1900 Yay Olimpiya Oyunlarında qolf

Qolf
1900 Yay Olimpiya Oyunlarında
Golf pictogram.svg

1900-cü il Yay Olimpiya oyunları Fransanın Paris şəhərində təşkil olunmuşdu və qolf Olimpiyadanın proqramına birinci dəfə daxil edilmişdi. ABŞ , Yunanıstan, FransaBöyük Britaniya daxil olmaqla qolf yarışlarında dörd ölkə iştirak edirdi. Qolf yarışları kişilərin və qadınların fərdi mübarizəsi şəklində təşkil olunmuşdu. Olimpiya oyunları pis təşkil olunduğundan, iştirakçıların çoxunun Olimpiyada da iştirak etdikləri barədə anlayışları belə olmamışdı.

YerRedaktə

Kişi və qadınların qol yarışları Fransanın 30 mil şimalında yerləşən Kompen Klubda təşkil olunmuşdu. Bu qolf meydançası 1896-cı ildə yaradılmışdı və XIX əsrdə yaradılan bir neçə qolf meydançasından biri idi. Qolf meydançası M.W. Freemantle tərəfindən layihələndirilmişdi və Kompen cıdır yarışlarının meydançasının tərkibində yaradılmışdı.[1]

TurnirRedaktə

Kişilərin turniri 2 oktyabr 1900-cü ildə başladı və onlar ard-arda iki 18 dəlikli mərhələdə mübarizə apardılar. Növbəti gün qadınların turniri başaladı və onlar yalnız bir 9 dəlikli mərhələdə mübarizə apardılar.

Kişilərin turniriRedaktə

Kişilərin turnirində Andrews Qolf Klubunun üzvü Çarlz Sands qalib gəlmişdi. Beləki, o, iki mərhələdən ibarət yarışda 82 (birinci mərhələ) -85 (ikinci mərhələ) zərbə ilə rəqibi Valter Rezerfordu məğlub etmişdi.[2] Kişilərin turnirini üçüncü yerdə bitirən David Robertson bürünc medalın sahibi oldu. Çarlz Sands 1895-ci ildə qolf oynamağa başlayıb və üç ay sonra birinci Birləşmiş Ştatlar Həvəskar Çempionatının final mərhələsində yalnız Çarlz MakDonalddan geri qalaraq ikinci yeri tutmuşdu.

Qadınların turniriRedaktə

Qadınların yarışı Olimpiya oyunlarında ilk dəfə təşkil olunan yarışlardan biri idi. Qadınların turnirinin qalibi Çikaqo Qolf Klubunun üzvü olan Marqaret Abbotun qələbəsi ilə başa çatıb.[2] Abbot 47 zərbə endirərək, qalib gəlmişdi və o, birinci Olimpiya oyunlarında qızıl medal qazanan ABŞ-lı qadın oldu. O oyunlarda qalib gəlməsinə baxmayaraq, ona heç vaxt qızıl medal təqdim olunmadı onun əvəzinə isə vaza ilə mükafatlandırıldı. Abbotun anası da Olimpiya oyunlarında iştirak edirdi və o 65 zərbə ilə yeddinci yerlə yarışları bitirdi. Marqaret heç vaxt bilmədi ki, o Olimpiya oyunlarında iştirak edib, o sadəcə fikirləşirdi ki, bu adı bir qolf turniridir. Onun uşaqları Florida Universitetinin professoru Paula Valli ilə əlaqə saxlayana qədər analarının ilk qızıl medal qazanan ABŞ-lı qadın olmaları barədə məlumatları yox idi.[3]

Yekun medal sıralamasıRedaktə

Yarışlar Yer Qızıl Gümüş Bürünc
Kişilər Paris   Çarlz Sands
ABŞ
  Valter Rezerford
Böyük Britaniya
  Devid Robertson
Böyük Britaniya
Qadınlar Paris   Marqaret Abbot
ABŞ
  Polina Uittier
ABŞ
  Darya Pratt
ABŞ

İştirakçı ölkələrRedaktə

1900-cü il Paris Yay Olimpiya Oyunlarında 4 ölkədən ümumilikdə 22 qolf oyunçusu iştirak etmişdir.

Medal cədvəliRedaktə

 Sıra  Ölkə Qızıl Gümüş Bürünc Cəmi
1   ABŞ 2 1 1 4
2   Böyük Britaniya 0 1 1 2

İstinadlarRedaktə

  1. "Compiegne Golf Club France". 2014-02-01 tarixində orijinalından arxivləşdirilib. İstifadə tarixi: 29 iyun, 2014.
  2. 1 2 "Golf at the 1900 Paris Summer Games". 2014-02-01 tarixində orijinalından arxivləşdirilib. İstifadə tarixi: 29 iyun, 2014.
  3. "Women Golfers' Museum". İstifadə tarixi: 29 iyun, 2014.

Xarici keçidlərRedaktə

1900 Olimpiya Qolf Turniri  (ing.)