Apti Batalov
Apti Batalov (19 oktyabr 1956, Şatoy rayonu, Qroznı vilayəti[d]) — tanınmamış Çeçen İçkeriya Respublikasının hərbi lideri, ÇİR Silahlı Qüvvələrinin briqada general, İçkeriya Silahlı Qüvvələrinin Baş Qərargah rəisi, ÇİR Prezident Administrasiyasının rəhbəri. Çeçen İçkeriya Respublikası Silahlı Qüvvələrinin Naurski batalyonunun komandiri.
| Apti Batalov | |
|---|---|
| Doğum tarixi | 19 oktyabr 1956 (68 yaş) |
| Doğum yeri |
|
Bioqrafiyası
redaktəQroznı Neft İnstitutunu (qiyabi şöbə) bitirmişdir. 1994-cü ildə Çeçenistanın Naurski rayonu İşerskayat kənd polis şöbəsinin rəisi işləyir. Apti Batalov polis mayoru rütbəsinə qədər yüksəlmişdir[1].
Birinci Çeçenistan müharibəsi zamanı Çeçen İçkeriya Respublikası Silahlı Qüvvələrinin səhra komandiri olmuşdur. Naurski rayonunun müdafiəsinə cavabdeh olsa da, tapşırığın öhdəsindən gələ bilməmiş, rayon praktiki olaraq döyüşsüz alınmışdır. O həm də Naurski batalyonunun komandiri olmuşdur.
Apti Batalov Çeçen İçkeriya Respublikası Silahlı Qüvvələrinin Baş Qərargah rəisi Aslan Masxadovun müavini olmuşdur. 1996-cı il dekabrın 3-dən 1997-ci ilin aprelinə qədər ÇİR Silahlı Qüvvələrinin Baş Qərargah rəisi olur. Briqada generalına qədər yüksəlir[2].
1997-ci ilin aprelindən iyul ayına qədər ÇİR Dövlət Təhlükəsizlik Departamentinin əks-kəşfiyyat şöbəsinin müdiri. Masxadov hakimiyyətini gücləndirmək üçün Batalovu Çeçenistan Respublikasının Dövlət Təhlükəsizliyi İdarəsinə gətirərək, Basayevin dostu və tərəfdarı Əbu Mövsayevi özünə müavin təyin edir.
19 iyul 1997-ci ildə Mövsayev "öz istəyi ilə" bu vəzifədən azad edilir və Batalov ÇİR Milli Təhlükəsizlik Departamentinin rəisi təyin edilir. Bu vəzifədə 1997-ci il iyulun 19-dan dekabrın 27-dək işləyir.
1998-ci ilin iyunundan 1999-cu ilin payızına qədər ÇİR Prezident Administrasiyasının rəhbəri olur. Bu postda o, özünü vəhhabiliyin - Şamil Basayevin və Xəttabın müxalifi kimi göstərir. Apti Batalov 1999-cu ilin avqustunda yaraqlıların Dağıstana hücumunu pisləyir və bunu Çeçenistan üçün fəlakət adlandırır.
İkinci Çeçenistan müharibəsinin başlaması ilə Naurski rayonunun müdafiəsi və Çeçenistan Prezidentinin Mühafizəsinin rəisi olur. Birinci Çeçenistan müharibəsində olduğu kimi, Batalovun silahlıları federal qüvvələrə müqavimət göstərə bilir.
2000-ci ilin yanvarında Batalov “prezident qvardiyasını” buraxaraq istefa verir.
Həbsi
redaktə2000-ci ilin aprelində Apti Batalov Çeçenistanın Şali rayonunun cənub-qərb hissəsində keçirilən xüsusi əməliyyat zamanı saxlanılır. Aprelin 14-də Lefortov həbsxanasına yerləşdirilir.
2000-ci ilin aprelində “Kommersant” qəzeti yazırdı:
|
“Batalov sıradan səhra komandiri deyil. O, dəfələrlə federallara qarşı mübarizə aparmaq istəmədiyini sübut etmiş və artıq həbs edilmiş Salman Raduyevdən fərqli olaraq, onun heç bir ciddi cinayəti yoxdur”. | 
|
2000-ci ilin iyununda Apti Batalov azadlığa çıxır[3]. İstintaq müəyyən edir ki, Apti Batalov ikinci müharibədə iştirak etməyib və birinciyə görə amnistiyaya düşüb.
Mühacirət
redaktə23 mart 2002-ci ildə Rusiyanı tərk edir. Böyük Britaniyada siyasi sığınacaq alır[4]. Hazırda Londonda yaşayır[5].
Qafqaz Əmirliyinin elan edilməsindən sonra, İçkeriyanın müstəqilliyi ideyasından əl çəkərək, bütün Şimali Qafqazın müstəqilliyini müdafiə edir və Dokka Umarovu əmir kimi tanıyır[6].
2010-cu ilin sentyabrında Polşada çeçen xalqlının 3-cü Ümumdünya Konqresinin keçirilməsini pisləmişdir.
İstinadlar
redaktə- ↑ Арестован самый мирный из масхадовцев // Коммерсантъ, 15 апреля 2000
- ↑ Чечня готовится к войне // Коммерсантъ, 1 июля 1998
- ↑ "Муфтий освободил чеченского генерала / InfoArt". 2012-01-28 tarixində orijinalından arxivləşdirilib. İstifadə tarixi: 2021-10-27.
- ↑ Кавказский Узел | Баталов Апти Алдамович[ölü keçid]
- ↑ "«Норд-Ост»: неизвестные подробности теракта". 2016-03-04 tarixində arxivləşdirilib. İstifadə tarixi: 2021-10-27.
- ↑ Independent Nohchipress " МНЕНИЕ. Апти Баталов: Кто против Кавказского Эмирата — тот против независимости Кавказа[ölü keçid]