Aşıq İslam Rza oğlu
Aşıq İslam Rza oğlu (15 iyun 1977, Qobustan – 30 yanvar 2013, Bakı) — Şirvan aşıq sənətinin[1] tanınmış simalarından biri.[2]
| Aşıq İslam Rza oğlu | |
|---|---|
| İslam Rza oğlu | |
| Doğum tarixi | |
| Doğum yeri | Bakı şəhəri, Qaradağ rayonu, Qobustan qəsəbəsi |
| Vəfat tarixi | (34 yaşında) |
| Vəfat yeri | |
| Vəfat səbəbi | avtoqəza |
| Milliyyəti | azərbaycanlı |
| Təhsili | |
Həyatı redaktə
Aşıq İslam 1977-ci ildə Şirvanın məşhur aşıqlarından olan Aşıq Rza Qobustanlının ailəsində dünyaya göz açmışdı. Uşaq yaşlarından — 10-12 yaşlarından saz çalmağa başlamış və aşıq kimi tanınan İslam bir çox müsabiqələrin qalibi olmuşdu.[3]
Aşıq İslam Konservatoriyada təhsil almış, məşhur xanəndə Arif Babayevin muğam sinifində təhsil almışdır.[4]
Vəfatı redaktə
Şirvan aşıq sənətinin tanınmış simalarından olan Aşıq İslam Rzaoğlu 30 yanvar 2013-cü ildə avtomobil qəzasında həyatını itirib. Gecə saat 03:00 radələrində Bakıda keçirilən məclislərin birindən çıxan Aşıq İslam yaşadığı Qobustan qəsəbəsinə gedərkən Sədərək Ticarət Mərkəzinin yaxınlığında idarəetməni itirib və şəxsi "Mersedes" avtomobili yol kənarındakı dəmir dirəkləri qıraraq yolun kənarına aşıb. Hadisə baş verən vaxt Aşıq İslamın avtomobildə tək olduğu bildirilir. İlkin ehtimala görə, qəzaya səbəb Aşıq İslamın yorğun olması və sükan arxasında yatması olub.[5]
İstinadlar redaktə
- ↑ Nəsirova, R. Ömür kitabını erkən tamamlasa da...: [Aşıq İslam Rzaoğlu haqqında] //Mədəniyyət.- 2014.- 21 fevral.- S. 7.
- ↑ Xatirə gecəsi: [Dövlət Mahnı Teatrında tanınmış aşıqlar – Aşıq Rza və Aşıq İslam Qobustanlıların xatirə gecəsi keçirilmişdir] //Mədəniyyət.- 2014.- 21 fevral.- S. 7.
- ↑ "Aşıq İslam yol qəzasında öldü". 2013-02-02 tarixində orijinalından arxivləşdirilib. İstifadə tarixi: 2013-03-06.
- ↑ Qalib Sayılov. "Dünya duracaq yer deyil...", "Bütöv Azərbaycan" qəzeti, №08 (184), 27 fevral-5 mart 2013-cü il.
- ↑ "Aşıq İslam Rza oğlu bu gün vəfat edib". 2013-02-22 tarixində orijinalından arxivləşdirilib. İstifadə tarixi: 2013-03-06.