Vikipediya

Araz-Naxçıvan PFK

Azərbaycan I Divizionunda çıxış edən futbol klubu


“Araz Naxçıvan” — Naxçıvan şəhərini təmsil edən Azərbaycan futbol klubu. Hal-hazırda Azərbaycan I Divizonunda çıxış edir. 1967-ci ildə təsis edilib, 2013-cü ildə bərpa olunub. 2014-cü ildə Azərbaycan Premyer Liqasında mübarizə aparıb. Həmin il 11 oyunun 9-da məğlub olduğu üçün, hakimlərin ədalətsiz qərarlarını əsas gətirərək[1] çempionatda iştirakını dayandırmışdır. 2019-cu ildə başa çatmış sonuncu — Naxçıvan Muxtar Respublikasının XVII futbol çempionatında birinci yeri tutmuşdur. 2021-2022 mövsümündə Region Liqasında çıxış edərək çempionatı 3-cü yerdə başa vurmuşdur. 2022-ci ildən yenidən I Diviziona vəsiqə qazanmışdır.

Araz-Naxçıvan PFK
Loqonun şəkli
Klubun tam adı Araz Naxçıvan Peşəkar Futbol Klubu
Ölkə Azərbaycan
Ləqəb(lər) Aslanlar
Rəng(lər)          qırmızı-ağ
Yaranma tarixi 1967
Stadionu Naxçıvan Muxtar Respublika Stadionu
Tutumu 12,800
Prezidenti Azərbaycan Vüqar Abbasov
Baş məşqçisi Azərbaycan Azər Bağırov
Liqa Azərbaycan Birinci Divizionu
2022/23 1
arazpfc.com arazpfk.com
Vikianbarın loqosu Vikianbarda əlaqəli mediafayllar

TarixiRedaktə

Sovet dövründəRedaktə

Klub 1967-ci ildə "Araz" adı ilə təsis edilib. Belə ki, 1967-ci ilin mart-aprel aylarında bir vaxtlar "Neftçi"nin heyətində mükəmməl oyunu ilə seçilən Tofiq Axundov Naxçıvana göndərildikdən sonra bir qrup naxçıvanlı fəalın da iştirakı ilə "Araz" futbol komandası yaradılır və seleksiya xarakterli məşqlərə start verilir. Bu zaman artıq SSRİ çempionatında futbol mövsümü başladığından komandanın çıxışı növbəti mövsümə – 1968-ci ilə saxlanılır. Və budur, 1968-ci ilin əvvəllərində SSRİ Futbol Federasiyası müəyyən etdiyi zona birinciliklərini açıqlayır və "Araz" 3-cü zonanın "B" qrupunda mübarizə aparmağa başlayır. Bu zonada (qrupda) keçmiş Sovetlər İttifaqının tərkibində olan ölkələrin 21 komandası yarışırdı ki, bunların da üçü – "Toxucu" (Mingəçevir), "Daşqın" (Zaqatala) və "Araz" (Naxçıvan) Azərbaycanı təmsil edirdilər.

İlk oyun günü: həmin vaxt "Naxçıvan stadionu" adlandırılan (indiki Naxçıvan Muxtar Respublika Stadionu) arena uzun illər boyu futbol həsrəti çəkən azarkeşlərlə dolmuşdu. İlk dəfə olaraq stadionda anons edilir və komandamız SSRİ çempionatında ilk oyununu izləməyə gələn azarkeşlər tərəfindən alqışlanır. Ardınca Zaqatalanın "Daşqın" və Naxçıvanın "Araz" komandaları meydana daxil olur. Komandamız ilk dəfə "Daşqın"la (Zaqatala) oyuna bu heyətlə çıxıb:

1. Ramiz Məmmədov, 2. Vladimir Fyodorov, 3. Gülağa Quliyev, 4. Mirzəağa Əliyev, 5. Hafiz Əliyev, 6. Nəriman Əliyev. 7 Tahir Əliyev, 8. Vitali Xluçin, 9. Şəmsəddin Zeynalov, 10. Vitali Andreyko, 11. Novruz Əliyev.

Meydana çıxan ilk heyətin tərkibində 4 naxçıvanlı futbolçu var idi. Ehtiyat oyunçular skamiyasında isə Feruz Məmmədov (Lənkəran), Cəlil Fətullayev (Naxçıvan), İbrahim Qədimov (Naxçıvan), Aslan Abbasov (Naxçıvan), Yusif Əliyev (Bərdə) və Samo Eynullayev (Bakı) əyləşmişdi. 1968-ci il mövsümündə 40 oyunda iştirak edən "Araz" 5 qələbə və 11 heç-heçə ilə 21 xal toplayır. "B" qrupunda ardıcıl olaraq 3 mövsüm keçirən komandamızın nəticələri ürəkaçan olmur. Ötən əsrin 70-ci illərində "Araz" komandası böyük uğurlara imza atmağa başlayır. 1979-cu ildə komandanın "sükanı arxası"na Əhməd Ələsgərov gətirilir. Köməkçi-məşqçi funksiyası isə Hafiz Əliyevə həvalə edilir. Turnir cədvəlindəki mövqeyini itirməsinə baxmayaraq, komandamız həmin il çempionatı 6-cı pillədə başa vurur. Məhz bu uğurdan sonra keçmiş SSRİ-də "Araz" adı tez-tez hallanmağa başlayır. Baş məşqçi Əhməd Ələsgərov isə "Neftçi" komandasına aparılır. Onunla birgə Naxçıvan təmsilçisinin heyətində uğura imza atan 8 futbolçu Bakı klubuna yollanır.

80–90-cı illərRedaktə

Ötən əsrin 80-ci illərinin əvvəllərində elə də böyük nəticələr qazana bilməyən "Araz", 1987-ci il istisna olmaqla, SSRİ dağılana qədər müntəzəm olaraq II dəstədə çıxışını davam etdirir. "Araz" 1987-ci ildə Azərbaycan SSR-in daxili birinciliyində mübarizə aparır və klub tarixinin ilk titulunu – çempionluğu qazanır. Bu çempionluq komandaya yenidən SSRİ çempionatına qayıtmağa imkan yaradır. Məhz 1988-ci ildən etibarən komanda nailiyyətlər əldə etməyə başlayır. İki il ardıcıl olaraq turnir cədvəlini 7-ci və 9-cu pillələrdə başa vuran komandamız 1990-cı ildə ikinci aşağı liqada böyük nəticə göstərir. Belə ki, Azərbaycan komandalarının qərarlaşdığı 3-cü zonanın "A" yarımqrupunda 2-ci olan "Araz" 1–12-ci yerlər uğrunda mübarizədə üçüncü olur. Komandamız bu mərhələdə yalnız "Qarabağ" və "Xəzər" (Sumqayıt) komandalarından geri qalırdı. Yarandığı gündən etibarən Azərbaycan futboluna yeni nəfəs gətirən "Araz"ın formasını SSRİ dönəmində Vaqif Sadıqov, Oqtay Abdullayev, Novruz Əzimov, Maşallah Əhmədov, İlqar Hüseynov, Asim İbrahimov, Ceyhun Hüseynov, Böyükağa Hacıyev, Allahverdi Səfərov, İbrahim Rzayev və digər tanınmış futbolçular geyiniblər.

Keçirilən görüşlərRedaktə

"Araz" SSRİ çempionatlarında 676 görüş keçirib ki, bu görüşlərin də 277-si Naxçıvan stadionunda oynanılıb. Doğma arenada 146 qələbə qazanan "Araz" 68 görüşdə meydanı "sülh"lə tərk edib. 63 görüş isə rəqiblərin qələbəsi ilə yekunlaşıb. SSRİ kuboku uğrunda isə komandamız yalnız bir görüş ("Rustavi" komandası ilə) keçirib.

Premyer Liqadan çıxmasıRedaktə

 
2014-cü ildən 2021-ci ilə qədər istifadə olunan emblem

2 noyabr 2014-cü il tarixində Araz-Naxçıvan FK Azərbaycan Milli Futbol Çempionatı olan Topaz Premyer Liqasının 11-ci turunda "Qarabağ"a səfərdə 4–0 hesabı ilə məğlub olmuşdur. Bundan sonra klub 3 noyabr 2014-cü il tarixində rəsmi saytı vasitəsilə fəaliyyətini dayandırdığı haqqında açıqlama vermişdir.[2] 4 noyabr 2014-cü il tarixində isə rəsmi saytı vasitəsilə 1 açıqlama da verən klub fəaliyyətini dayandırmasının səbəbləri ilə bağlı KİV-də yer alan xəbərlərə münasibət bildirmiş və səbəblər açıqlamışdır.[3] Klub 11 noyabr 2014-cü il tarixində 1/40 saylı məktubla Peşəkar Futbol Liqasına müraciət edərək fəaliyyətini dayandırması və 12-ci turdan etibarən Topaz Premyer Liqasında çıxışını davam etdirməyəcəyini bildirmişdir.[4] Bundan sonra PFL bu məsələ ilə bağlı qərar qəbul etməsi üçün AFFA İntizam Komitəsinə müraciət etmişdir.[4] 17 noyabr 2014-cü ildə AFFA İntizam Komitəsi iclas keçirmiş və PFL-nin müraciətini müzakirə etmiş, klubu 2014/2015-ci il mövsümündə Topaz Premyer Liqasından və ölkə kuboku oyunlarından xaric etmək və oyunların 50 %-dən azında iştirak etdiyi üçün bütün oyunlardakı nəticələrinin də ləğv edilməsi qərarını vermişdir.[5][6] Bu hadisədən sonra 17 noyabr 2014-cü ildə PFL prezidenti Ramil Musayev klubun 2014/2015 mövsümündə Topaz Premyer Liqası və ölkə kubokundan kənarlaşdırılması və futbolçularına azad agent statusu verilməsi haqqında əmr vermişdir.[4]

Komanda hazırda futbol üzrə Naxçıvan Muxtar Respublika çempionatında çıxış edir. Fəaliyyətini dayandırmayan komanda 2014/15-ci il mövsümündən bəri bütün çempionatların, muxtar respublika kubokunun və "Heydər Əliyev kuboku"nun qalibi olub.

 
Araz-Nakhchivan PFK

UğurlarıRedaktə

Azərbaycan Çempionatında və KubokundaRedaktə

Mövsüm Liqa Yer O Q H M VT BT X Ölkə kuboku
2000/2001 1st 10 20 3 3 14 14 55 12 1\8 final
2013/2014 2nd 1 30 25 4 1 66 11 79 1\4 final
2014/2015 1st

İstinadlarRedaktə

  1. ↑ https://m.futbolpress.az/oxu.php?id=37744
  2. ↑ ""Araz-Naxçıvan"dan bildiriş!" (az.). arazpfc.com. 2014-11-03. 2014-11-22 tarixində orijinalından arxivləşdirilib. İstifadə tarixi: 2014-11-18.
  3. ↑ ""Araz-Naxçıvan" rəsmən fəaliyyətini dayandırdı" (az.). arazpfc.com. 2014-11-04. 2014-11-06 tarixində orijinalından arxivləşdirilib. İstifadə tarixi: 2014-10-29.
  4. ↑ 1 2 3 ""Araz Naxçıvan" çempionatdan kənarlaşdırıldı" (az.). pfl.az. 2014-11-17. 2016-03-05 tarixində arxivləşdirilib. İstifadə tarixi: 2014-10-29.
  5. ↑ ""Araz Naxçıvan" çempionat və ölkə kubokundan xaric edildi" (az.). affa.az. 2014-11-17. 2016-03-10 tarixində arxivləşdirilib. İstifadə tarixi: 2014-10-29.
  6. ↑ "İntizam Komitəsinin iclası keçirilib" (az.). pfl.az. 2014-11-17. 2015-01-20 tarixində arxivləşdirilib. İstifadə tarixi: 2014-10-29.

Həmçinin baxRedaktə


Xarici keçidlərRedaktə

Mənbə — "https://az.wikipedia.org/w/index.php?title=Araz-Naxçıvan_PFK&oldid=6939604"