Anna Belyayeva

Anna Belyayeva (28 aprel 1987) — 2004–2010-cu illərdə Belarusu, 2011–2013-cü illərdə isə Azərbaycanı təmsil edən qadın güləşçi.

Anna Belyayeva
Şəxsi məlumatlar
Tam adı	Anna Belyayeva
Vətəndaşlığı	Belarus → Azərbaycan
Doğum tarixi	28 aprel 1987
Boyu	170 sm. (5 ft 6 in)
İdman növü	Güləş
Karyera illəri	2001—2013
Məşqçisi	Sergey Şxradiu
Medallar Belarus üçün Avropa Çempionatı Bürünc 2008 Tampere 67 Kq. Azərbaycan üçün Avropa Çempionatı Bürünc 2013 Tbilisi 63 Kq.

Karyerası

2004–2010-cu illərdə Belarus yığmasının heyətində mübarizə aparan Anna Belyayeva 17 beynəlxalq turnirin cəmi dördündə medallara sahib oldu. 2006-cı ildə Austrian Ladies Open beynəlxalq turnirində gümüş medala, 2007-ci ildə gənclər arasında Dünya Çempionatında bürünc medala, 2010-cu ildə Almaniya Qran-Prisində isə qızıl medala sahib olan Anna Belyayevanın ən ciddi uğuru 2008-ci ilin aprelində Finlandiyanın Tampere şəhərində baş tutan Avropa Çempionatında bürünc medala sahib olmaq oldu. Digər turnirlərdə isə Anna Belyayeva medala sahib ola bilmədi.

2011-ci ildə Azərbaycan Güləş Federasiyası (AGF) Anna Belyayevanı Azərbaycan yığmasının heyətinə dəvət elədi. Nəticədə Anna Belyayeva həmin dəvəti qəbul elədi və 2011-ci ildən Azərbaycan bayrağı altında beynəlxalq turnirlərdə mübarizə apardı.

Anna Belyayeva 2011-ci ilin iyununda Austrian Ladies Open beynəlxalq turnirinin bürünc medalına sahib oldu, iyulda isə Qızıl Qran-Pri beynəlxalq turnirini 12-ci pillədə başa vurdu.

2012-ci ilin aprelində isə Anna Belyayeva Çində baş tutan Dünya Olimpiya Təsnifat Turnirini üçüncü pillədə başa vurdu və olimpiya lisenziyasına sahib ola bilmədi. Sentyabrda Qızıl Qran-Pri beynəlxalq turnirini 7-ci, Dünya Çempionatını isə 8-ci pillədə başa vuran Anna Belyayeva, noyabrda Rusiyada baş tutan Moscow Lights beynəlxalq turnirinin gümüş medalına sahib oldu.

2013-cü il isə Anna Belyayeva üçün uğurlu mövsüm oldu. Fevralda Bolqarıstanda D. Kolov — N. Petrov beynəlxalq turnirinin, martda isə Belarusda A. Medved beynəlxalq turnirinin bürünc medallarına sahib olan Anna Belyayeva, 18–24 martda Gürcüstanın Tbilisi şəhərində baş tutan Avropa Çempionatında mübarizə apardı. Turnirin 1/8 final mərhələsində İsveç nümayəndəsi Henna Yohanssona qalib gələn Anna Belyayeva, 1/4 final mərhələsində Latviya nümayəndəsi Anastasiya Grigoryevaya məğlub oldu. Təsəlliverici qrupda Yunanıstan nümayəndəsi Agoro Papavasileuouya, bürünc medal uğrunda görüşdə isə İspaniya nümayəndəsi İrene Qarsiya Qarridoya qalib gələn Anna Belyayeva Avropa Çempionatının bürünc medalına sahib oldu.

Həmin ilin iyununda Austrian Ladies Open beynəlxalq turnirinin qalibi olan Anna Belyayeva 26 yaşında idmanla vidalaşdı.

Nəticələri

Sıra	İl	Yarış	Ev sahibi	Nəticə
Belarus
1	2004	Yeniyetmələrin Avropa Çempionatı	Bolqarıstan	8.
2	2005	Almaniya Qran-Prisi	Almaniya	12.
3		Gənclərin Dünya Çempionatı	Litva	14.
4	2006	Avropa Çempionatı	Rusiya	8.
5		Almaniya Qran-Prisi	Almaniya	16.
6		Austrian Ladies Open	Avstriya	2.
7		Gənclərin Avropa Çempionatı	Macarıstan	5.
8	2007	Gənclərin Avropa Çempionatı	Serbiya	5.
9		Gənclərin Dünya Çempionatı	Çin	3.
10		Dünya Çempionatı	Azərbaycan	8.
11	2008	Avropa Çempionatı	Finlandiya	3.
12		Almaniya Qran-Prisi	Almaniya	8.
13		Dünya Çempionatı	Yaponiya	5.
14	2009	Almaniya Qran-Prisi	Almaniya	6.
15		Dünya Çempionatı	Danimarka	18.

Sıra	İl	Yarış	Ev sahibi	Nəticə
16	2010	Avropa Çempionatı	Azərbaycan	5.
17		Almaniya Qran-Prisi	Almaniya	1.
Azərbaycan
18	2011	Austrian Ladies Open	Avstriya	3.
19		Qızıl Qran-Pri	Azərbaycan	12.
20	2012	Kiyev beynəlxalq turniri	Ukrayna	18.
21		Dünya Olimpiya Təsnifat Turniri	Çin	3.
22		Qızıl Qran-Pri	Azərbaycan	7.
23		Dünya Çempionatı	Kanada	8.
24		Moscow Lights beynəlxalq turniri	Rusiya	2.
25	2013	D. Kolov — N. Petrov beynəlxalq turniri	Bolqarıstan	3.
26		A. Medved beynəlxalq turniri	Belarus	3.
27		Avropa Çempionatı	Gürcüstan	3.
28		Austrian Ladies Open	Avstriya	1.