Ağaddin Məmmədov

Ağaddin Məmmədov
Ağaddin Xanlar oğlu Məmmədov
Fayl:Agaddin Memmedov-12.png
Doğum tarixi (70 yaş)
Doğum yeri Ocaqlı, Cəlilabad rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Elm sahəsi kimya
Elmi dərəcəsi kimya elmləri doktoru
Elmi adı professor
İş yeri SABİC neft-kimya şirkəti (ABŞ)
Alma-mater Bakı Dövlət Universiteti
Təhsili ali

HəyatıRedaktə

Ağaddin Xanlar oğlu Məmmədov 1951-ci il mayın 9-da Cəlilabad rayonunun Ocaglı kəndində anadan olmuşdur. 1965-ci ildə Cəlilabad rayonu Andreyevka kənd orta məktəbinin 8-ci sinfini, 1967-ci ildə isə Cəlilabad rayounu Nizami adina 1 nomrəli orta məktəbini tam orta təhsil olaraq bitirmişdir. 1967-ci ildə Azərbaycan Dövlət Universitetinin (indiki Bakı Dövlət Universiteti) kimya fakültəsinə daxil olmuş və oranı 1972-ci ildə kimyaçı, kimya müəllimi ixtisası ilə bitirmişdir. İki il təyinat üzrə Cəlilabad rayonunun Ocaglı kəndində orta məktəb müəllimi işləmişdir. 1974-cü ildə Azərbaycan Milli Elmlər Akademiyasının Y.Məmmədəliyev adına Neft Kimya Prosesləri İnstitutunun aspiranturasına daxil olmuş, SSRİ EA Zelinski adına Üzvi Kimya İnstitutuna məqsədli aspiranturaya göndərilmişdir. 1978-ci ildə "Etilenin etilen oksidinə çevrilməsinin kinetik prinsipləri" mövzusunda dissertasiya işini müdafiə edərək elmlər namizədi elmi dərəcəsini almışdır. 1978-ci ildən Neft Kimya Prosesləri İnstitunda işləmişdir. 1988-1990-cı illərdə Moskvada SSRİ EA Nikolay Semenov adına Fiziki Kimya İnstitutunda fasilələrlə dokturanturada olmuş və 1991-ci ildə kataliz üzrə elmlər doktorluğu dissertasiyasını müdafiə etmişdir. Neft Kimya Prosesləri İnstitutunda kiçik elmi işçi, böyük elmi işçi, aparıcı elmi işçi, baş elmi işçi vəzifələrində işləmiş və tədqiqat qrupuna rəhbərlik etmişdir.

2001-ci il martın 13-də müqavilə ilə Səudiyyə Ərəbistanı Baş Kimya Şirkətinə (SABIC) işə dəvət olunmuş, orada Kral layihəsinin rəhbəri təyin olunmuşdur. Bir sıra ölkələrlə birgə təbii qazın və karbon qazının kimya məhsullarına çevrilməsi sahəsində tədqiqata rəhbərlik etmişdir. Rusiya, Çin, Kanada, Hidistanda SABIC ilə kontraktla işləyən qrupların işlərinə rəhbərlik etmişdir. 2008-ci ildə ABŞ-da Hyuston şəhərində SABİC-in texnoloji mərkəzinə göndərilmiş və hal-hazırda orada karbon qazının metanola çevrilməsi layihəsinin rəhbəri kimi işə davam etməkdədir. Patentlərinin sayına görə SABIC şirkətində birinci yeri tutaraq 2016-cı ildə şirkətin bir nomrəli ixtiraçısı mükafatını almışdır. 2014-cü ildə SABİC şirkətinin Şef alim (Chief scientist) postuna yüksəldilmişdir. Hal-hazirda bir neçə layihədə məsləhətçi kimi iştirak edir. Vaxtaşırı olaraq SABİC şirkətinin Səudiyyə Ərəbistanının Ciddə şəhərində yerləşən texnoloji mərkəzində gənc alim və mütəxəssislər üçün məruzələr edir. 6 kitab, 200-dən çox məqalə və patentin müəllifidir.

İstinadlarRedaktə