Aşıq Altay Məmmədov
Aşıq Altay Məmmədov — azərbaycanlı ustad aşıq, Azərbaycan Aşıqlar Birliyinin sədr müavini, filologiya üzrə fəlsəfə doktoru, Azərbaycan Dövlət Mədəniyyət və İncəsənət Universitetinin baş müəllimi.
| Altay Məmmədov | |
|---|---|
| Aşıq Altay | |
| Digər adı | Məmmədov Altay Ələddin oğlu |
| Doğum tarixi | |
| Doğum yeri | Düz Rəsullu, Gədəbəy rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | |
| Fəaliyyəti | alim |
| Elmi dərəcəsi |
|
| Üzvlüyü | |
Həyatı
redaktəMəmmədov Altay Ələddin oğlu 1972-ci il martın 7-də Azərbaycanın Gədəbəy rayonunun Düz Rəsullu kəndində anadan olmuşdur. 1989-cı ildə Düz Rəsullu kənd orta məktəbini bitirmişdir. Hərbi xidməti başa vuraraq 1992-ci ildə Gədəbəy rayonunun Çay Rəsullu kənd musiqi məktəbində müəllim kimi fəaliyyətə başlamışdır. Hələ kiçik yaşlarından aşıq sənətinə böyük həvəs göstərməyi, ustad aşıqlara həvəslə qulaq asmağı, el şənliklərində, məclislərində mütamadi olaraq iştirak etməyi onu el-oba içində bir gənc aşıq kimi tanıtmışdır.
1994-cü ildə Azərbaycan Dövlət Mədəniyyət və İncəsənət Universitetinin "Bədii xalq yaradıcılığı" fakültəsinə qəbul olunmuş, 1998-ci ildə həmin Universiteti fərqlənmə diplomu ilə bitirərək, 1998-2000-ci illərdə teatrşünaslıq ixtisası üzrə magistr dərəcəsi almışdır.
1995-ci ildə AMEA-nın Nizami adına Ədəbiyyat İnstitutnun nəzdində Dədə Qorqud adına Folklor Elmi-Mədəni Mərkəzi ilə əməkdaşlığa başlamış, Azərbaycan Milli Elmlər Akademiyası Folkor İnstitutunda 2001-ci ildən kiçik elmi işçi kimi fəaliyyətə başlamışdır. Bu illər ərzində aşıq sənətinin gənc və yetkin bir nümayəndəsi kimi Dövlət Televiziya və Radio dalğalarında ardıcıl olaraq çıxışları olmuş, Dövlət tədbirlərinə, Bayram şənliklərinə dəfələrlə dəvət olunmuş və uğurla çıxış etmişdir. İfasında Dövlət Televiziyası və Radiosunun Səsyazma arxivində 30-dan çox aşıq havaları yazılmışdır. Bir necə sənədli televiziya filmlərində cəkilmişdir. Aşıq sənəti YUNESKO-ya daxil edilərkən 2009-cu ilin mart və may aylarında Fransaya dəvət almış, luvr muzeyində və digər mötəbər tədbirlərdə uğurlu cıxışlar etmişdir. Dünyanın 20-dən cox xarici ölkələrində aşıq sənətini təmsil etmişdir.Yaradıcı aşıqdır. İndiyə qədər aşıq şeir şəkillərinin müxtəlif formalarında 500-dən cox şeir nümunələri, bir qəhrəmanlıq dastanı, bir məhəbbət dastanı yaratmışdır ki, bunların az bir qismi muxtəlif qəzet, jurnal və kitablarda cap olunmuş, tele-radio verlişlərində səsləndirilmişdir.
Altay Ələddin oğlu Məmmədov 2001-ci ildən ADMİU-də müəllim kimi fəaliyyətə başlamışdır. Bir monoqrafiyanın, 20-dən çox elmi məqalənin müəlifi, aşıq sənəti üzrə bir dərsliyin və bir necə proqramların həmmüəllifidir.
Hal–hazırda ADMİU-nin "Aşıq sənəti" kafedrasının baş müəllimi, Azərbaycan Aşiqlar Birliyinin sədr müavini, filologiya üzrə fəlsəfə doktorudur. Ailəlidir, dörd evladı var.
Səhnə fəaliyyəti
redaktə2009-cu ilin mart və may aylarında YUNESKO-nun tədbirləri çərçivəsində aşıq sənətini təbliği ilə əlaqədar Fransaya dəvət almış, Luvr muzeyində və digər mötəbər tədbirlərdə aşıq sənətini yüksək səhnələrdə təmsil edərək uğurlu çıxışlar etmişdir.
Kino fəaliyyəti
redaktə- 1). 2003-cü ildə "Koroğlu dastanı" əsasında çəkilmiş "Koroğlu (film, 2003) " filmində Sufi dərvişi rolunu ifa etmişdir.
- 2). Aşıq Ələsgərə həsr olunmuş televiziya filmində çəkilmişdir.
Pedaqoji fəaliyyəti
redaktə- 1). 1992-ci ildən 1994-cü ilədək Gədəbəy rayonunun Çay Rəsullu kənd musiqi məktəbində müəllim kimi fəaliyyət göstərmişdir.
- 2). 2001-ci ildən Azərbaycan Dövlət Mədəniyyət və İncəsənət Universitetində müəllim kimi fəaliyyətə başlamış və hal–hazırda həmin universitetdə "Aşıq sənəti" kafedrasının baş müəllimi işləyir.