Aşıq Yunis

aşıq

Aşıq Yunis (Yunis Məmməd oğlu İbrahimov; d. 1888, Göyçə mahalı, Cil – ö. 1974, Ermənistan SSR, Cil) — Azərbaycanlı aşıq.

Aşıq Yunis
Yunis Məmməd oğlu İbrahimov
Doğum tarixi
Doğum yeri Göyçə mahalı, Cil
Vəfat tarixi
Vəfat yeri Göyçə mahalı, Cil
Vətəndaşlığı SSRİ SSRİ
Milliyyəti Azərbaycanlı
Fəaliyyəti aşıq

Həyatı redaktə

Aşıq Yunis 1888-ci ildə Göyçə mahalının Cil kəndində anadan olmuşdur. Körpə ikən atasını itirən Yunis ailənin ağırlığını öz çiyninə götürmüş, körpə qardaş və bacılarını böyütmüşdür.[1]

Yunis Aşıq Zaman, Aşıq Mehdi və Aşıq Qasım (cilli) qardaşlarına şəyird olmuşdur. Az vaxt içərisində püxtələşərək bir aşıq kimi yetişmiş, Göyçə hüdudlarından kənarda da Əli Mazanoğlu ilə birgə gəlinlər gətirmiş, qızlar köçürmüşdür.

1918-ci ildə amansız daşnak gülləsi onun sol biləyini dağıtmışdır. Bu hadisə qaçqınlıq illərinə təsadüf edir. Tovuzun Qovlar kəndindən olan Yadigar oğlu İsmayıl onun qolunu müalicə etmişdir.

1935-ci ildə Basarkeçər, 1937-1938-ci illərdə İrəvanda, 1938-ci ilin yayında Krasnoselonun rayon təşkil edilməsi münasibətilə olan toplantıda, 1944-cü ildə faşizm üzərində qələbənin yaxınlaşması ilə olan toplantıda ölçüyə gəlməz yüksək sənətkarlıq nümayiş etdirmişdir.

Aşıq Yunis 1930-cu illərdə Moskvada keçiriləcək "Ermənistan" respublikası mədəniyyət və incəsənət nümayəndələrinin tərkibinə seçilmişdir.Ancaq erməni hökuməti onun Moskvaya getməsinə icazə verməmişdir.

Yunisin aşıq Müseyib, aşıq Niftalı, aşıq Hüseyn, aşıq Sayad, aşıq Bağır, aşıq Həmid (kiçik qardaşı) kimi şəyirdləri olmuşdur.

Aşıq Yunis Məmməd oğlu 1974-cü ilin martında Göçə mahalının Cil kəndində vəfat etmişdir, qəbri doğma kəndindəki qəbristanlıqdadır.[2]

İstinadlar redaktə

  1. "Yunis Məmməd oğlu İbrahimov (Aşıq Yunis)". cilliler.com. cilliler.com. 01.10.2015. 2016-05-07 tarixində orijinalından arxivləşdirilib. İstifadə tarixi: 6 iyun 2016.
  2. "Yunis İbrahimov. 1888 - 1974". enene.musigi-dunya.az. "Musiqi Dünyası". 2015. 2017-05-08 tarixində arxivləşdirilib. İstifadə tarixi: 6 iyun 2016.