştirak etmiş, 9 nəfər həlak olmuş, 10 nəfər veteran vardır. Qarabağ müharibəsində 38 nəfər iştirak etmiş, 3 nəfər şəhid olmuş, 1 nəfər itkin düşmüş, 4 nəfər əlil olmuşdur.
Şəhidləri redaktə
- Rizvan Nəsirov Yusif oğlu (1974-4 mart 1993) Əlinəzərli kənd 1 nömrəli orta məktəbi adını daşıyır
- Cabbarov Niyazi Miriş oğlu - (1973-1993)
- Eşqin Tərlan oğlu Mehtili (20 oktyabr 2001, Əlinəzərli, Beyləqan rayonu – 14 oktyabr 2020, Füzuli)
- Siyahim Əlizamin oğlu Dəmirov (13 sentyabr 1990; Beyləqan rayonu, Azərbaycan SSR — 29 oktyabr 2020; Şuşa rayonu, Azərbaycan)
İqtisadiyyatı redaktə
Təsərrüfatların sayı 420-dir. Əhali əkinçilik və heyvandarlıqla məşğuldur. Kənddə qarışıq yem sexi vardır.
Kəndin sahəsi 1434 ha-dır. Ondan dövlət mülkiyyətində 144 ha, bələdiyyə mülkiyyətində 402 ha, (o cümlədən bələdiyyənin ehtiyat fondu 32, perspektiv inkişaf fondu 19, örüş 40,8, suvarma kanalları və arxlar 57,6, kollektor-drenaj şəbəkəsi 157,6, ictimai tikinti 11.8, kənd altında ümumi istifadə olan 55,8, yollar 22,7, məktəb 4,7 ha) xüsusi mülkiyyətdə 888 ha (o cümlədən özəlləşdirilən torpaqlar 806, həyətyani 82 ha) torpaq sahəsi var. Torpaq islahatı ilə hər nəfərə 0,33 ha pay torpağı bölünmüşdür.
Mədəniyyəti redaktə
Kənddə kitabxana, klub və rabitə şöbəsi mövcuddur.
Təhsil redaktə
Kənddə R.Nəsirov adına orta məktəb və uşaq bağçası fəaliyyət göstərir.
Din redaktə
Kənd əhalisinin böyük hissəsi İslam dininin şiə məzhəbinə məxsusdur.
Səhiyyə redaktə
Kənddə tibb məntəqəsi və 25 çarpayılıq xəstəxana var.
İstinadlar redaktə
- ↑ http://www.azerpost.az/?options=content&id=188.
- ↑ "Azərbaycan Respublikasının Beyləqan rayonunun inzibati ərazi bölgüsündə qismən dəyişikliklər edilməsi haqqında Azərbaycan Respublikası Milli Məclisinin 22 may 2007-ci il tarixli, 345-IIIQ saylı Qərarı". 26 September 2022 tarixində arxivləşdirilib. İstifadə tarixi: 26 September 2022.
- ↑ Əlinəzərli // Azərbaycan toponimlərinin ensiklopedik lüğəti. I cild. Bakı: Şərq-Qərb. 2007. 304. ISBN 978-9952-34-155-3.
Həmçinin bax redaktə
|
Beyləqan rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |