AMEA Qafqazşünaslıq İnstitutu

Qafqazşünaslıq İnstitutu — Azərbaycan Milli Elmlər Akademiyasının strukturuna daxil olan elmi tədqiqat institutu.

AMEA Qafqazşünaslıq İnstitutu
Ümumi məlumatlar
Ölkə	Azərbaycan
Tipi	elmi-tədqiqat institutu
Yaradılıb	2015
Digər məlumatlar
Direktor	Ramilə Dadaşova
Ünvan	Bakı şəh., Hüseyn Cavid pros.115, Akademiya şəhərciyi, IV mərtəbə, AZ1073
Telefon	(+994 12) 5398951
Sayt	caucasusstudies.az

Tarixi

AMEA Qafqazşünaslıq İnstitutu 29 aprel 2015-ci iltarixində AMEA-nın ümumi yığıncağının qərarına (№1/16) əsasən yaradılmışdır. İlk direktoru AMEA-nın müxbir üzvü, tarix elmləri doktoru, professor Musa Qasımlı olmuşdur.

Strukturu

• Qafqaz tarixi şöbəsi
• Qafqaz ölkələrinin beynəlxalq əlaqələri şöbəsi
• Ermənişünaslıq şöbəsi
• Gürcüstanşünaslıq şöbəsi
• Şimali Qafqaz şöbəsi
• Nəşriyyat və ictimaiyyətlə əlaqələr şöbəsi
• Elektron Xidmətlər şöbəsi

Tədqiqat istiqamətləri

Başlıca tədqiqat istiqamətləri:

• Qafqaz tarixində qədim dövrlərdən yeri və rolu olan xalqların, dövlətlərin tarixi;
• Qədim dövrdən başlayaraq Cənubi Qafqazın tarixində Azərbaycanın yeri və rolu, qonşu xalqlar və dövlətlərlə münasibətləri;
• Qafqaz ölkələrinin daxilində baş verən sosial-iqtisadi, siyasi və b. proseslər, onların Azərbaycan Respublikasına təsiri;
• Qafqaz ölkələrinin xarici siyasəti və onun Azərbaycan Respublikasına təsiri;
• Böyük və qonşu ölkələrin, beynəlxalq və regional təşkilatların Qafqaz  siyasəti, onda Azərbaycan Respublikasının yeri;
• Qafqaz regionunda münaqişələr, Ermənistanın Azərbaycana qarşı əsassız ərazi iddiaları, hərbi təcavüzü, işğalçılıq siyasəti və nəticələri, Vətən müharibəsindən sonra Qafqazda yaranan yeni geosiyasi reallıqlar;
• Diaspora və lobbi fəaliyyətləri, dünyanın tanınmış siyasi və ictimai xadimlərinin Qafqaz regionuna dair baxışları.

Fəaliyyət sahələri

• İnstitutun elmi jurnalının nəşri, tərcümə və çap işlərinin görülməsi, fəaliyyətin veb saytda işıqlandırılması, kütləvi informasiya vasitələrində yayılması
• Xarici ölkələrdəki nüfuzlu elmi-tədqiqat mərkəzləri ilə İnstitutun əlaqələrinin qurulması və əməkdaşlığı
• Beynəlxalq simpozium, konfrans və seminarlarda iştirak

Direktorları

• Musa Qasımlı
• Ramilə Dadaşova (Direktor v.i.e.)