Aqil Xanməmmədov

Aqil Xanməmməd oğlu Xanməmmədov (23 mart 1973, Ağstafa rayonu) — Fizika-riyaziyyat elmləri doktoru, professor.

Aqil Xanməmmədov
Aqil Xanməmməd oğlu Xanməmmədov
Doğum tarixi	23 mart 1973(1973-03-23) (51 yaş)
Doğum yeri	Ağstafa rayonu, Azərbaycan SSR, SSRİ
Milliyyəti	azərbaycanlı
Elm sahəsi	Riyaziyyat
Elmi dərəcəsi	Fizika-riyaziyyat elmləri doktoru
Elmi adı	Professor
İş yeri	BDU-nun tətbiqi riyaziyyat kafedrası
Təhsili	Bakı Dövlət Universiteti

Həyatı

Aqil Xanməmmədov 1973-cü ildə Ağstafa rayonunda anadan olmuşdur. Orta təhsilini 1980–1990-cı illərdə Ağstafa rayonu Aşağı kəsəmən kənd orta məktəbində almışdır. 1995-ci ildə ali təhsil aldığı BDU-nun tətbiqi-riyaziyyat fakültəsinindən məzun olmuşdur. 1995–1998-ci illərdə BDU-nun tətbiqi riyaziyyat kafedrasının aspirantı olan A.Xanməmmədov, 1998-ci ildən həmin kafedrada çalışır. Bununla yanaşı AMEA Riyaziyyat və Mexanika İnstitutu Diferensial tənliklər şöbəsinin baş elmi işçisi və Azərbaycan Universiteti İnformasiya-kommunikasiya texnologiyaları fakültəsinin professorudur. 2005-ci ildə dosent, 2009-cu ildə isə professor elmi adını almışdır.

Ailəlidir. 2 övladı var.

Elmi fəaliyyəti

1998-ci ildə "Bütün oxda ikinci tərtib fərq tənlikləri üçün səpilmənin tərs məsələsi və onun tətbiqi" mövzusunda namizədlik dissertasiyasını müdafiə edərək, fizika-riyaziyyat elmləri namizədi elmi dərəcəsini almışdır.

1998-ci ildən müəllim, dosent və professor olaraq çalışdığı BDU Tətbiqi riyaziyyat və kibernetika fakültəsində riyazi analiz, funksional analiz, hesablama üsulları, riyazi fizika tənlikləri kimi dərsləri tədris etmişdir.

2008-ci ildə, "Fərq operatorları üçün səpilmənin tərs məsələləri və onların tətbiqləri" mövzusunda doktorluq dissertasiyasını müdafiə edərək, fizika-riyaziyyat elmləri doktoru elmi dərəcəsini almışdır.

Aqil Xanməmmədovun əsas elmi nailiyyətlərindən biri isə dağılan əmsallı fərq operatorları və yalnız bir tərəfdə səpilməyə malik olan fərq operatorları üşün səpilmənin tərs məsələsinin həlli üçün zəruri və kafi şərtlər müəyyən etməsidir. Bundan əlavə, Toda və Volterr tipli qeyri-xətti diferensial tənliklər sistemi üşün Koşi məsələsinin müəyyən siniflərdə qlobal həll olunmasını müəyyənləşdirmiş, həllərin tərs spektral məsələ metodu ilə tapılması alqoritmini vermişdir.

39 elmi məqalənin və bir metodik vəsaitinin müəllifidir.

Seçilmiş Elmi Əsərləri

• О глобальной разрешимости задачи Коши для одной бесконечной системы нелинейных дифференциальных уравнений//Дифференц.уравнения, 2010, т.46, № 2, с.113–116.
• Обратная задача рассеяния для дискретного оператора Штурма-Лиувилля на всей оси// Доклады Академии Наук (Россия), 2010, т.431, № 1, с.25–26
• Обратная задача рассеяния для дискретного уравнения Штурма-Лиувилля//Матем.Сборник, 2011, т.202,№ 7,с.147–160
• Интегрирование цепочки Тоды со ступенеобразными начальными данными. // Доклады Академии Наук.- 2013, т.448, № 2,с.142–144/ Асадова Л.К.
• Обратные задачи рассеяния для разностных операторов и их приложения // LAP LAMBERT Academic Publishing, 2012 , 242p.
• О базисных свойствах системы собственных функций краевой задачи Штурма-Лиувилля, рационально зависящей от спектрального параметра// Journal of Contemporary Applied Mathematics, 2015, vol.5, № 1, pp. 60–65.
• The solution of the Cauchy problem for a Langmuir chain with an asymptotically periodic unitial condition//The reports of National Academy of Sciences of Azerbaijan, 2015, v. LXXI, № 3, p. 6–9 M.G.Mahmudova
• Асимптотически периодическое решение задачи Коши для Ленгмюровской цепочки, Журнал вычислительной математики и математической физики//2015, том 55, № 12, с.2049–2054. М.Г.Махмудова.