Alamo döyüşü
Alamo döyüşü (ing. Battle of the Alamo; isp. Batalla de El Álamo) — 1836-cı ilin 23 fevral - 6 mart tarixləri ərzində Texas Respublikası ilə Meksika arasında baş vermiş müharibə. Alamo müharibəsi Texas İstiqlal müharibəsinin önəmli döyüşlərindən biri hesab olunur. 13 gün davam edən döyüşlər Meksika ordusunun qələbəsi ilə başa çatmışdır. Meksikanın səkkizinci prezidenti Antonio Lopez de Santa Anna komandanlığındakı Meksika ordusu 13 günlük mühasirədən sonra San Antonio de Bokser (indiki San-Antonio) yaxınlığında yerləşən Alamo qalasına qarşı hücuma keçmişdir.
| Alamo müharibəsi | |||
|---|---|---|---|
| Texas İstiqlal müharibəsi | |||
 Alamo qalası (1854) | |||
| Tarix | 23 fevral - 6 mart, 1836 | ||
| Yeri | San-Antonio yaxınlığı | ||
| Səbəbi | Texasın Meksikadan ayrılma tələbi | ||
| Nəticəsi | Meksika ordusunun zəfəri | ||
| Münaqişə tərəfləri | |||
|
|
|||
| Komandan(lar) | |||
|
|||
| Tərəflərin qüvvəsi | |||
|
|||
| İtkilər | |||
|
|||
|
|
|||
 Vikianbarda əlaqəli mediafayllar | |||
.svg){kind=small}
Hücum zamanı iki nəfərdən başqa, qalada müdafiə olunan bütün texaslılar qətlə yetirildi. İstiqlaliyyət tərəfdarlarının xüsusi amansızlıq ilə öldürülməsi bir çox texaslının Meksikaya qarşı hərəkata qoşulmağa vadar etdi. Bir ay sonra baş vermiş San-Xasinto müharibəsi ilə Meksika ordusu məğlub edildi və bununlada Texasın Meksikadan olan asıllığına son qoyuldu.
Texaslılar Meksika ordusundan müdafiə olunmaq üçün könüllü birliklərindən təşkil olunmuş Alamo qarnizonunu yaratdılar. Təqribən 100 nəfərdən ibarət olan qarnizon ətraf ərazilərdə yaşayan könüllülərində gəlməsi ilə genişləndi. Qarnizona Vilyam Travis və Ceyms Bovi rəhbərlik edirdi. 23 fevral tarixində 1.500 dən çox Meksikalı əsgər Texasın geri qazanılması üçün başlatdıqları hərəkatda ilk addım kimi San Antonio de Bokserə doğru hərəkət etdilər.
12 gün ərzində kiçik toqquşmalara girən hər iki ordu az sayıda itki verdi. Alamo qarnizonunu 1.500 əsgəri olan Meksika ordusuna qarşı çox müqavimət göstərə bilməyəcəyini anlayan Vilyam Travis göndərdiyi məktublarda təcili köməyin göndərilməsini tələb edirdi. Travisin məktublarına cavab olaraq, mərkəz sadəcə 100 civarınada əsgər göndərməklə kifayətlənmişdir.
Meksika ordusu 6 mart tarixində səhər saatlarında Alamo qalasına doğru irəliləməyə başladı. 6 mart tarixində Alamo qarnizonunda müdafiə olunan qüvvələrin sayı 100 texaslıdan ibarət idi. İlk iki hücumu dəf edən, texaslılar üçüncü hücum zamanı müqaviməti qıra bilmədilər və beləliklə Meksikalı əsgərlər Alamo qalasına daxil oldu. Meksikalıların qalaya daxil olduğunu görən texaslılar qalanın daxilində yerləşən evlərə doğru geri çəkildi.
Bir necə saat davam edən döyüş nəticəsində qalada olan istiqlaliyyət tərəfdarlarından əksəriyyəti xüsusi amansızlıqla öldürüldü. Bir necə nəfər təslim olsa da, sonradan edam edildilər. Hadisə şahidlərinin ifadələrinə görə Alamo qalasında və ətraf ərazilərində ümumilikdə 182-257 aralığında texaslı qətlə yetirilmişdir. Qarnizon rəhbərləri Vilyam Travis və Ceyms Bovidə 6 mart tarixində öldürülmüşdür. Alamo müharibəsində əldə olunan məğlubiyyət texaslıların müqavimət əzmini qırmadı, bir ay sonra 21 aprel tarixində tərəflər arasınada baş vermiş San-Xasinto müharibəsində Meksika ordusu məğlub edildi və beləliklə Texas İstiqlal müharibəsi Texas Respublikasının Meksikadan ayrılması ilə sona çatdı.