Ağa Qocayev

Ağa Ağasi oğlu Qocayev (15 avqust 1960, Gəncə) — Ağa Ağasi oğlu Qocayev 1993-cü il dekabrın 11-də Beyləqan rayonunda gedən ağır döyüşlərin birində şəhidlik zirvəsinə ucalmışdır.

Ağa Qocayev
Qocayev Ağa Ağasi Oğlu
Şəxsi məlumatlar
Doğum tarixi	15 avqust 1960
Doğum yeri	Gəncə
Vəfat tarixi	11 dekabr 1993 (33 yaşında)
Vəfat yeri	Beyləqan
Vəfat səbəbi	Şəhid
Dəfn yeri	Gəncə
Vətəndaşlığı	Azərbaycan
Milliyyəti	Azərbaycan
Uşaqları	Vüsalə, İlahə, Əminə Qocayeva
Atası	Ağasi Qocayev
Hərbi fəaliyyəti
Qoşun növü	Quru qoşunları
Rütbəsi	Əsgər

Həyatı

Ağa Qocayev 1960-cı il avqustun 15-də Gəncə şəhərində anadan olmuşdur. Ailənin tək övladı olan Ağa 9 saylı orta məktəbi bitirmişdir. Orta məktəbi bitirdikdən sonra 1978–1980-ci illərdə Novosibirsk vilayətində hərbi xidmətdə olmuşdur. Ağa Qocayev 1980-ci ildə ailə qurmuşdur. Ağanın Vüsalə, İlahə, Əminə adlı üç balası var.

Hərbi xidməti

Büllur zavodunda çalışan Ağa nankor ermənilərə nifrət edir. Ürəyi vətən eşqi ilə dolu idi. Ağa Qocayev 1992-ci il fevralın 12-də Nizami Rayonu Hərbi Komissarlığı tərəfindən səfərbərliyə alınmışdı. 181 saylı hərbi hissədə sürücü idi. Bir neçə döyüş tapşırığını uğurla yerinə yetirmişdir. Ona verilən əmr və tapşırıqları vaxtlı-vaxtında və layiqincə yerinə yetirərdi. Ağdam, Füzuli, Tərtər, Ağdərə döyüşlərində iştirak etmişdir. Ağa Ağasi oğlu Qocayev 1993-cü il dekabrın 11-də Beyləqan rayonunda gedən ağır döyüşlərin birində şəhidlik zirvəsinə ucalmışdır. Məzarı Gəncə Şəhidlər Xiyabanındadır.