Almaz Ələsgərova
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Almaz Ələsgərova (6 oktyabr 1966, Bakı) — Azərbaycan müğənnisi və aktrisası, Azərbaycan Respublikasının əməkdar artisti (2007). Azərbaycan Dövlət Akademik Musiqili Teatrının aktrisası.
| Almaz Ələsgərova | |
|---|---|
| Almaz Ramiz qızı Ələsgərova | |
 | |
| Ümumi məlumatlar | |
| Doğum tarixi | |
| Doğum yeri | Bakıxanov, Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Musiqiçi məlumatları | |
| Fəaliyyəti | müğənni |
| Təhsili | Azərbaycan Dövlət Mədəniyyət və İncəsənət Universiteti |
| Mükafatları |
 |
Həyatı
redaktəAlmaz Ələsgərova 1985–1990-cı illərdə Azərbaycan Dövlət İncəsənət İnstitutunun "Musiqili komediya aktyoru" fakültəsində təhsil almışdır. Sonralar o, R.Behbudov adına Mahnı Teatrında və Azərbaycan Dövlət Musiqili Komediya Teatrında çalışmışdır və 2016-cı ildə yenidən Azərbaycan Dövlət Musiqili Teatra qayıdıb. Karyerası boyunca oxuduğu populyar mahnılar arasında Alim Qasımov ilə duet "Səni axtara-axtara", "Qadasın alım", "Uçan quş", "Necə unudum səni", "Gözəlim", "İlk məhəbbətim", "Bu sevgi" (İlqar Muradov ilə duet), "Sevgilim" (Heydər Anatollu ilə duet), "Novruzum", "Yazığım gəlir sənə" və başqaları. Hal-hazırda müğənnilik fəaliyyəti ilə yanaşı aktyorluq ilə də məşğuldur.
2016-cı ildən Azərbaycan Dövlət Musiqili Teatrında çalışır.
Teatr səhnəsində ifa etdiyi rollar:
- Şəfiqə-"Baladadaşın toy hamamı"(Elçin)
- Tünzalə-"Amerikalı kürəkən" (Ramiz Mirişli,Marat Haqverdiyev)
- Cahan xala- "Arşın Mal Alan" (Üzeyir Hacıbəyov)
Fəxri adları, mükafatlar, nailiyyətlər
redaktə- 1985-ci ildə A.Ələsgərova "Bakı payızı-85" estrada artistləri müsabiqəsinin diplomantı adına layiq görülmüş, 1988-ci ildə "Bakı payızı-88" estrada artistləri müsabiqəsinin laureatı olmuşdur.
- 1999-cu ildə o, Qırğızıstanın Oş şəhərində keçirilən "Oştun azem tündörü" festivalının qalibi olmuşdur.
- 2000-ci ildə Azərbaycan musiqi mədəniyyətinin inkişafındakı xidmətlərinə görə "Yaxşıların yaxşısı-2000" müstəqil musiqi mükafatı olan "İlin ən yaxşı qadın müğənnisi" adına layiq görülmüşdür. 2007-ci ildə Azərbaycan Respublikasının Əməkdar Artisti adını almışdır.
Albomları
redaktə| Tarix | Ad |
|---|---|
| 2001 | İlk Məhəbbət |
| 2006 | Taleyin Qisməti |
Klipləri
redaktə| Say | Ad | Tarix |
|---|---|---|
| 01 | Səni Axtara-Axtara ft. Alim Qasımov | 1987 |
| 02 | Sən Demə, Təzədən Sevmək Olarmış | |
| 03 | Унесенные Ветром | |
| 04 | Yazığım Gəlir Sənə | 2000 |
| 05 | Sənsiz Də Xoşbəxtəm | 2001 |
| 06 | Sənsizəm | 2002 |
| 07 | Gecikmiş Məhəbbət | 2005 |
| 08 | Qal Mənimlə | 2006 |
| 09 | Əhsən | 2007 |
| 10 | Məleykə Salam feat. Anar Nağılbaz | 2007 |
| 11 | Gedirəm | 2011 |
| 12 | Bulud Yağmura Aşiq | 2013 |
| 13 | Ulu Öndər | 2014 |
| 14 | Mən Sənsiz | 2016 |