2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı

2007-2015-ci illərdə Azərbaycan gənclərinin xarici ölkələrdə təhsili üzrə Dövlət ProqramıAzərbaycan Respublikasının Prezidenti İlham Əliyevin 16 aprel 2007-ci il tarixli, 2090 nömrəli Sərəncamına əsasən təsdiq edilmiş sənəd[1]. 2007-2015-ci illərdə 5000 nəfər Azərbaycan gəncinin dünyanın müxtəlif ölkələrində, ən nüfuzlu universitetlərində, müxtəlif ixtisaslar üzrə, təhsilin bakalavr, magistr, doktorantura pillələri üzrə təhsil almasını təmin edən proqramdır.

Proqrama qəbul olmuş şəxslərin təhsil alacağı müddətdə bütün xərcləri - təyyarə bileti, viza xərci, yaşayış xərcləri, təhsil haqqı - dövlət tərəfindən ödənilir. Proqram məzunu olmuş gənclər Azərbaycan Respublikasına qayıtmalı və 5 il burada işləməlidirlər.

Proqram çərçivəsində gənclər ABŞ, Böyük Britaniya, Almaniya, Yaponiya, Türkiyə, Rusiya Federasiyası, Litva, Latviya, Estoniya və digər ölkələrin universitetlərində təhsil almışlar. Bakalavr pilləsi üzrə təhsil almaq istəyən şəxslər 29 yaşdan aşağı olmalı, master və doktorantura pilləsi üzrə təhsil almaq istəyən şəxslər isə 35 yaşdan aşağı olmalıdırlar.

Həmçinin baxRedaktə

İstinadlarRedaktə

  1. "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın təsdiq edilməsi barədə Azərbaycan Respublikası Prezidentinin 2007-ci il 16 aprel tarixli 2090 nömrəli Sərəncamı. e-qanun.az  (azərb.)

Xarici keçidlərRedaktə