Anar Vidadi oğlu Qarazadə (d. 1996; Biləsuvar, Azərbaycan - ö. 4 avqust 2014; Azərbaycan) — Azərbaycan Silahlı Qüvvələrinin əsgəri. 2014-cü ilin 1-3 avqust tarixləri arasında Azərbaycan-Ermənistan təmas xəttində baş verən döyüşlər zamanı yaralansada, bir gün sonra şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.

Anar Qarazadə
Anar Vidadi oğlu Qarazadə
Şəxsi məlumatlar
Doğum tarixi 1996(1996)
Doğum yeri Biləsuvar, Azərbaycan
Vəfat tarixi 4 avqust 2014(2014-08-04)
Vəfat yeri Azərbaycan
Dəfn yeri
Vətəndaşlığı Azərbaycan Azərbaycan
Təltifləri "Hərbi xidmətdə fərqlənməyə görə" III dərəcəli medalı

HəyatıRedaktə

Anar Qarazadə 1996-cı ildə Biləsuvar rayonunun Nərimankənd kəndində anadan olub.

Hərbi xidmətiRedaktə

Əsgər Anar Qarazadə 2014-cü ilin 1-3 avqust tarixləri arasında Azərbaycan-Ermənistan təmas xəttində baş verən döyüşlər zamanı ağır yaralandı və avqustun 4-ü Silahlı Qüvvələrin Baş Klinik Hospitalında şəhid olub. Elə avqustun 4-ü isə Anar Qarazadə doğulduğu Biləsuvar rayonunun Nərimankənd kəndində son mənzilə yola salındı. Dəfn mərasiminə minlərlə rayon sakini ilə yanaşı, şəhidin qulluq etdiyi hərbi hissənin əsgərləri və zabitləri də qatıldı. Dəfn mərasiminin sonunda yaylım atəşi açıldı və əsgər Qarazadə uğrunda şəhid olduğu torpağa tapşırıldı.

Anar Qarazadə ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edildi.

Həmçinin baxRedaktə

İstinadlarRedaktə