Bağırov Abı Məmmədhüseyin oğlu (1911-1999) — Böyuk Vətən və Sovet-Yapon müharibələrinin iştirakçısı.

Abı Bağırov
Abı Məmmədhüseyin oğlu Bağırov
Abı Bağırov.jpg
Doğum tarixi 9 may 1911(1911-05-09)
Doğum yeri Masallı, Lənkəran qəzası, Rusiya İmperiyası
Vəfat tarixi 12 iyun 1999 (88 yaşında)
Vəfat yeri Masallı rayonu
Vətəndaşlığı
Milliyyəti azərbaycanlı
İxtisası artilleriya
Fəaliyyəti sıravi
Fəaliyyət illəri 1941-1946

HəyatıRedaktə

Abı Bağırov 1911-ci il mayın 9-da Bakı quberniyasının Lənkəran qəzasının Masallı qəsəbəsində (indiki Masallı şəhəri) anadan olmuşdur. 22 iyun 1941-ci ildə Qızıl Ordu sıralarına çağırılmışdır. İlk gündən şərəfləyaqətlə xidmət edən Abı 1943-cü ildən etibarən 2-ci Ukrayna cəbhəsinin 5-ci tank ordusunun 5-ci mexanikləşdirilmiş korpusun 1700-cü zenit-artilleriya alayında xidmətini davam etdirmişdir. Bu ordunun tərkibində Millerov-VoroşilovqradJitomir-Berdiçev əməliyyatlarında iştirak etmişdir. 20 yanvar 1944-cü ildən etibarən 5-ci mexanikləşdirilmiş korpus, 2-ci Ukrayna cəbhəsinin 6-cı tank ordusunun tərkibinə qatılmışdır. Bu ordunun tərkibində Dneprov-Karpat, Korsun-Şevçenkov, Umman-Botoşan, Yassi-Kişinyov, Buxarest-Arad əməliyyatlarında iştirak etmişdir. Böyük uğurlar əldə etdiklərinə görə ordu 6-cı qvardiya tank ordusuna, 5-ci mexanikləşdirilmiş korpus 9-cu mexanikləşdirilmiş qvardiya korpusuna, 1700-cü zenit-artilleriya polku isə 388-ci zenit-artilleriya qvardiya polkuna cevrilmişdir. Faşist Almaniyası üzərində qələbəni Münhen şəhərində bayram etdikdən sonra, tərkibində olduğu birləşmə Faşist Yaponiyası üzərinə yönəlib. Bu zaman o, tərkibində olduğu 2-ci Ukrayna cəbhəsinin 6-cı qvardiya tank ordusunun 9-cu mexanikləşdirilmiş qvardiya korpusunun 388-ci zenit-artilleriya qvardiya polkunun tərkibindən çıxarılıb 2-ci Ukrayna cəbhəsinin 6-cı qvardiya tank ordusunun 9-cu mexanikləşdirilmiş qvardiya korpusunun 389-cu özüyeriyən-artilleriya qvardiya polkunun tərkibinə daxil edilmişdir. Zveniqorodka, Xristinovka, Moqilyov-Podolski (Ukrayna), Belçı (Moldova), Vasluy, Buxarest (Rumıniya), Sekişfexervar, Vesprem, Deveçer, Papa, Zirç (Macarıstan), Vyana (Avstriya), Mukden (indiki Şenyan, ÇXR) kimi şəhərlərin azad olunmasında iştirak edib.

MükafatlarRedaktə

  • "İgidliyə görə" medalı
  • "1941-1945-ci illər Böyük Vətən müharibəsində Almaniya üzərində qələbəyə görə" medalı
  • "Yaponiya üzərində qələbəyə görə" medalı
  • "Praqanın azad olunmasına görə" medalı
  • "Vyananın azad olunmasına görə" medalı
  • "Budapeştin azad olunmasına görə" medalı
  • "I Dərəcəli Vətən Ordeni"
  • "1941-1945-ci illər Böyük Vətən müharibəsində qələbənin 20 illiyi" medalı
  • "1941-1945-ci illər Böyük Vətən müharibəsində qələbənin 25 illiyi" medalı
  • "1941-1945-ci illər Böyük Vətən müharibəsində qələbənin 30 illiyi" medalı
  • "1941-1945-ci illər Böyük Vətən müharibəsində qələbənin 50 illiyi" medalı
  • "SSRİ Silahli Qüvvələrin 50 illiyi" medalı
  • "SSRİ Silahli Qüvvələrin 60 illiyi" medalı
  • "SSRİ Silahli Qüvvələrin 70 illiyi" medalı

QeydRedaktə

389-cu özüyeriyən-artilleriya qvardiya polkunun komandiri Sovet İttifaqı Qəhrəmanı polkovnik-leytinant Bukiya Akakiy Konstantinoviç olmuşdur.

Müharibədən sonraRedaktə

22 iyun 1946-cı ildə ordudan təxris olunmuşdur. 1945-ci ildən Sovet İttifaqı Kommunist Partiyasının üzvü olmuş, Masallı rayon sığorta şöbəsi sahə müfəttişi, sonra baş müfəttiş, Masallı rayon təminat şöbəsinin baş inspektoru vəzifələrində çalışmışdır. 12.06.1999-cu ildə dünyasını dəyişmişdir. Masallı şəhər qəbiristanlığında dəfn olunub.

Xarici keçidlərRedaktə