Andre Şarl Bul

Andre Şarl Bul (11.11.1642,Paris – 28 və ya 29.2.1732, Paris) — fransız mebel ustası. 1672-ci ildən XIV Lüdovikin saray ustası. Luvr, Marli və Versalda dekorativ işlər (qiymətli ağac növlərindən istifadə etməklə divar marketri və s.) görmüşdür.

Andre Şarl Bul
André-Charles Boulle
Doğum tarixi	10 noyabr 1642
Doğum yeri	Paris, Fransa
Vəfat tarixi	29 fevral 1732 (89 yaşında)
Vəfat yeri	Paris, Fransa
Fəaliyyəti	mebel ustası, dizayner, qravüraçı
Fəaliyyət illəri	1666–1732
Vikianbarda əlaqəli mediafayllar

Həyatı

Bulun mebel emalatxanasında dörd oğlu: Filipp Bul (1678–1744), Pyer Benua Bul (1680–1741), Andre Şarl Bul (Bul de Süv, 1685–1745; həmçinin heykəltaraş) və Kiçik Şarl Jozef Bul (1688–1754) işləmişdir. Onların yaratdığı mebel nümunələrində rokokoya təkamül edən klasisizm və barokko əlamətləri birləşirdi. Bu mebelləri effektlilik, dekorun zənginliyi, həmçinin düz xətlərin və əyri -xətli naxışların uyarlı gözəlliyi, ornament və inkrustasiyanın dekorativliyi (səthə yapışdırılmış tunc, abnos ağacından, fil sümüyü, sədəf və tısbağa qınından istifadə etməklə düzəldilən marketri) fərqləndirirdi. Əsasən, Luvr da, Klüni Muzeyində (Paris), Versalda, Fontenbloda, Volles kolleksiyasında, Viktoriya və Albert Muzeyində (London), Ermitajda (S.- Peterburq) saxlanılır. "Bul", həmçinin 17-ci əsrin sonu – 18-ci əsrin 1-ci yarısında fransız saray mebeli sənətində üslub idi.

Muzeylər və sərgilər

Andre Şarl Bulun mebel kolleksiyalarına dünyanın bir çox muzeylərində rast gəlinir:

• Luvr muzeyi, Paris
• Viktoriya və Albert, London
• Qetti muzeyi, Los Anceles

Bundan əlavə, Andre Şarl bulun mebelleri bir sıra fransız saraylarını bəzəyir.

• Versal
• Vo-le-Vikont
• Şantil
• Şeverni

Xarici keçidlər

• Boulle's Inlays
• Dossier de l’Art Boulle & Versailles
• Ecole Boulle Paris
• André Charles Boulle (1642–1732) and the Art of his Time, a new Style for Europe