Abuzər Nadirov
Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər. |
Abuzər Nadirov (11 fevral 1967, Mişni, Laçın rayonu) – "Laçın" futbol klubunun baş məşqçisi.
Abuzər Nadirov | |
---|---|
Ümumi məlumatlar | |
Doğum tarixi | |
Doğum yeri | Mişni, Laçın rayonu, Azərbaycan SSR |
Mövqeyi | Məşqçi |
Həyatı redaktə
Abuzər Süleyman oğlu Nadirov 1967-ci fevral ayının 11-də Laçın rayonunun Mişni kəndində anadan olub. 1974-cü ildə Mişni kənd orta məktəbində 1-ci sinifə getmiş və 1984-cü ildə həmin məktəbi bitirmişdir. Uşaq yaşlarından futbola böyük marağı olub. Ağdamın "Şəfəq" futbol komandasından təkliflər alsada müəyyən ailə çətinliklərinə görə həmin komandada oynamaqdan imtina etmişdir.
1981–1987-ci illərdə Polşada hərbi xidmətdə olduğu zaman idmanın bu növü ilə məşğul olmuşdur. Həmin vaxt bir neçə klubun heyətində Polşanın 2-ci futbol liqasında oynamışdır. Futbol karyerası dövründə daha çox həvəskar klublarda çıxış etmişdir. Qarabağın ermənilər tərəfindən işğalından sonra Qaradağ rayonunda məskunlaşıb. Ümid qəsəbəsində yerləşən məcburi köçkün uşaqlarından təşkil olunmuş "Laçın" komandasında 1997-ci ildən baş məşqçi işləyir. Komandada əsas heyət 1995–1997 ci il təvəllüdlü uşaqlardan təşkil olunub. Ümid qəsəbəsində və digər qəsəbələrdə məskunlaşan köçkün uşaqları komandaya cəlb edib və klubda 35-ə yaxın uşaq futbolun sirrlərini öyrənir.
2010-cu ildə Bakı Şəhər Gənclər və İdman Baş İdarəsi tərəfindən ən yaxşı uşaq məşqçisi adına layiq görülmüşdür. Abuzər Nadirovun yetişdirdiyi futbolçulardan biri Azərbaycanın uşaq yığma komandasında oynayır. 2010-cu ilin avqust ayında almanların məşqçilər üçün keçirdiyi kurslarda iştirak edən Abuzər Nadirov sonda UEFA-nın C kateqoriyalı məşqçi adını qazanıbdır.
Turnirlərdəki uğurlar redaktə
Abuzər Nadirovun baş məşqçiliyi ilə komanda yarandığı gündən naliyyətlər əldə edib. 1998-ci ildə Bakı Şəhər Gənclər və İdman Baş İdarəsinin təşkil etdiyi məhəllələrarası turnirdə 1-ci yerin qalibi olub. Bundan başqa "Olimpiya dünyası" qəzeti və "OlimpSport" jurnalının təşkilatçılığı ilə 28 may Respublika Gününə həsr olunmuş turnirin qalibi olublar.
2009-cu ildə AFFA tərəfindən təşkil edilən U-13 liqasında iştirak edirlər. Həmin turnirdə 2009–2010-cu illər mövsümündə Bakı zonasında 19 komanda arasında 10-cu yerə çıxıbdırlar.
2010-cu ildə Azərbaycanın Milli Qəhrəmanı Mübariz İbrahimovun xatirəsinə həsr olunmuş turnir keçirilib. 8 komandanın mübarizə apardığı turnirdə Abuzər Nadirovun rəhbərlik etdiyi "Laçın" futbol komandası turnirin qalibi adını qazanıbdır.
Mənbə redaktə
- "Olimpiya dünyası" qəzeti,3–6 sentyabr 2010, № 61, səhifə 6.