Abbas Qasımov (snayperçi)

snayper
(Abbas Qasımov (snayper) səhifəsindən istiqamətləndirilmişdir)

Qasımov Abbas Talıb oğlu (24 yanvar 1970(1970-01-24), Səfərəliyev, Samux rayonu5 iyul 1992(1992-07-05), Ağdərə rayonu) — "Snayper Abbas" ləqəbli Qarabağ müharibəsi döyüşçüsü.

Abbas Qasımov
Abbas Talıb oğlu Qasımov
Abbas Qasımov.jpg
Digər adı "Snayper Abbas"
Doğum tarixi
Doğum yeri Nəbiağalı, Samux rayonu, Azərbaycan SSR, SSRİ
Vəfat tarixi (22 yaşında)
Vəfat yeri Ağdərə rayonu, Qarabağ, Azərbaycan
Vəfat səbəbi şəhid
Dəfn yeri Nəbiağalı, Samux rayonu
Atası Talıb Sayad oğlu Kərimov
Milliyyəti azərbaycanlı

HəyatıRedaktə

Abbas Qasımov 24 yanvar 1970-ci ildə Samux rayonunun Nəbiağalı qəsəbəsində doğulmuşdur. Atası Talıb Göyçə mahalının Daşkənd kəndindəndir[1]..

Abbas orta məktəbi bitirdikdən sonra Rusiyanın Kamensk şəhərində hərbi xidmətdə olub[2].

Xanlar rayon Hərbi Komisarlığı tərəfindən 3 yanvar 1992-ci ildə Milli Orduya göndərilmiş, 701-ci hərbi hissənin avtomatçısı olmuşdur[3].

Abbas Qasımov ailəsinin narazılığı olmasına baxmayaraq könüllü olaraq Qarabağ uğrunda gedən döyüşlərə qoşulmuşdur. Yoldaşları arasında "Snayper Abbas" deyə çağırılırmışdır. Sərrast atıcı və minaları təhlükəsizləşdirən hərbçi idi[1].

5 iyul 1992-ci ildə Ağdərə rayonunda gedən qızğın döyüşdə ayağından yaralanmasına baxmayaraq geri çəkilməmiş və son damla qanına qədər düşmənlə üz-üzə döyüşmüş və qəhrəmancasına şəhid olmuşdur. Abbas Qasımov Samux rayonunun Nəbiağalı qəsəbəsində dəfn edilmişdir. O, Samux rayonunun ilk şəhididir[1]..

Gülüstanın alınmasında, Ağdərənin Talış, Qırmızıkənd, Maqadis kəndlərində gedən döyüşlərdə Abbas xüsusən fəallıq göstərmişdir[4].

22 iyul 1992-ci il tarixli «Yeni Samux» qəzetində və "Samux şəhidləri" adı altında kitabda "snayper" Abbasın döyüş yolu haqqında geniş məlumat verilmişdir[5].

Həmçinin baxRedaktə

İstinadlarRedaktə

  1. 1 2 3 Araz Yaquboğlu, "Ömrün şəhidlik zirvəsi", Bakı, “Elm və təhsil”, 2012.
  2. Nəcibə Əlizadə. "Xalqımızın qəhrəman və şəhid oğulları", Bakı, 2013. səh.76-77.
  3. "Azərbaycan Respublikası Xatirə Kitabı" 3-cü cild, "Q" hərfi. Bakı-2001. səh.106
  4. Füzuli Ramazanoğlu, "Bu da bir taledir". Bakı, «Nurlan», 2009.
  5. «Yeni Samux» qəzeti, 22 iyul 1992-ci il.