Ana Vətən Partiyası (Azərbaycan)

siyasi partiya
(Ana Vətən Partiyası səhifəsindən istiqamətləndirilmişdir)

Ana Vətən Partiyası və ya qısaca AVPFəzail Ağamalı tərəfindən 24 noyabr 1990-cı ildə qurulan və 1992-ci il avqustun 11-də dövlət qeydiyyatına alınan siyasi partiya. Ana Vətən Partiyası 1995-ci ildən Milli Məclisdə təmsil olunur. AVP-yə 1990-cı ildən Fəzail Ağamalı rəhbərlik edir.

Ana Vətən Partiyası
Emblem of Azerbaijani Motherland Party.svg
Qurucu Fəzail Ağamalı
Sədri Fəzail Ağamalı
Sədr müavinləri Arzuman Abdulkərimov
Elçin Ağamalı
Yalçın Hacızadə
Quruluş tarixi 1990
Qeydiyyat tarixi 11 avqust 1992
Baş qərargah Ə. Əliyev кüç. 3, Nərimanov rayonu
İdeologiya Azərbaycan milliyətçiliyi
Üzv sayı 20000 nəfər [1]
Kabinetdə
0 / 35
Parlamentdə
1 / 125
Bələdiyyədə
187 / 15.156
Saytı Ana Vətən Partiyasının rəsmi saytı

TarixiRedaktə

Quruluş dövrüRedaktə

1988-1990-cı illərdə Azərbaycan Xalq Cəbhəsinin Məclis üzvü olan Fəzail Ağamalı, 1990-cı ilin 20 yanvar hadisələrindən sonra AXC rəhbərliyi ilə arasında yaranan düşüncə ayrılığına görə AXC-dən istefa verdi və tərəfdarları ilə birgə 1990-cı ilin nоyabr аyının 24-də Ana Vətən Partiyasının təsis qurultаyını keçirdərək sədr seçildi. Ana Vətən Partiyası (AVP) 1992-ci il avqustun 11-də Ədliyyə Nazirliyində dövlət qeydiyyatına alındı.

1995-ci il iyunun 3-də Ana Vətən Partiyasının II Qurultayı baş tutdu. Qurultayda Fəzail Ağamalı, növbəti dəfə AVP sədri seçildi.

Parlament seçkiləriRedaktə

Ana Vətən Partiyası 1995-ci il noyabrın 12-də baş tutan Parlament seçimlərində mübarizə apardı. Rəsmi nəticələrə əsasən Ana Vətən Partiyası Milli Məclisdə təmsil olunmaq hüququ qazana bilmədi. 1996-cı il fevralın 4-də isə əlavə seçimlər baş tutdu və rəsmi nəticələrə əsasən 39 saylı Sumqayıt II dairəsində namizədliyini irəli sürən Ana Vətən Partiyası sədri Fəzail Ağamalı qalib gəldi və Milli Məclisin deputatı oldu.

1997-ci il mayın 28-də Ana Vətən Partiyasının III Qurultayı baş tutdu. Qurultayda Fəzail Ağamalı, 6 il müddətinə AVP sədri seçildi.

Daha sonra Ana Vətən Partiyası 2000-ci il noyabrın 5-də baş tutan Parlament seçimlərində mübarizə apardı. Rəsmi nəticələrə əsasən 30 saylı Yevlax dairəsində namizədliyini irəli sürən Ana Vətən Partiyası sədri Fəzail Ağamalı qalib gəldi və növbəti dəfə Milli Məclisin deputatı oldu. 2001-ci il yanvarın 7-də baş tutan əlavə seçimlərdə isə 56 saylı Bərdə dairəsindən namizədliyi irəli sürən AVP sədrinin siyasi məsələlər üzrə müavini Zahid Oruc qalib gəldi və Milli Məclisin deputatı oldu. Bununla da Ana Vətən Partiyası II çağırış Milli Məclisdə 2 nəfərdə təmsil olunurdu.

2003-cü il iyunun 11-də Ana Vətən Partiyasının IV Qurultayı baş tutdu. Qurultayda Fəzail Ağamalı, 6 il müddətinə AVP sədri seçildi.

Ana Vətən Partiyası 2005-ci il noyabrın 6-da baş tutan Parlament seçimlərində mübarizə apardı. Rəsmi nəticələrə əsasən 60 saylı Neftçala-Salyan dairəsində namizədliyini irəli sürən Ana Vətən Partiyası sədri Fəzail Ağamalı qalib gəldi və üçüncü dəfə Milli Məclisin deputatı oldu. 93 saylı Bərdə şəhər dairəsindən namizədliyi irəli sürən AVP sədrinin siyasi məsələlər üzrə müavini Zahid Orucda qalib gəldi və növbəti dəfə Milli Məclisin deputatı oldu. Bununla da Ana Vətən Partiyası III çağırış Milli Məclisdə 2 nəfərdə təmsil olundu.

2009-cu il iyunun 17-də Ana Vətən Partiyasının V Qurultayı baş tutdu. Qurultayda Fəzail Ağamalı, 4 il müddətinə AVP sədri seçildi.

Ana Vətən Partiyası 2010-cu il noyabrın 7-də baş tutan Parlament seçimlərində mübarizə apardı. Rəsmi nəticələrə əsasən 60 saylı Neftçala-Salyan dairəsində namizədliyini irəli sürən Ana Vətən Partiyası sədri Fəzail Ağamalı və 93 saylı Bərdə şəhər dairəsindən namizədliyi irəli sürən AVP sədrinin siyasi məsələlər üzrə müavini Zahid Oruc qalib gəldilər və Milli Məclisin deputatı oldular. Ümumi olaraq Ana Vətən Partiyası 33 275 səslə dördüncü pillədə qərarlaşdı.

2013-cü il avqustun 4-də Ana Vətən Partiyasının VI Qurultayı baş tutdu. Qurultayda Fəzail Ağamalı, 4 il müddətinə AVP sədri seçildi.

Prezident seçkiləriRedaktə

Ana Vətən Partiyası 2013-cü ildə baş tutan Prezident seçimlərində mübarizə aparmayacağını və Yeni Azərbaycan Partiyasının namizədi İlham Əliyevin yanında olacağını bildirdi. Amma AVP sədrinin siyasi məsələlər üzrə müavini, Milli Məclisin üzvü Zahid Oruc Prezident seçimlərində namizəd olmaq üçün MSK-ya müraciət etdi. Onun bu addımı Ana Vətən Partiyasının nizamnaməsinə zidd olduğu üçün AVP sədrinin müavini vəzifəsindən azad edildi və ümumiyyətlə partiya sıralarından xaric edildi.

AVP rəhbərliyiRedaktə

 
AVP qurucusu Fəzail Ağamalı

Ana Vətən Partiyasının (AVP) 6 nəfərdən ibarət olan Siyasi Şurası, 14 nəfərdən ibarət olan isə Ali Məclisi mövcuddur. Ana Vətən Partiyasının həmçinin Gənclər Komitəsi və Qadınlar Şurası, habelə 55 rayonda və 4 şəhərdə Rayon Şöbələri mövcuddur.

Sıra
Vəzifə
Vəzifəli
1.
Siyasi Şura üzvü — AVP sədri Fəzail Ağamalı
2.
Siyasi Şura üzvü — AVP sədrinin müavini Arzuman Abdulkərimov
3.
Siyasi Şura üzvü — AVP sədrinin müavini Elçin Ağamalı
4.
Siyasi Şura üzvü Rəşadət Yaqublu
5.
Siyasi Şura üzvü Şahbəndər İsmayılov
6.
Siyasi Şura üzvü Vüsalə Məmmədova
7.
AVP sədrinin müavini Yalçın Hacızadə
8.
AVP sədrinin müşaviri Günay Ağamalı

NəticələriRedaktə

ParlamentRedaktə

İl Sədr Nəticələri Mövqe
Səs % Yer
1995
Fəzail Ağamalı
?
? %
1 / 125
Müxalifət
2000
Fəzail Ağamalı
?
? %
2 / 125
Müxalifət
2005
Fəzail Ağamalı
?
? %
2 / 125
Müxalifət
2010
Fəzail Ağamalı
33 275
1.40 %
2 / 125
Müxalifət
2015
Fəzail Ağamalı
28 484
1.00 %
1 / 125
Müxalifət
2020
Fəzail Ağamalı
12 588
? %
1 / 125
Müxalifət

Qərargahı və rayon təşkilatlarıRedaktə

Ana Vətən Partiyasının qərargahı Nərimanov rayonunda Əliyar Əliyev küçəsi 3 ünvanında yerləşir. Partiyanın 62 rayon təşkilatı mövcuddur.

İstinadlarRedaktə

  1. "Siyasi partiyaların neçə üzvü var?-Sorğu".