Anar Umudov

Azərbaycanlı hüquqşünas

Anar Umudov (tam adı: Anar Azər oğlu Umudov; 9 iyun 1983(1983-06-09), Liski) — Azərbaycanlı hüquqşünas[4][5], siyasətçi[6]; «Alibi Peşəkar Hüquq və Konsaltinq Xidmətləri» MMC-nin təsisçisi, Azərbaycan Respublikası Vəkillər Kollegiyasının üzvü[7][8]; 2018-ci il Azərbaycan Respublikası prezidenti seçkilərində prezidentliyə[9][10], 20152020 Azərbaycan Respublikasının Milli Məclisinə seçkilərdə deputatlığa namizəd.

Anar Umudov
Anar Azər oğlu Umudov
Anar Umudov Photo Wikipedia.jpg
Doğum tarixi 9 iyun 1983(1983-06-09) (37 yaş)
Doğum yeri
Vətəndaşlığı Azərbaycan Azərbaycan
Atası Azər Umudov
Milliyyəti Azərbaycanlı
Dini İslam
İxtisası hüquqşünas[1]
Təhsili Bakı Dövlət Universiteti
Tanınır hüquqşünas, vəkil[2], siyasətçi[3]

Dünya BankıBeynəlxalq Maliyyə Korporasiyası tərəfindən aparılan və biznes mühitinin əlverişliliyi üzrə qiymətləndirməni özündə əks etdirən «Doing Business» adlı hesabatların Azərbaycana aid hissəsinin hazırlanmasında fəal iştirak etdiyinə görə Dünya Bankı tərəfindən dəfələrlə təşəkkürə layiq görülüb, Avropa Yenidənqurma və İnkişaf Bankı, Qaradəniz Ticarət və İnkişaf Bankı kimi beynəlxalq maliyyə qurumlarının Azərbaycanda həyata keçirdikləri irihəcimli kreditləşmə layihələrinin hüquqi müşayiətində iştirak edib.[11]

Avropanın müxtəlif ölkələrində keçirilən beynəlxalq konfrans və seminarlarda işitirak edib. Hüquq sahəsində bir sıra təlim və seminarlarda mühazirəçi qismində çıxış edib.

15 ildən artıq hüquqşünas ixtisası üzrə, o cümlədən 10 ilə yaxın rəhbər vəzifələrdə iş stajına malik olan Anar Umudov Azərbaycanın bir sıra tanınmış müəssisələrində işləyib.

İngilisrus dillərini yüksək səviyyədə bilir.[11]

HəyatıRedaktə

Anar Umudov 1983-cü il iyun ayının 9-da Rusiya Sovet Federativ Sosialist Respublikasının Voronej vilayətinin Liski şəhərində anadan olub.[7][11][12]

1999-cu ildə Bakı şəhəri Nərimanov rayonunda yerləşən hazırda “Tərəqqi liseyi” adlanan 66 №-li orta məktəbi bitirib.[7][11][12]

2003-2004-cü illərdə hərbi xidmətdə olub.[11][12]

Ailəlidir, 4 övladı var.[7][11][12]

Təhsili, elmi və pedaqoji fəaliyyətiRedaktə

2003-cü ildə Bakı Dövlət Universitetinin Beynəlxalq hüquq və beynəlxalq münasibətlər fakültəsinin beynəlxalq hüquq ixtisası üzrə bakalavr, 2010-cu ildə isə eyni fakültənin magistr pilləsini fərqlənmə diplomu ilə bitirmişdir.[7][11][12]

2014-cü ildə Azərbaycan Milli Elmlər Akademiyasının Hüquq və İnsan Haqları İnstitutunun beynəlxalq münasibətlər və beynəlxalq hüquq şöbəsinin doktoranturasına[13] qəbul olunub, 2019-cu ildə doktorantura təhsilini müvəffəqiyyətlə başa vurub.[12]

Hazırda «Azərbaycanın Ümumdünya Ticarət Təşkilatına üzvlüyünə qəbulunun beynəlxalq-hüquqi aspektləri» mövzusunda dissertasiya işi üzərində işləyir.[7][11]

2016-2018-ci illər ərzində Azərbaycan Respublikasının Prezidenti yanında Dövlət İdarəçilik Akademiyasının Dövlət Qulluğu və Kadr Siyasəti kafedrasında müəllim işləyib.

2017-ci ildə Akademik IELTS imtahanından 6.5 bal toplayıb.

"Ümumdünya Ticarət Təşkilatı hüququ – Beynəlxalq ticarətin yeni tənzimləmə aləti kimi"[14] və "Azərbaycan və ÜTT: Üzvolma prosesi və daxili hüquq normalarının ÜTT qaydalarına uyğunlaşdırılması məsələlərinin bəzi aspektləri"[15] elmi məqalələrinin müəllifidir.

İngilisrus dillərini yüksək səviyyədə bilir.

Peşə fəaliyyətiRedaktə

Azərbaycan Müəllimlər İnstitutunda baş hüquqşünas, «Xəzər – Gələcək Naminə Tərəfdaşlıq» İctimai Birliyində icraçı direktor, «ANS Şirkətlər Qrupu»nda hüquq məsləhətçisi, «Embawood» MMC-də hüquq departamentinin direktoru vəzifələrində çalışıb.

2009-cu ildə ən gənc vəkillərdən biri kimi Azərbaycan Respublikası Vəkillər Kollegiyasının üzvlüyünə qəbul olub, 2012-ci ilin iyun ayınadək Vəkillər Kollegiyasının 1 saylı hüquq məsləhətxanasının vəkili olub. Həmin tarixdən bugünədək fərdi vəkil kimi fəaliyyət göstərir.

2010-cu ildən etibarən «Alibi Peşəkar Hüquq və Konsaltinq Xidmətləri» MMC-nin direktorudur.[7][16]

Dünya BankıBeynəlxalq Maliyyə Korporasiyası tərəfindən aparılan və biznes mühitinin əlverişliliyi üzrə qiymətləndirməni özündə əks etdirən Doing Business 2014: Understanding Regulations for Small and Medium-Size Enterprises, Doing Business 2015: Going Beyond Efficiency, Doing Business 2016: Measuring Regulatory Quality and Efficiency, Doing Business 2017: Equal Opportunity for All, Doing Business 2018: Reforming to Create Jobs, Doing Business 2019: Training for Reform adlı hesabatların Azərbaycana aid hissəsinin hazırlanmasında fəal iştirak etdiyinə görə Dünya Bankı tərəfindən 2014-2019-cu illərdə təşəkkürə layiq görülüb.

İctimai-siyasi fəaliyyətiRedaktə

2015-ci il noyabrın 1-də Azərbaycan Respublikasının Milli Məclisinə keçirilmiş seçkilərdə 19 saylı Nərimanov birinci seçki dairəsindən deputatlığa müstəqil namizəd olub[17][12] və 2412 səs toplayaraq 3-cü yer olub.[18]

2018-ci il Azərbaycan Respublikası prezidenti seçkilərində prezidentliyə namizəd olub.[19][20] Seçkilərdə namizədliyi öz təşəbbüsü ilə irəli sürülüb. Namizədliyin irəli sürülməsinin təsdiq edilməsi üçün sənədlər 2018-ci il fevralın 9-da Azərbaycan Respublikası Mərkəzi Seçki Komissiyasına təqdim edilib. Mərkəzi Seçki Komissiyası bununla əlaqədar qanunvericilikdə nəzərdə tutulmuş müddətdə və qaydada müvafiq araşdırma aparıb, irəli sürülmüş namizədliyin təsdiq edilməsi üçün əsasların olmasını müəyyən edib. 14 fevral 2018-ci ildə ARMSK namizədliyin irəli sürülməsini təsdiq edib.[21][22]

İmzatoplama kampaniyası ərəfəsində Modern.az saytı Namizədliyini irəli sürənlərin imzatoplama kampaniyası nə yerdədir? sualına A. Umudov “İmzatoplama kampaniyası hələ də davam edir. Yəqin ki, prosesin yekunlaşması təqribən martın əvvəllərinə təsadüf edə bilər. Sonuncu dəfə bir-iki gün bundan qabaq nə qədər imzanın toplanması ilə bağlı məlumat var idi. Amma proses normal irəliləyir, imzaların sayı ilə əlaqəli yaxın günlərdə dəqiq məlumatımız olacaq”.,- deyə cavab verib.[23]

Prezident seçkiləri ilə əlaqədar namizədin qeydə alınması üçün zəruri olan seçki sənədlərinin MSK-ya təqdim edilməsi üçün ayrılmış vaxt martın 12-də saat 18.00-da başa çatıb. A. Umudov doldurulmuş imza vərəqələri və digər zəruri seçki sənədlərini MSK-ya təqdim etməyib, bununla da, onun seçki prosesində namizəd kimi iştirak etməyəcəyi dəqiqləşib.[24][25][26][27][28][29]

Umudov bu barədə Modern.az-a açıqlamasında deyib ki, sənədlərin təhvili mümkün olmayacaq: "Bu gün biz topladığımız imzaları hesabladıq. Lakin tələb olunan imzaların sayını toplaya bilməmişik. Hardasa imzaların yarısının toplanmasına nail olmuşuq. Bu baxımdan gün sonuna kimi sənədlərimizi MSK-ya təqdim edə bilməyəcəyik. Biz 60 dairəni əhatə etməliydik, amma təqribən 45-ə yaxın dairələri əhatə edə bildik. Təəssüf ki, tələb olunan imzaları toplaya bilmədik".[30]

2020 Azərbaycan Respublikasının Milli Məclisinə seçkilərdə yenə 19 saylı Nərimanov birinci seçki dairəsindən yenidən deputatlığa namizəddir.[31][32]

İstinadlarRedaktə

  1. [http://mediatv.az/cemiyyet/49669-alman-vetendashi-azerbaycan-mehkemesine-muraciet-edib.html Cəmiyyət (31-10-2018, 18:00) Alman vətəndaşı Azərbaycan məhkəməsinə müraciət edib]
  2. Beş nəfərin prezidentliyə namizədliyinin irəli sürülməsi təsdiqlənib
  3. İlham Əliyevin 14 rəqibi: Hafiz Hacıyev, Zahid Oruc, Araz Əlizadə, Tural Abbaslı, Qüdrət Həsənquliyev... - SİYAHI
  4. Hüquqşünas da namizədliyini geri götürdü - İmzalar yetmədi
  5. Alman vətəndaşı Azərbaycan məhkəməsinə müraciət edib
  6. Prezidentliyə namizədliyi irəli sürülən 15 nəfər – SİYAHI
  7. 1 2 3 4 5 6 7 Namizədliyini irəli sürmüş hüquqşünas da danışdı - Müəyyən planları var
  8. Number of Approved Presidential Candidates Rises to Fifteen
  9. Azərbaycanda prezidentliyə 13 namizəd var - (SİYAHI)
  10. Daha 7 nəfər prezidentliyə namizəd oldu
  11. 1 2 3 4 5 6 7 8 Anar Umudov Haqqında
  12. 1 2 3 4 5 6 7 Namizədliyinin irəli sürülməsi təsdiq olunan Anar Umudov kimdir? - Dosye
  13. “Ermənistan-Azərbaycan Dağlıq Qarabağ münaqişəsi və Azərbaycan gənclərinin tövhəsi” mövzusunda dəyirmi masa keçirilib
  14. Ümümmilli lider H.Əliyevin anadan olmasının 93-cü ildönümünə və Azərbaycan MEA Fəlsəfə və Hüquq İnstitutunun 70 illiyinə həsr olunmuş «Hüquq elminin müasir problemləri: Azərbaycan Respublikasında insan hüquq və azadlıqlarının müdafiəsinin yeni tendensiyaları» mövzusunda VI Respublika elmi nəzəri konfransın materialları. Bakı, 2016. səh. 304
  15. Qanun (elmi hüquqi jurnal), № 10 (276), 2017. ISSN 2218-9130, səh. 11-15
  16. Azərbaycanda seçki yarışı: Kimlər sona qədər gedəcək?
  17. Deputatlığa qeydə alınmış namizədlərin - Siyahısı
  18. 19 SAYLI NƏRİMANOV BİRİNCİ SEÇKİ DAİRƏSİ
  19. Rəsmi iddiaçıların sayı 15-ə yüksəlib
  20. MSK İlham Əliyevin namizədliyinin irəli sürülməsini təsdiq edib
  21. 2018-ci il aprelin 11-nə təyin edilmiş Azərbaycan Respublikası Prezidentinin seçkilərində namizədliyi öz təşəbbüsü ilə irəli sürülmüş Anar Azər oğlu Umudovun namizədliyinin irəli sürülməsinin təsdiq edilməsi haqqında
  22. Beş nəfərin prezidentliyə namizədliyinin irəli sürülməsi təsdiqlənib
  23. Namizədliyi irəli sürülənlər imza toplamaqda çətinlik çəkirlər
  24. Seçkinin ən çətin mərhələsi bitdi
  25. Prezidentliyə namizədliyinin irəli sürülməsi təsdiq edilmiş 5 nəfər imza vərəqələrini MSK-ya təqdim etməyib
  26. Prezidentliyə namizədliyini irəli sürən daha bir nəfər geri çəkildi
  27. Seçkinin ən çətin mərhələsi bitdi
  28. Prezidentliyə namizədliyinin irəli sürülməsi təsdiq edilmiş 5 nəfər imza vərəqələrini MSK-ya təqdim etməyib
  29. Prezidentliyə namizədliyinin irəli sürülməsi təsdiq edilmiş 5 nəfər imza vərəqələrini MSK-ya təqdim etməyib
  30. Prezident olmaq istəyən şəxslərdən ikisi problemlə üzləşib - Səbəb
  31. 19 SAYLI NƏRİMANOV BİRİNCİ SEÇKİ DAİRƏSİ ÜZRƏ NAMİZƏDLƏRİN SİYAHISI
  32. İsa Qəmbərin rəqibləri

Xarici keçidlərRedaktə