Abaşevo mədəniyyəti

Abaşevo mədəniyyəti — Rusiya Federasiyasının Orta Volqaboyu, əsasən, indiki Mari El, Çuvaşıstan və Başqırdıstan respublikaları ərazilərində e. ə. 3-cü minilliyin sonu – 2-ci minilliyin birinci yarısında yayılmış Son Tunc dövrü mədəniyyəti^[1].

Abaşevo mədəniyyətinə aid kurqanlar ilk dəfə 1925-ci ildə Çuvaşıstan Respublikasının Abaşevo kəndi yaxınlığında V.F.Smolin tərəfindən tədqiq edilmişdir^[1]. Kurqanlarda ölülər arxası üstə, dizləri bükülmüş vəziyyətdə dəfn olunmuşlar. Qəbirlərdən həndəsi naxışlı gil qablar, mis və bürünc bəzək əşyaları tapılmışdır^[1]. Daşdan, misdən və ev heyvanlarının sümüklərindən hazırlanmış əmək alətlərinin aşkar edilməsi Abaşevo mədəniyyətinin yayıldığı ərazidə tayfaların ovçuluq, balıqçılıq, maldarlıq, əkinçilik və metal emalı ilə məşğul olmasından xəbər verir^[1]. Qaliç dəfinəsində bürüncdən düzəldilmiş ilahi fi qurları aşkar edilmişdir. Burada həmçinin kərtənkələ fiqurları, baltalar, xəncərlər, bıçaqlar və qolbaqlar tapılmışdır^[1]. Bu əşyalardan dini ayinlər zamanı istifadə edildiyi ehtimal olunur^[1].

Son dövrlərdə aparılan arxeoloji qazıntılar nəticəsində Abaşevo mədəniyyətinə aid yaşayış yerləri yalnız Uralyanı ərazilərdə aşkarlanmışdır^[1]. Bəzi tədqiqatçıların fikrincə, Abaşevo mədəniyyəti mənşəcə Orta Dnepr mədəniyyəti ilə bağlıdır^[1].

İstinadlar redaktə

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ABAŞEVO MƏDƏNİYYƏTİ Arxivləşdirilib 2022-07-26 at the Wayback Machine. ensiklopediya.gov.az (az.)

Xarici keçidlər redaktə

Монография об абашевской культуре Arxivləşdirilib 2009-01-24 at the Wayback Machine
Абашевская культура^{[ölü keçid]}
Абашевская культура
Абашевская культура Arxivləşdirilib 2007-11-18 at the Wayback Machine
Список публикаций по абашевской культуре Arxivləşdirilib 2009-05-10 at the Wayback Machine

[ensiklopediya.gov.az-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ABAŞEVO MƏDƏNİYYƏTİ Arxivləşdirilib 2022-07-26 at the Wayback Machine. ensiklopediya.gov.az (az.)

[1]