Abbas Kazımov (rəssam)
Abbas Kazımov (1 yanvar 1956, Bakı – 8 noyabr 2021[1])— azərbaycanlı rəssam.
| Abbas Kazımov | |
|---|---|
| Kazımov Abbas Ələsgər oğlu | |
| Doğum tarixi | 1 yanvar 1956 |
| Doğum yeri | |
| Vəfat tarixi | 8 noyabr 2021[1] (65 yaşında) |
| Fəaliyyəti | rəssam |
| Təhsili | Ə.Əzimzadə adına Rəssamlıq məktəbinin rəngkarlıq fakültəsi, Lenin adına Azərbaycan Pedaqoji İnstitunun bədii qrafika fakültəsi |
Həyatı
redaktəKazımov Abbas Ələsgər oğlu 1 yanvar 1956-cı ildə Bakı şəhərində anadan olmuşdur. O, 1978-ci ildə Ə. Əzimzadə adına Rəssamlıq məktəbinin rəngkarlıq fakültəsini, 1984-cü ildə Lenin adına Azərbaycan Pedaqoji İnstitunun bədii qrafika fakültəsini bitirmişdir. Abbas Kazımov 1984-cü ildən Azərbaycan Rəssamlar İttifaqının, 2011-ci ildən Rusiya Rəssamlıq Akademiyasının, YUNESKO nəzdində Beynəlxalq rəssamlar federasiyasının üzvüdür. Abbas Kazımov rəngkarlıqda "xalça üslubu"-nun yaradıcısı hesab olunur. Bu üslub özündə şərq və klassik incəsənət və mədəniyyət məktəbinin xüsusiyyətlərini birləşdirir. Onun "Pirosmaniyə həsr edilir" silsilə qrafik əsərlər, "Qırmızı və Qara", "Nağıl", "Qarabağ atları" silsilə rəngkarlıq əsərlərini qeyd etmək olar. Yaltada Yumoristlər xiyabanında Arkadi Arkanovun jileti və Mixail Jvanetskinin portfelinə abidələr Abbas Kazımovun eskizləri üzrə yaradılmışdır. Rəssam respublika və beynəlxalq sərgilərin fəal iştirakçısıdır. Onun fərdi sərgiləri Moskva, Vaşinqton və Kanadada təşkil olunmuşdur. [2], [3],[4]
İstinadlar
redaktə- ↑ 1 2 Tanınmış rəssam Abbas Kazımov dünyasını dəyişib.
- ↑ http://m.salamnews.org/az/news/read/223050[ölü keçid]
- ↑ https://azertag.az/xeber/Moskvada_ressam_Abbas_Kazimovun_yubiley_sergisi_achilmisdir-518896
- ↑ "Arxivlənmiş surət". 2018-07-12 tarixində orijinalından arxivləşdirilib. İstifadə tarixi: 2018-07-07.