Anar Turan
Anar Turan (tam adı:Anar Əliheybət oğlu Əliyev; 13 oktyabr 1984, Bakı, Azərbaycan) — Azərbaycan jurnalisti, Newsmedia.az, 1875.az xəbər portallarının təsisçisi və baş redaktoru, “Milli Fikir və İnkişaf” İctimai Birliyinin sədri, Xalq TV-nin aparıcısı, “Azəriqaz İstehsalat” Birliyi İctimai Şuranın üzvü, “Oğuz” Müstəqil Araşdırmaçılar Qrupunun həmtəsisçisi. Həsən bəy Zərdabi Mükafatı laureatı.[2]
| Anar Turan | |
|---|---|
| Anar Əliheybət oğlu Əliyev | |
| Ləqəbi | Anar Turan |
| Doğum tarixi | |
| Doğum yeri | Bakı, Azərbaycan |
| Vətəndaşlığı |
 SSRİ↔ Azərbaycan |
| Milliyyəti | azərbaycanlı |
| İxtisası | filoloq |
| Təhsili | Bakı Slavyan Universiteti |
| Fəaliyyəti | jurnalist |
| Mükafatları | “Həsən bəy Zərdabi”[1] |
Həyat və fəaliyyəti
redaktəAnar Əliyev 1984-cü ilin 13 oktyabrında Bakı şəhərində doğulub. 2005-ci ildə Bakı Slavyan Universitetinin filologiya fakültəsini bitirib. 2008-ci ildə Azərbaycan Dövlət Pedaqoji Universitetinin pedaqogika fakültəsində magistr pilləsini bitirib. 2005-ci ildə Prezident Yanında Dövlət İdarəçilik Akademiyasında “Dövlət və gənclər siyasəti” ixtisasartırma kursunu bitirmişdir. Anar Turan 2003—2008-ci illərdə “Respublika gəncləri” qəzetində müxbir, xüsusi müxbir, sosial-həyat şöbəsinin müdiri, “Gənclik news” gənclər və idman jurnalında baş redaktorun müavini işləmişdir. 2008-2010-cu ildə “Haqqın nuru” qəzetində işləmişdir. 2011-ci ilə 105-fm-də “Gizli tarixin pıçıltıları” verilişinin müəllifi və aparıcısı olmuşdur. 2012-ci ildən Prezident Administrasiyasının mətbu orqanı olan “Xalq qəzeti”ndə çalışır. Xalq TV-də “ Özümüz sözümüz, “Baxış bucağı” elmi-intellektual, ədəbi proqramların müəllifi və aparıcısıdır. 2016-cı ildə nəşr olunan “17 illik mücadilə” elmi-publisistik tarixi araşdırmanın, 2018-ci ildə “Dünya soyqırımları tarixi” və 2019-cu ildə iki dildə nəşr olunan “Erməni Qriqorian kilsəsi və terror” kitablarının müəllifidir.[3] Bir neçə kitabın tərtibçisi və redaktoru olmuş, həmçinin müxtəlif elmi-intelletual, maarifləndirmə layihələrinin ideya müəllifi və rəhbəri kimi fəaliyyət göstərmişdir.[4]
Kitabları
redaktə- 17 illik mücadilə - Azərbaycanda sovet hakimiyyətinə qarşı milli-müqavimət hərəkatı - Bakı, 2016;[5]
- Dünya soyqırımları tarixi (2 cilddə) - Bakı, 2018;
- Erməni terroru və Qriqorian kilsəsi - Bakı, 2019[6]
Mükafatları
redaktə- Azərbaycan Jurnalistlər Birliyinin təsis etdiyi “Həsən bəy Zərdabi”laureatı[7]
- 2021-ci ildə Milli Məclisin Gənclər və İdman Komitəsi tərəfindən Vətən müharibəsində arxa cəbhədə fəal iştirak etdiyinə görə Fəxri Fərmanla təltif olunmuşdur.
İstinadlar
redaktə- ↑ Rizvan Fikrətoğlu. "Bir qrup jurnalist mükafatlandırıldı" (az.). Xalqqəzeti.az. 19.07.2024. 10.10.2024 tarixində arxivləşdirilib. İstifadə tarixi: 10 okt 2024.
- ↑ "Bir qrup jurnalist mükafatlandırılacaq" (az.). Musavat.com. 18.07.2024. Archived from the original on 2024-07-22. İstifadə tarixi: 10 okt 2024.
- ↑ ""On yeddi illik mücadilə" kitabı nəşr edilib" (az.). Azertag.az. 28.10.2016. Archived from the original on 29 October 2016. İstifadə tarixi: 10 okt 2024.
- ↑ "İctimaiyyətə məlum olmayan faktlar ortaya qoyuldu" (az.). Trt.net.tr. 28.10.2016. Archived from the original on 2016-10-31. İstifadə tarixi: 10 okt 2024.
- ↑ ""On yeddi illik mücadilə" kitabının təqdimatı olub" (az.). Azərtag.az. 05.11.2016. Archived from the original on 2016-11-06. İstifadə tarixi: 10 okt 2024.
- ↑ ""Erməni terroru və Qriqorian kilsəsi" kitabı işıq üzü görüb" (az.). Oxu.az. 30.11.2019. 10.10.2024 tarixində arxivləşdirilib. İstifadə tarixi: 10 okt 2024.
- ↑ Mina Mikayılova. "Zərdabi mükafatı laureatları bəlli oldu - SİYAHI" (az.). Bakıvaxtı.az. 17.07.2024. 10.10.2024 tarixində arxivləşdirilib. İstifadə tarixi: 10 okt 2024.
Xarici keçidlər
redaktə- RÖYA İSRAFİL. "Anar Turan: "Öncə texniki sahədə Azərbaycan dilinin inkişafını təmin etməliyik"" (az.). 01.08.2023. 10 okt 2024 tarixində arxivləşdirilib. İstifadə tarixi: 10 okt 2024.