“The Twilight Saga: Eclipse (Original Motion Picture Soundtrack)”Alatoran. Saqa: Tutulma filminin film musiqisi albomudur. Bu, filmlər seriyasının üçüncü musiqi albomu olmaqla 8 iyun2010-cu ildə çıxarılmışdır. Bu dəfə də əvvəlki iki filmdə olduğu kimi film musiqisi Aleksandra Patsavasın prodüserliyi ilə hazırlanmışdır. Alboma daxil olacaq musiqilərin siyahısı 12 may 2010-cu ildə xüsusi MySpace açıqlaması ilə elan edilmişdir. 146.000 nüsxə ilə satılan albom “Billboard 200” hit-paradında ikinci yerdə debüt etmişdir.[1]
The Twilight Saga: Eclipse (Original Motion Picture Soundtrack)
Kompozisiyaların siyahısı albomun MySpace səhifəsində xüsusi bütün gün tədbiri zamanı açıqlanmışdı. Filmdə istifadə olunmuş mahnılardan, sırf film üçün yazılmış musiqilərə kimi, hər şeydə əvvəlki iki filmdə istifadə edilmiş təcrübəyə əsaslanılmışdır. Sia, The Black Keys və Si Lo Qrin kimi musiqiçilərlə yanaşı, əvvəlki iki filmdə olduğu kimi bu filmdə də Muse qrupunun mahnılarından istifadə olunmuşdur. Tutulma filminin musiqisi Oskar mükafatı laureatı olan bəstəkar Hovard Şor tərəfindən yazılmışdır.
“Metacritic”in məlumatına görə ortalama 76 bal alan alboma “əsasən müsbət rəylər verilmişdir.”[9] Ortalama 70 bal alan “Yeni Ay” film musiqisi albomundan fərqli olaraq, “Tutulma” albomu daha yaxşı qəbul edilmişdir, lakin, “Entertainment Weekly” “Yeni Ay” albomuna A, “Tutulma” albomuna isə B+ dərəcəsi vermişdir. Allmusic “Tutulma” albomuna 5 ulduzdan 4 ulduzla qiymət verərək, 5 ulduzdan 2 ulduz almış “Yeni Ay” albomundan daha yaxşı dəyərləndirmişdir.
Albom 146.000 nüsxə ilə satılaraq “Billboard 200” hit-paradında “Glee: The Music, Journey to Regionals” albomundan sonra ikinci yerdə debüt etmiş və həmin hit-paradda birinci yerdə debüt etməyən ikinci Alatoran albomu olmuşdur.[1] Həmçinin, “Tutulma” birinci yerə yüksəlməyən ilk Alatoran albomudur. Almaniyada albom dördüncü yerə kimi yüksəlmişdir. Meksikada beynəlxalq hit-paradda dördüncü, ümumi hit-paradda isə yeddinci yerə kimi yüksəlmişdir.[10] 2010-cu ilin dekabrına kimi albom ABŞ-da 517.000, bütün dünyada isə milyondan çox nüsxə ilə satılmışdır.
Alatoran filmi üçün musiqi yazmış Karter Burvel və Yeni Ay filmi üçün musiqi yazmış Aleksandr Desplatdan sonra “Tutulma” filminin orijinal musiqisini Hovard Şor yazmışdır.[19] Alboma daxil edilmiş "Eclipse (All Yours)" musiqisi "Wedding Plans” musiqisinə replikadır.[20] Alatoran seriyasından olan əvvəlki original film musiqisi albomlarından fərqli olaraq (Alatoran albomu #65, Yeni Ay isə #80 yer nəticəsi göstərmişdi) Tutulma albomu “Billboard 200” hit-paradında #20 yerə kimi yüksəlmişdi.[21]
[5]
