Ağasəf Mövsümov
Mövsümov Ağasəf Ağakərim oğlu — texnika elmləri doktoru, professor
| Ağasəf Mövsümov | |
|---|---|
| Mövsümov Ağasəf Ağakərim oğlu | |
| Doğum tarixi | |
| Doğum yeri | Bakı, Azərbaycan |
| Vəfat tarixi | |
| Elmi dərəcəsi | texnika elmləri doktoru |
Həyatı redaktə
Mövsümov Ağasəf Ağakərim oğlu Bakı şəhərində anadan olmuşdur. 1949-cu ildə "Neft və qaz quyularının qazılması" ixtisası üzrə AzSİ-nun neft-mədən fakültəsini bitirərək, "Azərneft" İB-də turbin qazıması idarəsinin texniki şöbəsində texnik kimi əmək fəaliyyətinə başlayaraq, texniki şöbənin rəisi vəzifəsinə qədər yüksəlmişdir. 1952–1954 və 1956–1960-cı illərdə "Neft Daşları"nda sahə və texniki şöbənin rəisi, böyük mühəndis, qazıma kontorunun direktor müavini işləmişdir. 1959-cu ildə "Böyük meyilli maili quyuların qazılması zamanı seksiyalı turboburun tətbiqi" mövzusunda namizədlik dissertasiyası müdafiə edib. 1960–1973-cü illərdə AzETNÇİ-da "Kəşfiyyat quyularının qazılması" şöbəsinin və "Dərin quyuların qazılması problemləri" laboratoriyasının rəhbəri işləmişdir. 1965-ci ildə "Quyuların salınması prosesində bəzi mürəkkəbləşmələrin hidrodinamiki tədqiqatları" mövzusunda doktorluq dissertasiyası müdafiə etmişdir. 1973–2001-ci illərdə Dəniz neft-qaz sənayesi DLİ-da qazıma məsələləri üzrə direktor müavini işləmişdir.
Elmi fəaliyyəti redaktə
Mövsumov A. A. neft və qaz quyularının qazılması sahəsində tanınmış alimdir.
Elmi tədqiqatların sahəsi: mayelərin özlü-plastik xassələri.
Mövsümov A. A. 270-dən artıq elmi məqalənin müəllifidir. İxtiralara görə 36 müəlliflik şəhadətnaməsi alıb. O, bir elmlər doktoru və 8 elmlər namizədi hazırlayıb.
Mövsümov A. A. ARDNŞ nəzdində qazıma üzrə Mərkəzi komissiyasının sədri olub, ARDNŞ-nin qazma məsələləri üzrə eksperti kimi ABŞ, Böyük Briyaniya və İsveçrə ezam edilmişdi. Mövsümov A. A. "Şərəf nişanı" ordeni, "Neft sənayesi nazirliyinin əlaçısı" nişanı və akad. İ. M. Qubkin adına mükafatla təltif olunub.