Ankerit
Ankerit – karbonatlar qrupuna aid mineral. Avstriya mineraloqu M. Ankerin (1771–1843) şərəfinə adlandırılmışdır. Tərkibi dolomit kimi ikiqat duz tiplidir – Ca(Fe2+,Mg)[CO3]2. Sinqoniyası triqonaldır. Kristalları romboedrik, aqreqatları, əsasən, dənəlidir. Rəngi ağ, boz sarımtıl, qonurudur. Şüşə parıltısı var. Sərtliyi – 3,5–4, sıxlığı – 2930–3100 kq/m³. Maqnezium və dəmirlə zəngin süxurlara hidrotermal məhlulların təsirindən əmələ gəlir. Aşınma nəticəsində qonuru rəng aldığı üçün ankeritə qonur şpat da deyilir. Kimya və tikinti sənayesində işlədilir.[1]
Ankerit | |
---|---|
![]() | |
Ümumi məlumatlar | |
Kateqoriya | Karbonat mineral |
Formul (təkrarlanan vahid) |
Ca(Fe2+,Mg)[CO3]2. |
Strunz təsnifatı | 5.AB.10 |
Xüsusiyyətləri | |
Rəng | Ağ, boz sarımtıl, qonur |
Kristal sistemi | Triqonal |
Parlaqlıq | Şüşə parıltısı |
Zolaq rəngi | ağ |
Spesifik ağırlıq | 2.93–3.10 |
Sıxlıq | 2930–3100 kq/m3 |
Dispersiya | Güclü |
![]() |
İstinadlarRedaktə
- ↑ Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 505 - 506. ISBN 978-9952-441-02-4. (#script_parameter)