Ərkan Özoral
Ərkan Özoral — (1965, Ərzincan), türk diplomatı. O, 2016-2021-ci illərdə Türkiyənin Bakıdakı səfiri vəzifəsində çalışıb.
| Ərkan Özoral | |
|---|---|
 | |
| Doğum tarixi | 1965 |
| Doğum yeri | |
| Təhsili | |
| Fəaliyyəti | diplomat |
 Vikianbarda əlaqəli mediafayllar | |
Bioqrafiyası
redaktəƏrkan Özoral 1965-ci ildə Ərzincanda anadan olub. 1989-cu ildə Ankara Universiteti Siyasi Elmlər fakültəsinin Beynəlxalq əlaqələr şöbəsini bitirib. Elə həmin il Türkiyə Xarici İşlər Nazirliyində karyerasına zabit kimi başlayıb.[1]
Karyerası
redaktəTürkiyə Xarici İşlər Nazirliyində Yaxın Şərq üzrə müdür müavini, daha sonra Konsulluqda müdür müavini vəzifələrində çalışıb.
1992-1994-cü illərdə Ər-Riyad səfirliyində üçüncü katib, 1994-1997-ci illərdə isə Karlsrue Baş Konsulluğunda konsul köməkçisi kimi vəzifəsini davam etdirib.
1997-1999-cu illərdə Xarici İşlər Nazirliyinin Protokol Baş İdarəsində ikinci katib və baş katib vəzifələrində çalışıb.
1999-2003-cü illərdə Berlin səfirliyində müşavir kimi karyerasını davam etdirmişdir.
2003-2005-ci illərdə Türkiyə Xarici İşlər Nazirliyinin Protokol Baş İdarəsində şöbə müdiri, 2005-2009-cu illərdə isə Bakı səfirliyində birinci müşavir vəzifəsində çalışmışdır.
2009-2011-ci illərdə İkitərəfli İqtisadi Əlaqələr Baş İdarəsində şöbə müdiri və 2011-2014-cü illərdə Baş Nazirlikdə "xarici işlər üzrə səfir müşaviri" vəzifələrində çalışıb.
2011-2014-cü illərdə Baş Nazirlikdə xarici işlər üzrə səfir müşaviri vəzifələrində çalışıb. 2014-cü ilin sentyabr ayından 2016-cı ilin oktyabr ayına qədər Prezident İdarəsinin Xarici Əlaqələr üzrə Baş İdarəsində "xarici işlər üzrə müşavir səfir" vəzifəsində çalışıb.
Bakıda fəaliyyəti
redaktə
Ərkan Özoral 11 oktyabr 2016-cı ildə Bakı səfirliyinə təyin edilib.[2] 2021-ci ilin aprel ayına qədər bu vəzifədə çalışıb.
Azərbaycan Respublikası ilə Türkiyə Respublikası arasında dostluq və əməkdaşlıq əlaqələrinin inkişafındakı xüsusi xidmətlərinə görə Ərkan Özoral "Dostluq" ordeni ilə təltif edilib.[3]
2024-cü ilin fevralında Slovakiyaya səfir təyin edilib.