Əliyev Ağa Əliqəmə oğlu (Ağa Laçınlı) (5 may 1940(1940-05-05), Oğuldərə, Laçın rayonu25 noyabr 2007(2007-11-25), Bakı) — şair, Azərbaycan Yazıçılar Birliyinin üzvü (1969), filologiya elmləri namizədi.

Ağa Laçınlı
Ağa Əliqəmə oğlu Əliyev
Ağa Laçınlı.jpg
İlk adı Ağa Əliyev
Doğum tarixi
Doğum yeri Oğuldərə, Laçın rayonu, Azərbaycan SSR, SSRİ
Vəfat tarixi (67 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Uşağı
Fəaliyyəti alim

HəyatıRedaktə

Ağa Laçınlı 1940-cı il may ayının 5-də Laçın rayonunun Oğuldərə kəndində anadan olub. 1963-1966-cı illərdə Maksim Qorki adına Moskva Ədəbiyyat İnstitunun poeziya fakültəsində təhsil alıb.

1966-1969-cu illərdə "Ədəbiyyat və incəsənət" qəzetinin şeir şöbəsində ədəbi işçi vəzifəsində çalışıb. 1969-1971-ci illərdə Yazıçılar İttifaqının Natəvan klubunun müdiri olub.

Ədəbi fəaliyyətə 1958-ci ildə Ağdam rayonunun "Lenin yolu" qəzetində çap olunan "Çoban" şeiri ilə başlayıb. 1966-cı ildə "Ümid" adlı ilk kitabı işıq üzü görüb. Sonralar "Sakitlik", "Sirli-soraqlı dağlar", "Aşırımlar qarşısında", "Vaxt yetişəndə", "Sevgimizlə sevindirək", "Meşə nəğməsi", "Gecə yuxusu", "Alın yazımız" və s. kitabları çapdan çıxıb.

Ağa Laçınlı 1970-ci ildən Bakı Dövlət Universitetində çalışıb, "Dünya ədəbiyyatı" kafedrasının dosenti olub. 1980-ci ildə "Azərbaycan bayatılarının bədii xüsusiyyətləri" adlı namizədlik dissertasiyası müdafiə edərək alimlik dərəcəsi adına layiq görülüb. "Homer dastanlarında türkçülük" adlı doktorluq dissertasiyasını yekunlaşdırmışdı. Antik Yunan ədəbiyyatı üzrə mütəxəssis olan Ağa Laçınlı qədim şumer, antik yunan, qədim Roma, Çin, hind, eləcə də polyak, rus, vyetnam, slovak, yapon, koreya, argentina və başqa xalqların klassik poeziyasından seçmələri dilimizə çevirib.

1967-2006-cı illərdə işlədiyi filologiya fakültəsində ədəbiyyat dərnəyinə başçılıq edib. Türkiyə, Rusiya, Latviya, Litva, Estoniya, Gürcüstan və başqa ölkələrdə Azərbaycan mədəniyyətinə, ədəbiyyatına, elminə dair mühazirələr oxuyub.

Ağa Laçınlının əsərləri Rusiyada, Fransada, Türkiyədə, ABŞ-da, Çində, Hindistanda, Polşada, Ukraynada, Belarusda, Gürcüstanda, Bolqarıstanda, İraqda və s. ölkələrdə çap edilib.

Ağa Laçınlı 2007-ci il noyabrın 25-də Bakı şəhərində vəfat edib.

KitablarıRedaktə

  1. Ümid. Bakı: Azərnəşr, 1966, 30 səh.
  2. Sakitlik. Bakı: Azərnəşr, 1970, 60 səh.
  3. Sirli-soraqlı dağlar. Bakı: Gənclik, 1971, 60 səh.
  4. Torpağın gücü. Bakı: Gənclik, 1973, 101 səh.
  5. Ana duyğusu. Bakı: Gənclik, 1976, 134 səh.
  6. Aşırımlar qarşısında. Bakı: Yazıçı, 1978, 132 səh.
  7. Vaxt yetişəndə. Bakı: Gənclik, 1980, 112 səh.
  8. Sevgimizlə sevindirək. Bakı: Yazıçı, 1981, 152 səh.
  9. Meşə nəğməsi. Bakı: Gənclik, 1985, 142 səh.
  10. Gecə yuxusu. Bakı: Yazıçı, 1986, 150 səh.
  11. Homer. Bakı: ADU-nəşr, 1989, 45 səh.
  12. Alın yazımız. Bakı: Yazıçı, 1992, 120 səh.

Elmi əsərləriRedaktə

  • "Azərbaycan bayatılarının bədii xüsusiyyətləri"
  • "Homer dastanlarında türkçülük"

Xarici keçidlərRedaktə

MənbəRedaktə