Əmir Həbibzadə

Əmir Şamil oğlu Həbibzadə — fizika-riyaziyyat elmləri doktoru, professor

Əmir Həbibzadə
Doğum tarixi	23 yanvar 1916
Vəfat tarixi	2009
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Elm sahəsi	Fizika-riyaziyyat
Elmi dərəcələri	fizika-riyaziyyat elmləri doktoru, professor (1970)
Elmi adı	Professor
İş yeri	BDU Funksional analiz kafedrası
Alma-mater	BDU-nun Fizika-riyaziyyat fakültəsi
Mükafatları	Əməkdar elm xadimi

Həyatı

23 yanvar 1916-cı ildə anadan olmuşdur. 1941-ci ildə BDU-nun Fizika-riyaziyyat fakültəsini bitirmişdir. 1944-1947-ci illərdə Azərbaycan EA-nın Riyaziyyat və Mexanika İnstitutunda aspirant olmuşdur. 1948-ci ildə namizədlik, 1970-ci ildə isə doktorluq dissertasiyası müdafiə etmişdir.

1948-ci ildən Bakı Dövlət Universitetində baş müəllim, dosent, professor vəzifələrini tutmuş, 1965-1992-ci illərdə isə funksiyalar nəzəriyyəsi və Funksional analiz kafedrasına rəhbərlik etmişdir.

Fəaliyyəti

Onun rəhbərliyi altında 54 nəfər elmlər namizədi elmi dərəcəsi almışdır. Onlardan bir çoxu Özbəkistan, Türkmənistan, Dağıstan, Misir, Kuba vətəndaşlarıdır. Sonralar 7 yetirməsi elmlər doktoru olmuşdur. Funksional analiz və kompleks analiz üzrə mütəxəssisdir. Xətti normallaşmış fəzalarda operator sinqulyar inteqral tənliklərin tədqiqi sahəsində mühüm nəticələr almışdır. Əməkdar elm xadimi fəxri adına layiq görülmüşdür.