Aminata Savadoqo
Aminata Savadoqo (latış. Aminata Savadogo; d. 9 yanvar 1993, Riqa, Latviya) və ya sadəcə Aminata — Latviya müğənnisi, bəstəkarı, prodüseri və modeli. O, Latviyanı Avstriyanın paytaxtı Vyanada keçirilən 2015 Avroviziya Mahnı Müsabiqəsində təmsil etmiş və ölkəsinə final mərhələsində 6-cı yeri qazandırmışdır.
| Aminata Savadoqo | |
|---|---|
| latış. Aminata Savadogo | |
 Aminata Avroviziya 2015-in açılış mərasimində | |
| Ümumi məlumatlar | |
| Doğum adı |
Aminata Savadoqo latış. Aminata Savadogo |
| Doğum tarixi | |
| Doğum yeri | Riqa, Latviya |
| Vətəndaşlığı |
 Latviya |
| Milliyyəti |
 Burkina-Faso Latviya Rusiya |
| Musiqiçi məlumatları | |
| Fəaliyyəti | müğənni, bəstəkar, model, prodüser |
| Fəaliyyət illəri | 2008–h.h. |
| Janr | |
| Musiqi aləti | fleyta |
| Əlaqəsi | Yusts Sirmays |
| Təhsili | |
 Vikianbarda əlaqəli mediafayllar | |
Həyatı
redaktəAminata Savadoqo 9 yanvar 1993-cü ildə Latviyanın paytaxtı Riqa şəhərində anadan olmuşdur. Onun anası yarı latış, yarı rus, atası isə Burkina-Fasoludur. Aminata 13 yaşında oxumağa başlamışdır. O, Latviyada Bolderaja musiqi və incəsənət məktəbini bitirmişdir. Aminata erkən yaşlarında fleytada ifa etməyi də öyrənmişdir. 15 yaşında ikən gənc ifaçı Latviyanın Krodziņā pie Paula televiziya şousunda iştirak etmişdir. Aminata 17 yaşında Muzikālā banka və Koru kari 3 musiqi yarışmalarında iştirak etmişdir[1].
Musiqi karyerası
redaktə
Aminata ilk dəfə Latviyanın Avroviziya Mahnı Müsabiqəsində iştirak üçün keçirdiyi milli seçim turu olan Dziesma 2014-dəki iştirakına görə tanınmağa başlamışdı. Müğənni müsabiqədə ifa etdiyi "I Can Breathe" mahnısı ilə 5-ci yerdə qərarlaşaraq, Avroviziyada iştirak etmək hüququnu qazana bilməmişdi. Daha sonra Aminata Latviyanın Jaunā talantu fabrika musiqi yarışmasında iştirak edərək, qələbə qazanmışdır.
2015-ci ildə Aminata yenidən Latviyanın Avroviziya Mahnı Müsabiqəsində iştirak üçün keçirdiyi milli seçim turuna qatıldı. Yarışmada özünün bəstələdiyi "Love Injected" mahnısı ilə çıxış edən Aminata ən çox səs toplayan iştirakçı olaraq, qalib elan edildi və ölkəsini Avstriyanın paytaxtı Vyanada keçirilən 2015 Avroviziya Mahnı Müsabiqəsində təmsil etmək hüququ qazandı[2]. Aminatanın Avroviziyada iştirakdan öncə "Inner Voice" adlı debüt albumu dinləyicilərə təqdim olundu.
Aminata "Love Injected" mahnısı ilə Vyanada keçirilən Avroviziyanın yarımfinal mərhələsində 155 xalla ikinci yerdə qərarlaşaraq, müsabiqənin finalına vəsiqə qazanmış oldu. 22 fevralda baş tutan final şousunda Aminata 19-cu nömrə altında çıxış etdi və gecənin sonunda ölkəsinə finalda iştirak edən 27 ölkə arasında cəmi 186 xalla 6-cı yeri qazandırdı. Bu nəticə ilə müğənni Latviyaya Avroviziyada 2005-ci ildən bəri əldə etdiyi ən yaxşı nəticəni qazandırmış oldu[3]. Aminata eyni zamanda Latviyanı 2016 Avroviziya Mahnı Müsabiqəsində təmsil edən Yusts Sirmaysin ifa etdiyi "Heartbeat" mahnısını bəstələmişdir.
2016-cı ilin oktyabr ayında Aminata ikinci studio albomu olan "Red Moon"-u təqdim etdi. Həmin ildə Aminata eyni zamanda Rusiyanın "Golos" səs yarışmasında, Polina Qaqarinanın komandasında iştirak etmişdir.
İstinadlar
redaktə- ↑ "Latvia: Aminata Savadogo: "I was afraid to show my songs before, but now it seems nice!" [Interview]". Escxtra.com. 4 fevral 2014. 2015-05-02 tarixində arxivləşdirilib. İstifadə tarixi: 2017-11-10.
- ↑ "Aminata to represent Latvia in Vienna". Eurovision.tv. 22 fevral 2015. 2015-02-23 tarixində arxivləşdirilib. İstifadə tarixi: 2017-11-10.
- ↑ "Eurovision Song Contest 2015 - Semi-final 2 Scoreboard". eurovision.tv. AYİ. 24 may 2015. 10 May 2015 tarixində arxivləşdirilib. İstifadə tarixi: 10 November 2017.
| Əvvəlki: Aarzemnieki "Cake to Bake" |
Latviya Avroviziya Mahnı Müsabiqəsində  2015 |
Sonrakı: Yusts Sirmays "Heartbeat" |