Aban ibn Səid

Aban ibn Səid (bilinmir, bilinmir – 634, ərəb. أبان بن سعيد بن العاص‎) — nüfuzlu Qureyşlilərdən biri, Məhəmməd peyğəmbərin səhabəsi.

Aban ibn Səid
ərəb. أبان بن سعيد بن العاص‎ ərəb. أبان بن سعيد بن العاص الأموي‎
Doğum tarixi	bilinmir
Doğum yeri	bilinmir
Vəfat tarixi	634
Fəaliyyəti	tacir, Səhabə

Bioqrafiya

Tam adı: Aban ibn Səid ibn əl-As ibn Üməyyə ibn Əbd əş-Şəms ibn Əbd Mənaf əl-Kuraşi əl-Umavidir. Aban uzun müddət müsəlmanların düşməni olmuşdur. Qardaşları Əmr və Xalid İslamı qəbul etdikdən sonra ailəsində münaqişələr yaranır. Bədr döyüşündə müsəlmanlara qarşı vuruşmuşdur. Bu döyüşdə onun qardaşları Ubeydə və As ölür. Xudeybi sülh müqaviləsi bağlanarkən Aban Məhəmmədin səfiri Osman ibn Əffanı öz himayəsinə götürür.

Müsəlmanlarla qarşıdurma zamanı o, tədricən müsəlmanların ehkamını öyrənir. İslam ənənəsinə görə, Aban tez-tez Suriyaya gedirdi və bu səfərlərin birində Ərəbistana yeni peyğəmbərin gəlişi barədə ona xəbər verən bir rahiblə görüşürdü. Aban əmin oldu ki, “yeni peyğəmbər”in əlamətləri Məhəmmədin şəxsiyyəti ilə tam üst-üstə düşür. Məkkəyə qayıdan o, artıq müsəlmanlara qarşı nifrət etməkdən imtina edir və bir müddət sonra İslamı qəbul edir. Bu Xeybər döyüşündən əvvəl baş vermişdir.

İslamı qəbul etdikdən sonra Aban Mədinəyə köçür və burada vergi sahəsində mühüm dövlət işlərini aparmaq ona həvalə edilir. Xilafət dövründə Əbu Bəkr Bizansa qarşı müharibələrdə iştirak etmişdir. Bizanslılara qarşı döyüşlərin birində şəhid olmuşdur.