AAAF Park

Yaşayış kompleksi

AAAF Park Yaşayış Kompleksi — Azərbaycan Respublikası, Xırdalan şəhəri, Heydər Əliyev prospekti, 167 ünvanında yerləşən çoxfunksiyalı yaşayış kompleksi. Dövrünü qabaqlayan, ən müasir standartlara cavab verən, modern, təkrarolunmaz bir layihədir.

YaranmaRedaktə

 
"AAAF Park"ın qurucusu - Tofiq Heydərov

AAAF Park Yaşayış Kompleksi sağlam həyat tərzi ilə adi həyatın ideal sintezinin yaradıldığı məkandır. Təsisçisi sabiq azərbaycanlı ağır atlet, 1996-cı il Atlanta Olimpiadasının iştirakçısı, iş adamı Tofiq Heydərovdur. Kompleksin tikintisinə 2012-ci ildən start verilib.

ƏraziRedaktə

Təxminən 30 hektarlıq ərazidə yaşayış binaları, geniş park, müxtəlif ölkələrin mətbəxləri təqdim olunan fərqli dizaynda restoranlar, əyləncə mərkəzləri, attraksionlar, futbol meydançası, tennis kortu, gimnastika, cüdo, ağır atletika zalları, böyük multifunksional yarış zalı, “Fitness & Spa” mərkəzi, Lisey, Uşaq Bağçası, Uşaq İdman Akademiyası, tədris mərkəzi, taxta kotteclər, mehmanxana, məşhur brend mağazaları, qadın və kişi bərbərxanası, böyük market, üzgüçülük hovuzu və digər məişət və iaşə obyektləri yerləşir. Burada 1-3 mərtəbəli şəxsi mülklər, 4-16 mərtəbəli binalardakı mənzillərdə ümumilikdə 50 minə yaxın əhalinin yaşaması planlaşdırılır.

KlubRedaktə

Kompleks 2006-cı ildə yaradılan "Zirvə" Beynəlxalq İdman Klubunun mərkəzi bazasıdır.

AstaraRedaktə

Eyni üslubda daha bir AAAF Park layihəsi Astara şəhərində həyata keçirilir. Astara şəhəri, Gənclər küçəsindəki 20 hektar ərazidə inşaası nəzərdə tutulan “AAAF Park Astara” layihəsində süni şəlalələr, “Limuland” açıq və qapalı uşaq əyləncə mərkəzi, açıq fitness meydançası, kafe-çay evi, “Zirvə” Uşaq İdman Akademiyası, uşaq əyləncə attraksionları, “Astara Towers”, 5 ulduzlu “Tuado” oteli, hovuz və SPA mərkəzi, çimərlik kompleksi, ağır atletika, boks və taekvondo mərkəzləri, villalar, 4 və 5 mərtəbəli binalar nəzərdə tutulmuşdur. Azərbaycan Respublikasının Prezidenti İlham Əliyev 2015-ci il aprelin 11-də Astaraya səfəri zamanı “AAAF Park Astara” layihəsi ilə tanış olmuşdur.[1] Ölkə başçısı layihədən razılığını dilə gətirərək, görülən və görüləcək işlərdən məmnunluğunu bildirib, tapşırıq və tövsiyələrini vermişdi.[1]

KişinyovRedaktə

"AAAF Park Moldova" Moldovanın paytaxtı Kişinyov şəhərinin 30 km uzaqlığında, İvança qəsəbəsində qurulur. Burada klubun Avropa Mərkəzi Məşq Bazası statusunu daşıyacaq Kompleks tikilir. Dünyanın ən böyük idman komplekslərindən biri olacaq, bir çox idman növləri üzrə yarışlar keçirilməsi mümkün olacaq. Bu məkanda mindən çox idmançı eyni zamanda məşq etmək şansı əldə edəcək. Bu kompleksin ətrafında da “AAAF Park Yaşayış Kompleksi”nin bənzərinin tikilməsi də nəzərdə tutulub.

İstinadlarRedaktə

  1. 1 2 Möhtəşəm “AAAF Park Astara” layihəsi! lent.az, 18.04.2015  (azərb.)

Xarici keçidlərRedaktə