Akif Əliyev (geoloq)

professor
(Akif Əliyev (professor) səhifəsindən istiqamətləndirilmişdir)

Əliyev Akif İsmayıl oğlu (4 fevral 1934, Gəncə2 sentyabr 2017, Bakı) — Azәrbaycan geoloqu, geologiya-minerologiya elmləri doktoru (1991), professor (1996), Azərbaycan Dövlət Mükafatı laureatı (1988).

Akif Əliyev
Doğum tarixi 4 fevral 1934(1934-02-04)
Doğum yeri
Vəfat tarixi 2 sentyabr 2017(2017-09-02) (83 yaşında)
Vəfat yeri
Elm sahələri geologiya
Elmi dərəcəsi
Elmi adı
İş yerləri
Təhsili
Mükafatları Azərbaycan SSR Dövlət mükafatı

Həyatı redaktə

Akif Əliyev 4 fevral 1934-cü ildə Gәncә şəhərində doğulub. 1956-cı ildə Azәrbaycan Sәnaye İnstitutunun geoloji kәşfiyyat fakültәsini bitirmişdir. 1959-cu ilәdәk neft mәdәnlәrindә çalışmışdır.

Elmi fəaliyyəti redaktə

1962–1966-cı illərdə Azәrbaycan SSR EA Geologiya İnstitutunda (indiki Geologiya vә Geofizika İnstitutu) kiçik elmi işçi, 1966–1979-cu illərdə Ümumittifaq Elmi Tәdqiqat vә Layihә Qaz İnstitutunda laboratoriya rәhbәri, 1979–1988-ci illərdə "Dövlәtdәnizneftqazlayihә" İnstitutunda baş geoloq, elmi işlәr üzrә direktor müavini, 1988–1991-ci illərdə Hindistanda Sovet İttifaqı ekspertlәr qrupunun baş mühәndisi vәzifәlәrindә çalışmışdır.[1]

1992-ci ildәn ARDNŞ-dә şöbә müdiri, xarici iqtisadi әlaqәlәr üzrә rәis müavini işlәmiş, eyni zamanda AMEA Geologiya vә Geofizika İnstitutunda aparıcı elmi işçi kimi fәaliyyәt göstәrmişdir.

Akif Əliyev 200-dәn çox elmi әsәrin, o cümlәdәn bir neçә monoqrafiya vә kitabın, 10 ixtiranın müәllifidir.

SSRİ-nin vә Azәrbaycanın neftqazlılıq vә tektonikasına dair dәrc edilmiş silsilә xәritәlәrin vә atlasların hәmmüәllifidir.

İstinadlar redaktə

  1. "ƏLİYEV Akif İsmayıl oğlu". 2022-02-28 tarixində arxivləşdirilib. İstifadə tarixi: 2022-02-28.