Ağaəmi Heybətov

Ağaəmi Elçin oğlu Heybətov (6 iyun 1993, Bakı16 oktyabr 2020, Goranboy rayonu) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Ağaəmi Heybətov
2020-ci il İkinci Qarabağ müharibəsi
2020-ci il İkinci Qarabağ müharibəsi
Şəxsi məlumatlar
Doğum tarixi 6 iyun 1993(1993-06-06)
Doğum yeri
Vəfat tarixi 16 oktyabr 2020(2020-10-16) (27 yaşında)
Vəfat yeri
Dəfn yeri Buzovna qəsəbəsi Şəhidlər xiyabanı
Dəfn tarixi 25 oktyabr 2020-ci il
Vətəndaşlığı Azərbaycan Azərbaycan
Milliyyəti Azərbaycanlı
Atası Elçin
Anası Svetlana
Təhsili Bakalavr
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2015/2016-həqiqi hərbi xidmət, 2020-İkinci Qarabağ müharibəsi
Rütbəsi Əsgər
Döyüşlər İkinci Qarabağ müharibəsi
Təltifləri "Vətən uğrunda" medalı "Cəsur döyüşçü" medalı "Suqovuşanın azad olunmasına görə" medalı

Həyatı redaktə

Ağaəmi Heybətov 1993-cü il iyunun 6-da Bakı şəhərində anadan olub.[1] 2000-2011-ci illərdə Buzovna qəsəbəsində yerləşən Əfqan Əliyev adına 125 nömrəli tam orta məktəbdə oxuyub. 2002-2007-ci illərdə isə Buzovna qəsəbəsində 4 saylı Uşaq İncəsənət Məktəbində musiqi (qarmon) təhsili almış, həmçinin Buzovna qəsəbəsinin dini icmasının nəzdində yerləşən İmam Hüseyn məscidində də dini təhsildə almışdır. Futbol azerkeşi olan Ağaəmi futbol oyunu ilə də məşğul olurdu. Ali təhsilini isə 2011-2015-ci illərdə Azərbaycan Dövlət İqtisad Universitetinin "Türk dünyası İşlətmə" fakültəsinin "Turizm və otelçilik" ixtisasında alıb.Bir neçə dil bilirdi. Subay idi.

Hərbi xidməti redaktə

Ağaəmi Heybətov 2015-2016-cı illərdə Azərbaycan Silahlı Qüvvələrinin Gəncə şəhərində yerləşən "N" saylı hərbi hissəsində müddətli həqiqi hərbi xidmətdə olub. 2016-cı ildə baş tutan Aprel döyüşlərinə qatılmaq istəsə də buna nail ola bilməyib.

2020-ci ilin 14 iyul tarixində general-mayor Polad Həşimovun şəhid olmasından sonra səfərbərlik başlamış, Ağaəmi Heybətov da səfərbər olunmuşdur. Azərbaycan Ordusunun əsgəri olan Ağaəmi Heybətov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Suqovuşan istiqamətində gedən döyüşlərdə savaşıb. Ağaəmi Heybətov oktyabrın 16-da şəhidlik mərtəbəsinə yüksələrək 25 oktyabr 2020 -ci il tarixində Xəzər rayonunun Buzovna qəsəbəsində yerləşən Şəhidlər xiyabanında dəfn olunub. Ağaəmi İkinci Qarabağ müharibəsinə könüllü şəkildə qatılıb və şəhidin ailəsi şəhid olduqdan sonra bu barədə xəbərdar olurlar. Ağaəmi şəhid olmadan öncə cibində olan türk bayrağını döyüş yoldaşına verərək "şəhid olsam bu bayrağı evimə çatdırarsan"-deyir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikası Prezidenti İlham Əliyevin 15.12.2020-ci il tarixli Sərəncamına əsasən Ağaəmi Heybətov ölümündən sonra "Vətən uğrunda", "Suqovuşanın azad olunmasına görə" (24iyun 2021), "Cəsur döyüşçü" (24 iyun 2021) medalları ilə təltif edilib.[2]

Təltifləri redaktə

  •   (15.12.2020) -- "Vətən uğrunda" medalı (ölümündən sonra)[3]
  • (24.06.2021) -- "Suqovuşanın azad olunmasına görə" medalı (ölümündən sonra)
  • (24. 06. 2021) -- "Cəsur döyüşçü" medalı (ölümündən sonra)

İstinadlar redaktə

  1. "İkinci Qarabağ müharibəsində şəhid olan hərbi qulluqçuların siyahısı" (PDF). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
  2. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  3. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". 15.12.2020. 2020-12-17 tarixində arxivləşdirilib. İstifadə tarixi: 15.12.2020.