Anar Əlizadə (alim)
Anar Əlizadə (23 sentyabr 1951, Bakı - 2012) ― mexanika sahәsindә Azәrbaycan alimi, riyaziyyat üzrə elmlər doktoru (1986), professor (1990), AMEA-nın müxbir üzvü (2007).[1]
| Anar Əlizadə | |
|---|---|
| Anar Nadir oğlu Əlizadə | |
| Doğum tarixi | |
| Doğum yeri | Bakı şəhəri |
| Vəfat tarixi | |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Atası | Nadir Əlizadə |
| Elmi dərəcəsi | riyaziyyat elmləri doktoru (1986) |
| Elmi adı | professor (1990) |
| Təhsili | M.V.Lomonosov adına Moskva Dövlət Universiteti |
| Tanınır | alim |
| Üzvlüyü | AMEA |
Həyatı redaktə
Anar Əlizadə 23 sentyabr 1951-ci ildə Bakı şəhərində anadan olub. 1974-cü ildə M.V. Lomonosov adına Moskva Dövlət Universitetini bitirib.[1]
Əmək fəaliyyəti redaktə
Anar Əlizadə 1974-1978-ci ildə qazın emalı və nəqli üzrə Ümumittifaq Elmi Tədqiqat və Layihə İnstitutunda mühəndis kimi çalışıb, 1978-1990-cı illərdə isə AEA RMİ XKB-da baş konstruktor vəzifələrini icra edib.[1]
Pedaqoji fəaliyyəti redaktə
Anar Əlizadə 1990-2000-ci illərdə Bakı Dövlət Universitetinin Nəzəri mexanika və bütöv mühit mexanikası kafedrasında professor, Azərbaycan Texniki Universitetində Riyaziyyat kafedrasının müdiri, 2000-2010-cu illərdə Elm və Texnika üzrə prorektor, Azərbaycan Dövlət Dəniz Akademiyasının Elm və Beynəlxalq əlaqələr üzrə prorektoru və 2010-2012-ci illərdə Dəqiq elmlər kafedrasının müdiri vəzifələrində çalışıb.[1]
Akademik fəaliyyəti redaktə
Anar Əlizadə 1978-ci ildə riyaziyyat üzrə fəlsəfə doktoru, 1986-cı ildə riyaziyyat üzrə elmlər doktoru elmi dərəcələrini, 1990-cı ildə professor adını alıb. 2007-ci ildə AMEA-nın müxbir üzvü seçilib.[1]
Anar Əlizadənin elmi fəaliyyəti əsasən deformasiya olunan bərk cisim mexanikası sahəsində nəzəri tədqiqatlara və nəticələrin müxtəlif mühəndis məsələlərinə tətbiqinə həsr olunub. O, "Mexanika və Maşınqayırma" beynəlxalq jurnalının redaktoru olub. Alim 3 monoqrafiya, 6 kitab, 100-dən çox elmi işin, o cümlədən maşınqayırma sahəsində 3 patentin müəllifidir.[1]
Üzv olduğu cəmiyyətlər redaktə
- Beynəlxalq Ekoenergetika Akademiyasının həqiqi üzvü;
- Beynəlxalq Mühəndislik Akademiyasının həqiqi üzvü;
- Azərbaycan Mühəndislik Akademiyasının həqiqi üzvü;
- Tətbiqi Riyaziyyat və Mexanika üzrə Alman Cəmiyyətinin (GAMM) üzvü;
- Azərbaycan Milli Komitəsinin üzvü (qrunt mexanikası və özüllərin tikintisi üzrə);[1]
İstinadlar redaktə
- ↑ 1 2 3 4 5 6 7 "Əlizadə Anar Nadir oğlu" (Azərbaycan). science.gov.az. (#archive_missing_date) tarixində arxivləşdirilib.