Abid Tahirli

Abid Tahirli (30 noyabr 1955, Qəbələ rayonu, Nohurqışlaq kəndi) — filologiya elmləri doktoru, professor, Azərbaycan Yazıçılar Birliyinin və Azərbaycan Jurnalistlər Birliyinin üzvü, AMEA Nizami Gəncəvi adına Ədəbiyyat İnstitutu Mühacirət Ədəbiyyatı şöbəsinin baş elmi işçisi.

Həyatı

1955-ci il noyabrın 30-da Qəbələ rayonunun Nohurqışlaq kəndində anadan olmuşdur. Orta təhsilini Qəbələ (keçmiş Qurqaşen) rayonu Nohurqışlaq kənd orta məktəbində təhsil alıb (1963–1973). İki il Azərbaycan Dövlət Universitetinin jurnalistika fakültəsinə sənəd versə də, müsabiqədən keçməmiş. Və nəhayət 1975 — ildə Azərbaycan Dövlət Universitetinin jurnalistika fakültəsinə qəbul olmuşdur. 1997-ci ildə MEA-nın Nizami adına Ədəbiyyat İnstitutunda "Ceyhun Hacıbəylinin həyat və yaradıcılığı" (mühacirətə qədərki dövr)" mövzusundanamizədlik, 2006-cı ildə Bakı Dövlət Universitetində "Azərbaycan mühacirət mətbuatında publisistika" (1921–1991-ci illər) mövzusunda doktorluq dissertasiyalarını müdafiə etmişdir. Ölkədə ilk dəfə jurnalistika ixtisası üzrə namizədlik və doktorluq dissertasiya müdafiə etmişdir.

Elmi fəaliyyəti

Pedaqoji fəaliyyəti

1982–1987-ci illərdə Xarici Ölkələrlə Dostluq və Mədəni Əlaqələr Cəmiyyətinin xaricdəki həmvətənlər üçün nəşr etdiyi "Vətənin səsi" adlı qəzetdə müxbir işləmişdir. 1988-ci ildən Xaricdə Yaşayan Həmvətənlərlə Mədəni Əlaqələr Cəmiyyəti – "Vətən" Cəmiyyəti yaranandan onun orqanı "Odlar yurdu" qəzetində əvvəlcə müxbir, sonra böyük müxbir, məsul katib, redaktor müavini vəzifələrində çalışmışdır. 1992–1993-cü illərdə "Vətən" Cəmiyyəti Avropa və Amerika ölkələri şöbəsinin müdiri vəzifəsində işləmişdir. 1993-cü ildən 2020-ci illərdək Azərbaycan Respublikası Nazirlər Kabinetində humanitar və sosial problemlər şöbəsinin baş məsləhətçisi vəzifəsində çalışmışdır. 1997-ci ildə AMEA-nın Nizami adına Ədəbiyyat İnstitutunda "Ceyhun Hacıbəylinin həyat və yaradıcılığı" (mühacirətəqədərki dövr)" mövzusunda namizədlik, 2006-cı ildə Bakı Dövlət Universitetində "Azərbaycan mühacirət mətbuatında publisistika (1921–1991-ci illər)" mövzusunda doktorluq dissertasiyalarını müdafiə etmişdir. Ölkədə ilk dəfə jurnalistika ixtisası üzrə namizədlik və doktorluq dissertasiya müdafiə etmişdir. Bir çox kitabın tərtibçisi, redaktoru və ön söz müəllifidir. Abid Tahirli çoxcildlik "Milli Azərbaycan Ensiklopediyası"nın məsləhətçilərindən, 2 cildlik "Azərbaycan Xalq Cümhuriyyəti Ensiklopediyası"nın müəlliflərindəndir. Abid Tahirli eyni zamanda pedaqoji fəaliyyətlə məşğul olmuş, Azərbaycan Respublikası Prezidenti yanında Dövlət İdarəçilik Akademiyasında mühazirələr oxumuş, Bakı Dövlət Universitetinin, "Xəzər" Universitetinin jurnalistika fakültələrində dərs demişdir. Abid Tahirli hazırda Lənkəran Dövlət Universitetinin professorudur. O, 2022-ci ildən Azərbaycan Respublikasının Prezidenti yanında Ali Attestasiya Komissiyası nəzdində Filologiya və pedaqogika üzrə fəaliyyət göstərən Ekspert Şurasının üzvüdür. Abid Tahirli 7 yanvar 2014-cü il- 1 noyabr 2018-ci illərdə və bir müddət fasilədən sonra- 19 iyun 2020-ci ildən bu günədək AMEA Nizami Gəncəvi adına Ədəbiyyat İnstitutu Azərbaycan mühacirət ədəbiyyatı şöbəsində çalışır.

Nəşrləri və monoqrafiyaları

Abid Tahirlinin biri Türkiyədə olmaqla, 18 kitabı, o cümlədən, 7 monoqrafiyası işıq üzü görmüş, çox sayda elmi, publisistik məqaləsi nüfuzlu jurnal və qəzetlərdə- "Ədəbiyyat qəzeti", "525-ci qəzet", "Kaspi", "Azərbaycan", "Xalq qəzeti", "Azadlıq", "Azərbaycan müəllimi", "Ədalət", "Mədəniyyət", "Yeni Azərbaycan", "Bakı", "Səhər", "Maarifçi", "Hakimiyyət", "Respublika", "Mars", "Kredo", "Azərbaycan məktəbi", "Elm və həyat", "Dədə Qorqud", "İbtidai məktəb və məktəbəqədər tərbiyə", "Azərbaycan məktəbi", "Qobustan" və s. kimi qəzet, toplu və jurnallarda, elektron qəzetlərdə, eləcə də AMEA, BDU, ADPU, LDU, "Odlar yurdu" Universitetinin "Elmi xəbərlər"i, Təhsil Nazirliyinin "Ali təhsil və cəmiyyət" və s. kimi nəşrlərdə dərc edilmişdir. Əsərləri respublikamızın, bir sıra xarici ölkələrin kitabxana fondlarına daxil edilmişdir. Abid Tahirli Lənkəran Dövlət Universitetinin "Elmi xəbərlər" jurnalının redaksiya heyətinin üzvüdür. 1988-ci ildən Xaricdə Yaşayan Həmvətənlərlə Mədəni Əlaqələr Cəmiyyəti – "Vətən" Cəmiyyəti yaranandan onun orqanı "Odlar yurdu" qəzetində əvvəlcə müxbir, sonra böyük müxbir, məsul katib, redaktor müavini vəzifələrində çalışmışdır. 1992–1993-cü illərdə "Vətən" Cəmiyyəti Avropa və Amerika ölkələri şöbəsinin müdiri vəzifəsində işləmişdir. 1993-cü ildən 2020-ci illərdək Azərbaycan Respublikası Nazirlər Kabinetində humanitar və sosial problemlər şöbəsinin baş məsləhətçisi vəzifəsində çalışmışdır. Dövlət qulluğunun baş müşaviridir.

Mükafatkarı

1980-ci ildən Azərbaycan Jurnalistlər İttifaqının, 1995-ci ildən Azərbaycan Yazıçılar Birliyinin üzvüdür. "Qızıl qələm", "Həsən bəy Zərdabi", "Cəlil Məmmədquluzadə" və "Qızıl kəlmə" (Mədəniyyət Nazirliyinin 2018–2019-cu illər üzrə) ədəbi mükafatları laureatıdır. 2021-ci ildə Mədəniyyət Nazirliyinin təsis etdiyi "Nizami Gəncəvi" xatirə döş nişanı ilə təltif edilmişdir. 2024-cü ildə dünya şöhrətli macar türoloqu Armin Vamberi mükafatına layiq görülmüşdür. Azərbaycan Respublikası Prezidentinin Sərəncamı ilə 2015-ci ildə "Dövlət qulluğunda fərqlənməyə görə" medalı ilə təltif olunmuşdur.

Kitabları

1. Azərbaycan mühacirəti
2. Sözlə yarananlar, sözü yaşadanlar
3. Azərbaycan mühacirət mətbuatı, I hissə
4. Deyilən söz yadigardır
5. Azərbaycan mühacirət mətbuatı, II hissə
6. İlyas Əfəndiyevin publisistikası
7. "Azərbaycan mühacirət mətbuatında publisistika"
8. Fırtınalar qoynunda
9. Azərbaycan mühacirət mətbuatı
10. İdrak işığında
11. Bütün türklərin tərcümanı
12. Məktəb: tariximiz, taleyimiz
13. İsmail Gaspıralı Dünyası, İsmail Gaspıralı Dehası
14. Mətbuat: millətin dili, gücü və güzgüsü
15. "Generalın qayıdışı"
16. "Ceyhun Hacıbəylinin həyat və yaradıcılıq yolu"
17. "Ceyhun Hacıbəylinin həyat və yaradıcılıq yolu"

Tərtib etdiyi kitablar

1. C. Hacıbəyli. Hacı Kərim
2. Sən həmişə mənimləsən
3. "Dədə Qorqud aliliyi" məqalələr toplusu
4. "Dədə Qorqud" rəsmlərdə
5. Ceyhun Hacıbəyli. Seçilmiş əsərləri.

Redaktorluğu ilə buraxılan kitablar

1. Elçin. Şəxsiyyət və istedad
2. Professor Əmir Həbibzadə – 85
3. "Dədə Qorqud" bülleteni
4. Aygün Məcidova. Dəryadan damlalar
5. Nikpur Cabbarlı. Elçin və Azərbaycan mühacirətşünaslığının

problemləri

1. Səyyaf İsmayılov. Zəhmətlə yaşanan illər
2. Ceyhun Hacıbəyli. Bir il xəyallarda… və bütöv bir ömür.
3. Alazan Baycan. Əsərləri.